Illum il-Lega Serie A ħabbret il-programm tal-logħob tal-31, 32 u 33 -il ġurnata tal-Kampjunat tas-Serie A 2023-24.
Hawnhekk qed inwasslulkom x’imiss għat-tim tant maħbub tagħna.
Grazzi
u nisperaw li narawkom bosta numerużi fil-klabb tagħna biex nassistu għal dawk il-partiti.
Pierre Bonavia
Illum Dazn kellhom problemi tekniċi kbar li wasslu biex il-partita Inter-Cagliari ma setgħetx tixxandar. Apparti l-polemiki kbar li għaddejjin bħalissa online, ta’ min jgħid li hemm tħassib enormi għax Dazn għadhom kif ingħataw id-dritt li jxandru l-parti tas-Serie A mill-istaġun li jmiss. Għal dawn l-aħħar tmintax-il sena kienu Sky li xandru l-partiti u s-servizz dejjem kien impekkabbli mil-lat tekniku. Dazn fl-aħħar sentejn spiss kellhom xi problemi tekniċi, qatt imma daqs dawk tal-lum li wasslu biex il-partita sħiħa ma xxandritx. Ħafna qed isaqsu jekk Dazn humiex affidabbli biżżejjed biex jittrasmettu l-partiti kollha tas-Serie A mis-sena d-dieħla.
Matthew Scerri
Il-plejers mgħajta minn Pirlo għall-partita kontra Genoa huma:
Gowlers: Szczesny, Buffon, Israel
Difensuri: De Ligt, Alex Sandro, Danilo, Cuadrado, Bonucci, Dragusin, Frabotta
Plejers ta’ nofs il-grawnd: Arthur, Ramsey, McKennie, Chiesa, Rabiot, Bentancur, Bernardeschi, Portanova, Kulusevski
Attakkanti: Ronaldo, Morata, Dybala, Da Graca
Matthew Scerri
Li Verona huma għadma iebsa kien fatt magħruf. Li ma konniex nafu kien li Juventus kienu se jbatu tant kontra Verona. Għal ħinijiet twal il-kontroll tal-partita kien f’idejn Verona. Juventus kellhom diversi okkażjonijiet ta’ gowl, forsi iktar minn Verona, imma m’hemmx dubju li l-Bianconeri sofrew wisq, għallinqas sal-mument meta Favilli poġġa lit-tim tiegħu fil-vantaġġ. Pirlo għadu ma għaqqadx lit-tim. Hemm plejers bħal Arthur u Dybala li jridu iktar logħob. F’nofs il-grawnd qed inbatu ma’ kulħadd fl-Italja, problema li ilha minn tal-inqas għal dawn l-aħħar tliet snin. Numerikament u atletikament, l-avversarji qed ikunu aħjar f’nofs il-grawnd. Il-midfield Juventin mhux qed jipproteġi lid-difiża kif suppost jagħmel u spiss qed inkunu esposti għall-kontrattakk tal-avversarji. Ramsey, imbagħad, xi kultant jagħti l-impressjoni li jgħin iktar lill-attakk milli lid-difiża. Pirlo għandu jirrifletti fuq il-fatt li dis-sistema ta’ logħob hi l-istess waħda ta’ Sarri tas-sena li għaddiet (bid-differenza li issa hemm Cuadrado aktar avvanzat), sistema li s-sena li għaddiet uriet ċerta limiti fit-tim Juventin u l-impressjoni hi li s’issa qed naraw l-istess difetti tas-sena li għaddiet. Li rajna tajjeb illum u drabi oħra hi r-reazzjoni tat-tim wara li mar minn taħt. Minkejja l-problemi tattiċi tal-mument, it-tim xorta waħda qed ikollu l-enerġija biex jirreaġixxi u jsalva r-riżultat. Kulusevski llum reġa’ kien deċiżiv mhux biss għax skurja l-gowl tad-draw, imma anki għax ta kwalità kbira mal-linja xellugija, ħaġa li għal darb’oħra Bernardeschi naqas milli jagħmel. Kulusevski waħdu bidel l-andament tal-partita, tant li wara li daħal hu fil-grawnd Juventus Juventus marru qrib li jirbħu l-partita. Pirlo u s-supporters Juventini għandhom ikunu tassew kuntenti għall-grinta tal-plejers fil-grawnd fl-aħħar għoxrin minuta u nittamaw li ma ndumux ma naraw lit-tim Juventin fl-aqwa tiegħu kemm mil-lat atletiku kif ukoll minn dak tattiku. Finalment ma nistgħux nilagħbu biss għoxrin partita kull darba u l-punti li qed jintilfu bħalissa jaf jiswew qares fl-aħħar tal-istaġun bil-konkorrenza li hemm dis-sena!
JUVENTUS- HELLAS VERONA 1-1
Skurjaw: Favilli (V), Kulusevski (J)
Juventus (3-4-1-2): Szczesny; Danilo, Bonucci (Frabotta), Demiral; Cuadrado, Arthur, Rabiot, Bernardeschi (Kulusevski); Ramsey (Vrioni); Dybala, Morata. Kowċ: Pirlo
Hellas Verona (3-4-2-1): Silvestri; Ceccherini (Magnani), Lovato, Empereur; Faraoni, Vieira, Tameze (Ilic), Lazovic; Colley, Zaccagni; Kalinić (Favilli – Barak). Kowċ: Jurić
Referee: Pasqua.
Karti sofor: Lazovic (V), Vieira (V), Empereur (V), Faraoni (V), Kulusevski (J).
Matthew Scerri
Illejla Juventus se jilagħbu kontra l-aqwa difiża s’issa fl-Ewropa, għallinqas fl-aqwa ħames kampjonati tal-Ewropa. Fil-fatt Verona sofrew gowl wieħed biss. Milan biss rnexxilhom jagħmlu l-istess. It-timijiet l-oħra tal-aqwa ħames kampjonati s’issa sofrew iktar gowls minn hekk.
Matthew Scerri