Posts

McKennie m’għadux ‘fuori rosa’

Weston McKennie qed jitħalla jittrenja mal-bqija tat-tim u għaldaqstant m’għadux ‘fuori rosa’. Tant hu hekk li hu mistenni jmur l-Amerka mat-tim Juventin. Ovvjament hu jibqa’ wieħed minn dawk il-plejers li Juventus iridu jbigħu, biss għalissa se jitħalla jifforma parti mit-tim sakemm tasal l-offerta t-tajba għalih. Ta’ min jgħid ukoll li ladarba Pogba għadu mhux lest għal-logħob, Allegri se jkun jeħtieġ plejer ieħor f’nofs il-grawnd. Barra minn hekk ma tantx kien jagħmel sens li Juventus imorru jilagħbu l-Amerka mingħajr McKennie li hu popolarissimu f’pajjiżu.

Matthew Scerri

Bonucci u McKennie mqaċċta barra mit-tim Juventin

Qed ikun irrapurtat li Juventus għarrfu lil Bonucci u lil McKennie li huma se jkun ‘fuori rosa’ jiġifieri mhux se jkunu qed jiffurmaw parti mit-tim ta’ dis-sena. Din hi mossa biex huma jaċċettaw li jingħaqdu ma’ tim ieħor. Bonucci nhar it-Tnejn se jmur il-Continassa imma mhux se jkun qed jittrenja mal-bqija tat-tim u lanqas sejjer l-Amerka ma’ sħabu. Ma nafux x’se jagħmel McKennie. Probabbli, imma, anki hu se jkun qed jittrenja fil-Continassa sakemm isib tim ġdid.

Matthew Scerri

Id-dettalji tat-trasferiment ta’ McKennie ma’ Leeds United

Weston McKennie llum se jkun qed jagħmel it-testijiet mediċi qabel jiffirma l-kuntratt ma’ Leeds United. Hu se jingħaqad magħhom b’self b’Leeds ikollhom id-dritt li jixtruh għal kollox fis-sajf għal 34 miljun Ewro. Id-dritt isir obbligu jekk Leeds ma jisfgħux delegati u McKennie jilgħab minn tal-inqas 10 partiti. Is-self se jkun imħallas 1.5 miljun Ewro. McKennie se jkun qed jaqla’ 4 miljuni fis-sena.

Matthew Scerri

Juventus aċċettaw l-offerta għal McKennie skont Allegri

Weston McKennie wasal fi tmiem l-avventura tiegħu ma’ Juventus. Allegri spjega li mhux se jkun mgħajjat għall-partita t’ghada kntra Monza minħabba raġunijiet marbuta mas-suq tat-trasferimenti. Żied li jidhirlu li Juventus laħqu ftehim mal-klabb xerrej (fl-aħħar jiem issemmew ħafna Leeds). Irridu issa naraw jekk McKennie huwiex se jaċċetta l-offerta li waslitlu.

Matthew Scerri

Injury anki għal McKennie

Weston McKennie wkoll mhux mistenni jilgħab iktar għal Juventus f’dan l-2022. Fil-fatt se jkollu jibqa’ barra mill-azzjoni għal madwar ġimaghtejn minħabba injury li sofra kontra Lecce u li wassal biex jinqala’ fl-intervall tal-partita. Issa kontra PSG, Juventus se jkollhom tnax neqsin u Danilo sospiż. Mit-tnax neqsin forsi jirkupra biss Locatelli li ma lagħabx kontra Lecce minħabba raġunijiet personali.

Matthew Scerri

Min jista’ jitlaq min-nofs il-grawnd Juventin

Diversi plejers fin-nofs il-grawnd ta’ Juventus mhumiex ċerti li finalment se jibqgħu tassew ma’ Juventus. Nafu li Rabiot mhux se jkun qed jingħaqad ma’ Manchester United. Juventus kienu qed jittamaw li jbigħuh sabiex jagħmlu l-wisa’ għal Leandro Paredes. Il-midfielder ta’ PSG hu objettiv ewlieni biex jissaħħaħ nofs il-grawnd ta’ Juventus u għaldaqstant jista’ jkun li, f’każ ta’ offerta tajba, Juventus jagħżlu li jbigħu lil Zakaria jew McKennie bil-għan li jkunu jistgħu jiffirmaw lil Paredes. Fil-verità s’issa ma nafux li kien hemm offerti tajbin wisq għat-tnejn li huma, għalkemm spiss smajna li Tottenham huma interessati ferm f’McKennie. Barra minn hekk it-tnejn li huma s’issa urew li jgawdu mill-fiduċja sħiħa ta’ Allegri. ta’ min isemmi mbagħad li hemm Arthur, plejer li mhuwiex fil-pjanijiet ta’ Allegri, imma jiswa wisq għall-ftit klabbs li urew l-interess li jiksbu s-servizzi tiegħu. F’dan l-istadju kollox jindika li Arthur mhux se jkun jista’ jitlaq lil Juventus das-sajf, dejjem sakemm ma tinqalax xi offerta xi ftit jew wisq konvenjenti għal kulħadd fl-aħħar jiem tas-suq tat-trasferimenti.

F’dak li għandu x’jaqsam maż-żgħar, l-indikazzjonijiet huma li l-plejer li l-aktar ikkonvinċa lil Allegri hu Miretti. Fagioli wkoll mistenni jibqa’ ma’ Juventus, għalkemm Cremonese u Sampdoria kemm-il darba ħabbtu l-bieb ta’ Juventus biex jiksbu lill-midfielder Taljan b’self. Rovella, imbagħad, hu dejjem iktar probabbli li jingħaqad b’self ma’ Monza.

Matthew Scerri

Aħbarijiet tajba dwar Cuadrado u McKennie

Aħbarijiet tajba mill-Continassa hekk kif illum Cuadrado qatta’ s-sessjoni ta’ taħriġ mal-kumplament tat-tim. Hu rkupra mill-virus tal-istonku li kien qed iħabbtu fl-aħħar jiem.

McKennie, mill-banda l-oħra, ittrenja biss għal parti mill-ħin ma’ sħabu. Hu għadu qed jirkupra mill-injury fi spalltu u min jaf jirnexxilux ikun għad-dispożizzjoni ta’ Allegri nhar it-Tnejn għall-partita kontra Sassuolo.

Matthew Scerri

Magħrufa l-entità tal-injuries ta’ McKennie u Ake. Għada suppost inkunu nafu dwar Pogba

Illum kien ikkonfermat li Weston McKennie għandu problema fi spalltu u se jkun qed jingħata l-fiżjoterapija meħtieġa. Hu se jdum barra minn tal-inqas tliet ġimgħat, f’liema perjodu se jkun qed jittrejnja waħdu.

Iktar gravi l-injury ta’ Ake. Għalih hemm ksur u se jdum barra xahrejn.

Intant għada f’Lyon, Pogba se jkollu l-viżta għand l-ispeċjalist li se jiddetermina liena operazzjoni jew trattament se jingħata l-Franċiż.

Matthew Scerri

McKennie barra mill-azzjoni għal diversi ġimgħat

Weston McKennie se jkun qed jitlef l-ewwel parti tal-istaġun minħabba injury. Hu qala’ spalltu waqt is-sessjoni ta’ taħriġ qabel il-partita kontra Real Madrid. Fl-aħħar sigħat kien hemm ħafna spekulazzjonijiet dwar kemm se jdum barra: kien hemm min semma 3—4 xhur, min xahar u nofs u min xahar wieħed biss. Il-verita’ hi li s’issa ħadd għadu ma jaf sew x’inhi l-entita’ tal-injury. Juventus jinsabu fi triqthom lura lejn l-Italja. Għada jew it-Tlieta, McKennie jkun inviżtat mit-tobba u jsirulu xi testijiet. Wara biss inkunu nafu fiċ-ċert x’għandu u kemm se jdum barra.

Matthew Scerri

Aktar injuries fi ħdan it-tim Juventin

Lejlet Juventus-Real Madrid, Massimiliano Allegri tilef lil Szczesny u lil McKennie minħabba injuries. Waqt il-partita sofra injury Ake tant li kellu jinbidel wara biss tnax-il minuta wara li daħal fil-grawnd.

Szczesny kellu waħda minn dawk il-problemi muskolari li drajna jkollna fi ħdan it-tim Juventin. Suppost m’għandu xejn gravi u għandu jkun disponibbli għall-ewwel partita tal-istaġun kontra Sassuolo.

McKennie, mill-banda l-oħra, sofra injury fi spalltu. Hu għandu jkollu check-up mediku biex it-tobba ta’ Juventus jifhmu l-entità tal-injury tiegħu.

Insomma, Juventus lanqas ilhom xahar li bdew il-preseason tagħhom u diġà bdiet is-sensiela tal-injuries. Fl-aħħar snin inbidlu kemm-il darba l-physical trainers u t-tobba, imma dil-problema tal-injuries tibqa’ tippersisti.

Matthew Scerri