Turin
Id-dar ta' Juventus — belt ta' storja, arti, palazzi rjali u l-Alpi.
Kapitali rjali f'riġlejn l-Alpi
Il-belt ta’ Turin hi ċ-ċentru politiku u amministrattiv ewlieni tar-reġjun Taljan tal-Piemonte, kif ukoll hi belt mimlija storja, arti u kultura. Oriġinarjament imwaqqfa mir-Rumani, Turin matul is-snin dejjem okkupat rwol importanti fl-istorja. B’mod partikolari Turin tibqa’ magħrufa talli kienet l-ewwel belt kapitali tal-Italja fl-1861, anzi kienet proprju mill-istruttura politika tar-Renju tal-Piemonte u s-Sardenja, bil-kapitali tiegħu f’Turin, li ngħata bidu għall-unifikazzjoni tal-Italja.
Turin hi belt nobbli u aristokratika li taf l-identità tagħha lill-House of Savoy li żammet kontroll politiku fuq Turin għal mijiet ta’ snin, u li għamlitha ċentru importanti ta’ kultura. Mil-lat tal-kwalità tal-ħajja, Turin hi belt kwieta minkejja li għandha popolazzjoni ta’ madwar żewġ miljun persuna — b’ambjent suġġestiv immens grazzi għall-preżenza tal-muntanji tal-Alpi u x-xmara Po li taqsam lill-belt.
House of Savoy
Mijiet ta' snin ta' ħakma rjali ħallew lil Turin belt ta' palazzi kbar — Palazzo Madama, Stupinigi u r-Reggia di Venaria Reale.
Arkitettura Barokka
Eżempji mill-aqwa ta' arkitettura Barokka, Rococo, Neo-klassika u Art Nouveau — ħafna minnha ddisinjata mill-arkitett Filippo Juvarra.
L-Alpi u x-xmara Po
Ambjent suġġestiv bejn il-muntanji u x-xmara. Sestriere u Bardonecchia huma fost l-iskiing resorts l-aktar popolari fl-Italja.
Il-Mużew Eġizzju
L-ikbar ġabra ta' antikitajiet Eġizzjani fid-dinja wara dik tal-Kajr — waħda mill-attrazzjonijiet ewlenin tal-belt.
Il-Liżar ta' Kristu
Jinsab fid-Duomo ta' Turin u, skont it-tradizzjoni Kristjana, huwa l-liżar li ntuża għad-difna ta' Kristu — magħruf mad-dinja kollha.
Mole Antonelliana
Is-simbolu tal-belt, struttura stupenda li llum tospita l-Mużew taċ-Ċinema — u waħda mill-akbar landmarks ta' Turin.
FIAT u l-industrija
Tagħmel parti mit-trijanglu industrijali flimkien ma' Milan u Ġenova — il-FIAT għen lin-nazzjon Taljan fil-proċess ta' industrijalizzazzjoni wara t-Tieni Gwerra Dinjija.
L-inbid tal-Piemonte
Il-kampanja ta' madwar hija magħrufa għall-produzzjoni agrikola tagħha — fuq kollox għal xi wħud mill-aqwa nbejjed tal-Italja.
Belt turistika ewlenija
Waħda mill-250 belt bl-ikbar numru ta' viżitaturi fid-dinja, u fost l-għaxar bliet l-aktar miżjura fl-Italja kollha.
Għall-aħbarijiet aġġornati fuq l-attivitajiet kulturali u informazzjoni fuq l-akkomodazzjoni fil-belt ta' Turin, żur visitatorino.com u comune.torino.it/canaleturismo.
Hotel Concord — rati għall-membri biss
Il-Club joffri mingħajr ebda obbligazzjoni marbuta max-xiri ta' biljetti, akkomodazzjoni bi prezzijiet vantaġġjużi ħafna u esklussivi għall-membri tal-Club biss ġewwa l-Hotel Concord. Din il-lukanda ewlenija ta' 4 stilel tinsab fil-qalba taċ-ċentru kummerċjali ta' Turin u fil-passat reċenti kienet isservi wkoll bħala l-lukanda uffiċjali ta' Juventus.
Hotel Concord
Lukanda ewlenija ta' 4 stilel fiċ-ċentru ta' Turin, li toffri buffet breakfast abbundanti u varjat sew. Il-prezzijiet japplikaw għall-partiti tas-Serie A, Europa League u Coppa Italia.
- Fil-qalba taċ-ċentru kummerċjali ta' Turin
- Buffet breakfast abbundanti inkluż
- Sa reċentement il-lukanda uffiċjali ta' Juventus
- Il-ħlas isir ġewwa l-lukanda stess
Superior
Deluxe
More spaceIl-prezzijiet huma għal kull kamra, kull lejl, bil-breakfast inkluż.
Itlob kamra
Sabiex tirriserva kamra intom mitluba tħallu d-dettalji tagħkom fl-applikazzjoni hawn taħt. Meta jaslulna d-dettalji nikkuntattjawkom aħna lura. Ir-riservazzjoni tista' ssir ukoll ġewwa l-uffiċċju tal-Club.