Wara Di Maria, Champion ieħor tad-dinja se jitlaq lil Juventus. Tħabbar, fil-fatt, b’mod uffiċjali li Juventus għażlu li ma jixtrux għal kollox lil Leandro Paredes. Hu għaldaqstant se jirritorna ma’ PSG.
Matthew Scerri
Fis-sajf Juventus mhux se jkollhom l-obbligu li jixtru għal kollox lil Leandro Paredes. Fil-fatt skont La Gazzetta dello Sport l-obbligu sar issa dritt ladarba Juventus inqalgħu miċ-Champions League. Dritt li Juventus ma tantx jidhru disposti li jeżerċitaw sakemm Paredes ma jaċċettax li tonqos drastikament il-paga tiegħu, kif ukoll PSG jitolbu inqas mis-somma maqbula fis-sajf (27.8 miljun Ewro bonuses u commissions inklużi).
Matthew Scerri
Leandro Paredes se jkollu jibqa’ wieqaf għal madwar ġimaghtejn wara li sofra injury muskolari waqt it-training. L-injury mhuwiex gravi skont ir-riżultati miksub minn testijiet mediċi li sarulu. Wieħed irid jara jekk Paredes huwiex se jirnexxielu jidħol lura fl-azzjoni qabel il-waqfa għat-Tazza tad-Dinja.
Matthew Scerri
Fi tmiem Juventus-Benfica, il-plejers Juventini marru taħt il-Curva bħas-soltu biex isellmu lis-supporters. Huma kienu milqgħuha minn ħafna tisfir. Bonucci stess wara kkummenta li Juventus ħaqqhom dat-tisfir. Tajjeb ngħidu li qatt ma ġrat fl-istorja li Juventus tilfu l-ewwel żewġ partiti tal-grupp taċ-Champions League. Allegri kien qalilna li biex ngħaddu rridu 10 punti. Fadal 12-il punt li nistgħu nieħdu u onestament dat-tim diffiċli li jikseb 10 punti fl-erba’ partiti li fadal!
Filmati li dehru fuq Twitter juru sew li kien hemm żewġ plejers li ma qagħdux għat-tisfir tas-supporters u għażlu li joħorġu mill-grawnd. Il-plejers huma Di Maria u Paredes. Di Maria deher nervuż ferm wara l-partita u hemm filmati tiegħu jitkellem b’mod irrabjat ma’ Milik. Skont l-interpretazzjoni ta’ ħafna, Di Maria kien irrabjat għax Allegri bidel lil Milik ma’ Kean. Ma nafux jekk dan huwiex minnu. Li hu żgur hu li fi tmiem il-partita, hu baqa’ f’nofs il-grawnd u ma marx ma’ sħabu taħt il-Curva. Imbagħad malli sema’ l-ewwel tisfir tas-supporters, Di Maria qabad u mexa lejn id-dressing room. Paredes, mill-banda l-oħra, mexa lejn il-Curva għalkemm baqa’ iktar lura minn sħabu. Malli beda t-tisfir hu dar u telaq ‘il ġewwa.
Matthew Scerri
Juventus ħabbru li kisbu b’self b’xejn lil Leandro Paredes mingħand PSG sat-30 ta’ Ġunju 2023. Il-Bianconeri għandhom id-dritt li jixtruh għal kollox is-sena d-dieħla għal 22.6 miljun Ewro. F’każ li jintlaħqu miri sportivi diġa’ maqbula bejn il-klabbs, id-dritt isir obbligu għal Juventus. Apparti t-22.6 miljun, Juventus iridu jħallsu 2.2 miljun Ewro f’commissions u 3 miljuni oħra f’bonuses. Il-klabbs qablu wkoll li jekk Juventus ma jixtrux lil Paredes għal kollox, imma jkunu ntlaħqu miri sportivi oħra miftehma bejn il-klabbs, il-Bianconeri jkollhom iħallsu 2.5 miljun Ewro lil PSG.
Matthew Scerri
Qed ikun irrapurtat li llum, l-Erbgħa, Leandro Paredes se jkun qed jagħmel it-testijiet mediċi biex jissieħeb ma’ Juventus. It-testijiet mediċi se jsiru direttament f’Pariġi u mhux f’Turin. Skont Romeo Agresti, Juventus se jiksbu lil Paredes b’self bid-dritt li jixtruh għal kollox is-sena d-dieħla għal 15—il miljun Ewro flimkien ma’ 5 miljuni oħra f’bonuses. Id-dritt pero’ jsir obbligu jekk Juventus jilħqu ċerta miri sportivi maqbula bejn il-klabbs.
Matthew Scerri
Il-kowċ ta’ PSG, Christophe Galtier ikkonferma li Paredes għandu ftehim ma’ Juventus. Fi kliemu Paredes moħħu f’Juventus minkejja li għadu plejer ta’ PSG. Fis-sigħat li ġejjin it-trasferiment mistenni jkun uffiċjali.
Matthew Scerri
F’dawn is-sigħat Juventus qed jiffinalizzaw il-ftehim ma’ PSG biex jiksbu lil Leandro Paredes b’self għal sena. Il-klabbs allegatament resqin lejn qbil għal self b’ Juventus ikollhom id-dritt li jixtru lil Paredes għal kollox is-sena d-dieħla għal 15-il miljun Ewro. Jidher li l-aħħar dettalji li l-klabbs għad iridu jsibu ftehim dwarhom huma l-kundizzjonijiet li jwasslu biex dan id-dritt isir obbligu min-naħa ta’ Juventus li jixtru lil Paredes għal kollox.
Matthew Scerri