Bħal-lum fil-passat (16 ta’ Marzu)
‘Gobbo Maltese’ qed iwasslilna llum partita mit-Tazza taċ-Champions bejn Juventus u Aston Villa, liema partita ntlagħbet fis-16 ta’ Marzu 1983.
L-ewwel paġni tal-gazzetti Taljani (15 ta’ Marzu 2022)
Qed inwasslulkom l-ewwel paġni tal-gazzetti Taljani tal-isports tal-lum il-15 ta’ Marzu 2022
Bħal-lum fil-passat (15 ta’ Marzu)
Fil-kotba tal-istorja ta’ Juventus insibu li fil-15 ta’ Marzu ntlagħbu erba’ derbies bejn Juventus u Torino. Il-filmat t’hawn taħt hu dak tad-derby tal-1981 meta Juventus rebħu 2-0 b’gowls ta’ Cabrini u Brady. Id-derbies l-oħra ntlagħbu fl-1953 (Juventus ħarġu rebbieħa bl-iskor ta’ 0-1) , 1959 (rebħa ta’ 3-2 għal Torino) u fl-1964 (draw ta’ 0-0)
L-ewwel paġni tal-gazzetti Taljani (14 ta’ Marzu 2022)
Qed inwasslulkom l-ewwel paġni tal-gazzetti Taljani tal-isports tal-lum l-14 ta’ Marzu 2022
L-ewwel paġni tal-gazzetti Taljani (13 ta’ Marzu 2022)
Qed inwasslulkom l-ewwel paġni tal-gazzetti Taljani tal-isports tal-lum it-13 ta’ Marzu 2022
Bħal-lum fil-passat (13 ta’ Marzu)
Il-partita li qed inwasslulkom dalgħodu hi Juventus-Avellino tal-1983. It-tim ta’ Trapattoni kien letteralment ġab fix-xejn lill-avversarji bil-qawwa tal-istilel Bianconeri: Scirea, Platini u Boniek. Huma fil-fatt iffirmaw il-gowls tal-goleada Juventina.
Juventus qed jagħżlu li ma jġeddux il-kuntratt ta’ Dybala?
Juventus u Paulo Dybala jidhru dejjem imbegħdin minn xulxin. Dil-ġimgħa Juventus kellhom ikollhom laqgħa mal-aġent Jorge Antun, biss id-diriġenza Bianconera allegatament ħassret il-laqgħa u mexxietha għal wara l-partita kontra Villareal. F’dan l-istadju kollox qisu qed jindika li Juventus ma jridux iġeddu l-kuntratt ta’ Dybala. Nafu li ftit qabel il-Milied Dybala kien lest jaċċetta l-proposta ta’ Juventus. Imbagħad, però, Juventus bidlu fehemthom u baxxew l-offerta tagħhom. Ovvjament Dybala ħa għalih. Issa dak li nqala’ dil-ġimgħa qed jidher bħala konferma oħra ta’ kemm Juventus huma xettiċi li jġeddu l-kuntratt ta’ Dybala. L-Arġentin qed ikollu wisq injuries u Juventus qed ikollhom jgħaddu mingħajru parti kbira mill-istaġun. Barra minn hekk qed jissemma li l-Bianconeri f’dan l-istadju qed jippreferu jixtru lil Raspadori minflok iġeddu l-kuntratt ta’ Dybala. Dwar il-kontribut ta’ Dybala lit-tim ma tantx hemm wisq x’tgħid għax l-affarijiet qegħdin quddiem għajnejn kulħadd. Il-kwistjoni kollha tibqa’, però, kemm hi għaqlija l-għażla ta’ Juventus li jitilfu b’xejn lil Dybala tliet xhur oħra.
Matthew Scerri
Chelsea f’diffikultà enormi. Emerson u Jorginho msemmija ma’ Juventus
Chelsea għaddejjin minn mument tassew diffiċli hemm kif l-awtoritajiet tar-Renju Unit qed jieħdu passi drastiċi fil-konfront ta’ Roman Abramovic u ta’ ħafna biljunarji Russi li jgħixu fl-Ingilterra. L-assi ta’ Abramovic jinsabu ffriżati u ovvjament hemm riperkussjonijiet kbar anki fuq Chelsea hekk kif sar magħruf li l-bank Barclays bblokkja saħansitra l-kont ta’ Chelsea. Kellu rapporti li minħabba l-miżuri l-klabb ta’ Chelsea bħalissa lanqas jista’ jinbigħ u saħansitra l-klabb lanqas biss ibigħ il-biljetti tal-partiti. Is-sitwazzjoni, għaldaqstant, tant hi mwiegħra li hemm periklu kbir li Chelsea qed jirriskjaw il-falliment. Bħalissa għaddejjin spekulazzjonijiet kbar li l-plejers ta’ Chelsea se jkunu mingħajr kuntratt minn hawn u ftit tax-xhur oħra minħabba l-qagħda tal-klabb. Juventus huma interessati f’Emerson Palmieri u Jorginho. Plejers oħra ta’ Chelsea għandhom pagi fenomentali li Juventus ma jaffordjawx. Nafu, però, li ż-żewġ plejers Taljani ilhom snin fil-mira ta’ Juventus u jistgħu jingħaqdu ma’ Juventus biex jieħdu post Arthur u Alex Sandro.
Matthew Scerri