Posts

It-trasferimenti uffiċjali kollha għat-tim Juventin

/in /by

Plejers li ngħaqdu ma’ Juventus

Bremer (difensur, Torino)

Di Maria (winger, PSG)

Fagioli (midfielder, Cremonese)

Gatti (difensur, Frosinone)

Kostic (winger, Eintracht Frankfurt)

Milik (attakkant, O. Marseille)

Paredes (midfielder, PSG)

Pogba (midfielder, Manchester United)

 

Plejers mibjugħa jew mislufa minn Juventus lil timijiet oħra

Arthur (misluf lil Liverpool)

Bernardeschi (intemmlu l-kuntratt, Toronto)

Brunori (mibjugħ lil Palermo)

Cambiaso (misluf lil Bologna)

Chiellini (kuntratt itterminat qabel iż-żmien, Los Angeles FC)

De Ligt (mibjugħ lil Bayern Munich)

Demiral (mixtri għal kollox minn Atalanta)

De Winter (misluf lil Empoli)

Dybala (intemmlu l-kuntratt, Roma)

Frabotta (misluf lil Lecce)

Isreal (mibjugħ lil Sporting Lisbon)

Mandragora (mibjugħ lil Fiorentina)

Morata (wasal fi tmiemu s-self tiegħu, Atletico Madrid)

Nicolussi Caviglia (misluf lil SudTirol FC)

Pellegrini (misluf lil Eintracht Frankfurt)

Pjaca (misluf lil Empoli)

Ramsey (ftehim biex il-kuntratt tiegħu jkun itterminat)

Ranocchia (misluf lil Monza)

Rovella (misluf lil Monza)

Vrioni (mibjugħ lil New England Revolution)

Wesley (mibjugħ lil Cruzeiro)

Zakaria (misluf lil Chelsea)

Zanimacchia (misluf lil Cremonese)

Dybala se jiffirma kuntratt ma’ Roma

/in /by

Paulo Dybala se jkun qed jilbes il-flokk ta’ Roma mill-istaġun li jmiss. Dalgħodu fid-9.00 ta’ filgħodu hu qabad titjira minn Turin flimkien ma’ Tiago Pinto b’destinazzjoni l-Portugall fejn se jkun qed isirulu t-testijiet mediċi u wara jiffirma l-kuntratt ma’ Roma. Dybala aċċetta l-offerta ta’ Roma dal-lejl wara li tkellem bit-telefon ma’ Mourinho. Hu x’aktarx se jkun qed jilbes il-flokk numru 10 ta’ Roma.

Matthew Scerri

Arrivabene jgħid tiegħu dwar Pogba, De Ligt u Dybala

/in /by

Maurizio Arrivabene ta intervista esklussiva lil Tuttosport fejn tkellem fit-tul dwar is-suq tat-trasferimenti ta’ Juventus. B’mod partikolari hu kellu l-opportunità li jagħti l-verżjoni tiegħu dwar Pogba, Dybala u De Ligt.

Skont Arrivabene, Juventus jinsabu f’taħdidiet ma’ Pogba u l-affarijiet sejrin tajjeb ferm. Dwar Dybala spjega li hu veru li kien hemm offerta ta’ erba’ snin lill-plejer (iċ-ċifra ma semmihiex), liema offerta kienet ġiet mgħoddija lill-aġent tal-plejer. Madankollu, imbagħad, Juventus għamlu kunsiderazzjonijiet ulterjuri li wassluhom biex iwaqqgħu dik l-offerta. Fakkar li f’Jannar l-affarijiet inbidlu drastikament wara li nkiseb Vlahovic.

Id-diriġent Juventin kellu l-opportunità li jitkellem dwar l-għidut li għandu x’jaqsam ma’ De Ligt. Fi kliem Arrivabene, illum hu impossibli li l-klabb iżomm plejer kontra r-rieda tiegħu. Tenna li fil-futbol tal-lum il-plejers jagħmlu biss dak li jgħidulhom l-aġenti. Skontu, f’sitwazzjonijiet bħal dawn hu importanti li t-tliet partijiet iqumu minn mal-mejda tat-taħdidiet kuntenti. Fi kliem ieħor irid jinstab ftehim li jkun konvenjenti għax-xerrej, għall-bejjiegħ u għall-plejer innifsu.

Matthew Scerri

L-attenzjoni ddur fuq is-suq tat-trasferimenti. Mistennija bidliet radikali fi ħdan it-tim Juventin

/in /by

Hekk kif il-kampjonat u l-istaġun waslu fi tmiemhom, l-attenzjoni se ddur għal kollox fuq is-suq tat-trasferimenti. Juventus jidhru li qed jaħdmu bla waqfien biex ikun hemm bidla radikali fi ħdan it-tim. Diversi plejers mistennija jitilqu lil Juventus u minflokhom se jinkisbu plejers oħra. It-tir hu li Allegri jkollu tim iktar kompetittiv b’taħlita ta’ plejers maturi u ta’ esperjenza, flimkien ma’ talenti żgħażagħ.

S’issa nafu li Chiellini għażel li ma jkomplix jilgħab għal Juventus. Dybala u Bernardeschi se jitilqu b’għażla ta’ Juventus li ma ġeddewlhomx il-kuntratti tagħhom. Apparti dawn l-aħbarijiet uffiċjali, smajna ħafna għidut li Juventus ma jridux iżommu iktar lil Kean, Arthur, Alex Sandro, Rugani u Ramsey. Mhux faċli, però, li ssib tim lest joħodhom minħabba l-pagi tagħhom u anki għall-fatt li ġejjin minn wirjiet ferm deludenti. Morata, mill-banda l-oħra, hu plejer li Allegri jixtieq iżomm imma Juventus ma jridux iħallsu l-35 miljun Ewro li skont il-ftehim ta’ sentejn ilu l-Bianconeri għandhom iħallsu biex jixtru lill-iSpanjol għal kollox. L-indikazzjonijiet huma li Juventus se joffru 15-il miljun Ewro lil Atletico Madrid għal Morata, biss l-Ispanjoli għalissa ma jidhrux disposti jinżlu inqas minn 25 miljun.

Mhux ċert il-futur ta’ Rabiot, Pellegrini u McKennie. It-tlieta li huma jistgħu jibqgħu ma’ Juventus anki s-sena d-dieħla, biss jekk tasal offerta tajba għalihom, Juventus x’aktarx ikunu lesti li jbigħuhom. Mhux magħruf anki x’se tkun l-istrateġija ta’ Juventus dwar Rovella, Miretti, Fagioli u Ranocchia. Diffiċli li jibqgħu kollha ma’ Juventus, imma mhux eskluż li xi ħadd minnhom jingħata l-opportunità li jkun parti mit-tim ta’ Allegri.

Niġu issa għall-akkwisti l-ġodda. Qed jissemmew b’saħħa tliet plejers li għandhom il-kuntratt li se jiskadi ftit tal-ġimgħat oħra mat-timijiet rispettivi: Di Maria, Pogba u Perisic. Skont il-gazzetti u l-websites tal-futbol, Di Maria u Pogba diġà aċċettaw l-offerta li saritilhom minn Juventus. S’issa, però, m’hemm ebda firma fuq xi kuntratt u allura mhux eskluż li jista’ jkun hemm xi u-turn mill-plejers inkwistjoni. Perisic ukoll jidher qrib li jingħaqad ma’ Juventus, għalkemm il-partijiet għadhom jiddiskutu d-dettalji tal-ftehim. Fid-difiża qed jissemma bdil bejn Acerbi u Rugani. Barra minn hekk Atalanta x’aktarx mhux se jixtru għal kollox lil Demiral u allura probabbli li Juventus se jkunu jistgħu jżommu flimkien ma’ Gatti li nxtara f’Jannar.

Matthew Scerri

Dybala ma jittrenjax minħabba li qed ikun interrogat fil-‘Procura’ ta’ Turin

/in /by

Illum Paulo Dybala kien mistenni jittrenja għall-ewwel darba ma’ Juventus wara li ħarġet l-aħbar li l-kuntratt tal-Arġentin mhux se jkun imġedded. Minflok mar għat-training, però, Dybala ġie msejjaħ fl-uffiċini tal-Procura ta’ Turin sabiex jagħti x-xhieda tiegħu b’rabta mal-investigazzjoni dwar allegat ‘falso in bilancio’ min-naħa ta’ Juventus. Skont l-investigaturi jista’ jkun li Juventus ma rreġistrawx b’mod korrett il-pagi tal-plejers fl-2020 u fl-2021, liema pagi kellhom jitħallsu b’mod differenti minn kif stipulat fil-kuntratti minħabba l-kriżi tal-Covid-19. Dybala ntalab jitla’ jagħti l-verżjoni tiegħu tal-fatti.

Matthew Scerri

Dybala mhux se jġedded il-kuntratt ma’ Juventus

/in /by

Paulo Dybala mhux se jkun qed iġedded il-kuntratt ma’ Juventus. Illum Juventus kellhom laqgħa mal-aġenti tal-istilla Arġentina u jidher li l-proposta li Juventus ressqu ma għoġbitx lill-aġent ta’ Dybala. Allegatament Juventus offrew paga fissa ta’ 6 miljuni lil Dybala b’bonuses li jwasslu l-paga sa ftit inqas minn 10 miljuni. Juventus naqqsu drastikament anki l-commission li kienu qed joffru lill-aġent Antun. Issa jidher li dak li dejjem bżajna li seta’ jiġri, fil-verità se jseħħ: Dybala se jkun qed jitlaq lil Juventus b’xejn minn hawn u tliet xhur oħra.

Matthew Scerri

Juventus qed jagħżlu li ma jġeddux il-kuntratt ta’ Dybala?

/in /by

Juventus u Paulo Dybala jidhru dejjem imbegħdin minn xulxin. Dil-ġimgħa Juventus kellhom ikollhom laqgħa mal-aġent Jorge Antun, biss id-diriġenza Bianconera allegatament ħassret il-laqgħa u mexxietha għal wara l-partita kontra Villareal. F’dan l-istadju kollox qisu qed jindika li Juventus ma jridux iġeddu l-kuntratt ta’ Dybala. Nafu li ftit qabel il-Milied Dybala kien lest jaċċetta l-proposta ta’ Juventus. Imbagħad, però, Juventus bidlu fehemthom u baxxew l-offerta tagħhom. Ovvjament Dybala ħa għalih. Issa dak li nqala’ dil-ġimgħa qed jidher bħala konferma oħra ta’ kemm Juventus huma xettiċi li jġeddu l-kuntratt ta’ Dybala. L-Arġentin qed ikollu wisq injuries u Juventus qed ikollhom jgħaddu mingħajru parti kbira mill-istaġun. Barra minn hekk qed jissemma li l-Bianconeri f’dan l-istadju qed jippreferu jixtru lil Raspadori minflok iġeddu l-kuntratt ta’ Dybala. Dwar il-kontribut ta’ Dybala lit-tim ma tantx hemm wisq x’tgħid għax l-affarijiet qegħdin quddiem għajnejn kulħadd. Il-kwistjoni kollha tibqa’, però, kemm hi għaqlija l-għażla ta’ Juventus li jitilfu b’xejn lil Dybala tliet xhur oħra.
Matthew Scerri

Dybala u t-tiġdid tal-kuntratt tiegħu

/in /by

Issa ilna għal dawn l-aħħar xhur nisimgħu li Dybala qiegħed qrib li jiffirma kuntratt ġdid mal-klabb, liema firma baqghet qatt ma waslet.

Iċ-ċifra li bdiet kostantament tissemma hija dik ta’ 10 miljuni fis-sena, però l-mistoqsija prinċipali f’dan kollu hija jekk Dybala jimmeritahx li jaqla’ daqshekk. Kulħadd għandu dritt għal opinjoni imma personalment ma naħsibx li wera li jimmeritah din il-paga għal diversi raġunijiet li se nkun qiegħed nispjega.

Ilkoll naqblu li Dybala kien wieħed mill-aktar plejers important f’dal-aħħar snin però stennejna li jagħmel dik il-qabża li sfortunatment baqa’ m’għamilx u ma narax li għandu karatteristiċi ta’ leader li jkun kapaċi jġorr it-tim fuq spallejh, dak li t-Taljani jsejħulu trascinatore. Dawn l-aħħar sentejn kienu wkoll ikkaratterizzati minn diversi injuries u problem fiżiċi għall-Arġentin fejn sab diffikultà biex iżomm ruħu fl-aħjar kundizzjoni possibbli.

Meta wieħed janalizza dan kollu jiġi f’dubju jekk Dybala verament jimmeritahx din il-paga li allegatament talab. Wara li skont il-ġurnalist ta’ Goal Italia Romeo Agresti qal li l-klabb kellu ftehim verbali ma’ Dybala u l-aġent tiegħu Jorge Antun sa minn Ottubru li għadda issa qed jibdew jiċċirkolaw rapporti li l-klabb qed jikkunsidra joffrilu kuntratt ġdid fi Frar li ġej però din id-darba għal figura inqas li hi ta’ 7.3 miljuni fis-sena. Nistennew u naraw.

Luke Zammit

Filmat: L-intervisti fi tmiem Malmo-Juventus

/in /by
https://www.youtube.com/watch?v=gxLEq56YxiY