Juventus u Milan iltaqgħu kontra xulxin f’konfronti diretti 233 darba fil-passat. Minn dawn Juventus rebħu 91, kien hemm 75 draw u 67 rebħa għal Milan. Jekk inħarsu biss lejn il-konfronti tas-Serie A, insibu 170 partita, b’66 rebħa għal Juventus, 54 draw u 50 rebħa għar-Rossoneri. Il-partiti tas-Serie A f’San Siro jammontaw għal 85. Hawn Milan rebħu iktar minn Juventus (29 rebħa għal Milan kontra t-23 rebħa ta’ Juventus, b’33 konfront jintemm fi skor ta’ draw). L-aktar plejer Juventin li lagħab f’dal-konfronti hu Buffon (14-il darba), filwaqt li dak li skurja l-aktar hu Bettega (5 gowls). F’Lulju li għadda Milan kienu għelbu lil Juventus 4-2 wara li kienu żewġ gowls minn taħt.

Matthew Scerri