Avviż dwar il-biljetti taċ-Champions League

Darren Micallef Hot news, Uncategorised Leave a Comment

Nixtiequ ninfurmawkom li se nibdew naċċettaw bookings għall-partiti tal-fażi tal-gruppi taċ-Champions League minn nhar is-Sibt 31 ta’ Awwissu qabel il-partita kontra Napoli.

Apparti dan is-Segretarjat jixtieq iżid li minħabba li l-ammont ta’ biljetti għad-disposizzjoni hija dejjem limitata, l-ewwel li se jingħataw preferenza biex jirriservaw dawn il-biljetti huma dawk il-membri li taw il-fiduċja lill-Club u laħqu ħallsu s-sħubija għall-istaġun 2019/20 qabel it-tlugħ tal-poloz tal-gruppi taċ-Champions League.

Għaldaqstant il-membri diġa mħallsa qabel ma jkunu telgħu l-poloz se jingħataw l-esklussiva biex jirriservaw dawn il-biljetti f’dawn il-ġranet elenkati hawn taħt;

Is-Sibt 31 ta’ Awwissu bejn 7.30pm u 8.30pm
It-Tlieta 3 ta’ Settembru bejn 6.30pm u 8.00pm
Il-Hamis 5 ta’ Settembru bejn 6.30pm u 8.00pm

Mill-10 ta’ Settembru l-quddiem il-bookings se jkunu miftuħin ghal dawk il-membri li ssieħbu wara li telgħu l-poloz ukoll. Nixtiequ nirrimarkaw li dawk il-membri li għad iridu jissieħbu se jkunu jistgħu jħallu isimhom ġo waiting list mingħajr il-ħtieġa li jħallu deposit.

L-aħħar u mhux l-inqas nerġgħu nfakkrukom li kull persuna tista’ tirriserva sa massimu ta’ żewġ biljetti kif ukoll li minn dan l-istaġun sħubija fil-Fan Club biss m’għadhiex biżżejjed għal skopijiet ta’ biljetti iżda hija meħtieġa wkoll il-Juventus Card (ex Tessera del Tifoso).

Grazzi

Darren Micallef
Assistent Segretarju u Assistent Segretarju Internazzjonali

Share with your Bianconeri friends!Share on Facebook
Facebook
Tweet about this on Twitter
Twitter
Print this page
Print
Email this to someone
email

Leave a Reply

Your email address will not be published. Required fields are marked *