M’hemm xejn ġdid dwar it-trasferiment ta’ Arthur b’self ma’ Valencia. In-negozjati bejn Juventus u l-klabb Spanjol jidhru weqfin bħalissa, bil-partijiet ma jirnexxilhomx isibu ftehim bejniethom. Il-kwistjoni kollha hi marbuta ma’ kif se tinqasam il-paga ta’ Arthur bejn iż-żewġ klabbs. Valencia lesti jħallsu sa massimu ta’ 25% tal-paga ta’ Arthur, filwaqt li Juventus qed jitolbuhom li jħallsu nofs il-paga. Valencia ma jridux jaċċettaw u allura kollox jinsab wieqaf. Probabbli li t-trasferiment, jekk iseħħ, ikun possibbli biss fl-aħħar jiem qabel jagħlaq is-suq tat-trasferimenti.

Matthew Scerri