Ilbieraħ intlagħbet l-ewwel partita fl-Italja bin-nies wara l-lockdown u l-bidu tal-imxija tal-Covid-19. L-iStadio Tardini ta’ Parma fetaħ il-bibien għas-supporters biex ikunu jistgħu jassistu għall-partita ta’ ħbiberija bejn Parma u Empoli. Attendiet 1000 persuni. Inżammu l-miżuri tas-soltu: ittieħdet it-temperatura tas-supporters qabel daħlu fl-istadium; kulħadd kellu jilbes il-maskra; tneħħew it-tornelli jiġifieri l-istrutturi tal-ħadid li minnhom jgħaddu normalment is-supporters biex jidħlu fil-grawnd; kif ukoll kulħadd kellu jibqa’ bilqiegħda mingħajr ma jqum minn postu. Jidher li l-esperiment irnexxa, għalkemm ta’ min jgħid li l-ultras Boys Parma 1977 iddeċidew li ma jmorrux għall-partita peress li ma jaqblux ma dal-mod kif is-supporters qed ikollhom joqogħdu fil-grawnd.

Matthew Scerri