McKennie barra mill-azzjoni għal diversi ġimgħat

/in /by

Weston McKennie se jkun qed jitlef l-ewwel parti tal-istaġun minħabba injury. Hu qala’ spalltu waqt is-sessjoni ta’ taħriġ qabel il-partita kontra Real Madrid. Fl-aħħar sigħat kien hemm ħafna spekulazzjonijiet dwar kemm se jdum barra: kien hemm min semma 3—4 xhur, min xahar u nofs u min xahar wieħed biss. Il-verita’ hi li s’issa ħadd għadu ma jaf sew x’inhi l-entita’ tal-injury. Juventus jinsabu fi triqthom lura lejn l-Italja. Għada jew it-Tlieta, McKennie jkun inviżtat mit-tobba u jsirulu xi testijiet. Wara biss inkunu nafu fiċ-ċert x’għandu u kemm se jdum barra.

Matthew Scerri

Bħal-lum fil-passat (31 ta’ Lulju)

/in /by

Nagħtu titwila lill-preseason Juventin tal-2021. Proprju bħal-lum Juventus kienu lagħbu kontra Monza fit-Trofeo Berlusconi. Din kienet l-ewwel edizzjoni tat-Trofeo Berlusconi wara li Silvio Berlusconi ħa f’idejh it-tmexxija tat-tim ta’ Monza.

Aktar injuries fi ħdan it-tim Juventin

/in /by

Lejlet Juventus-Real Madrid, Massimiliano Allegri tilef lil Szczesny u lil McKennie minħabba injuries. Waqt il-partita sofra injury Ake tant li kellu jinbidel wara biss tnax-il minuta wara li daħal fil-grawnd.

Szczesny kellu waħda minn dawk il-problemi muskolari li drajna jkollna fi ħdan it-tim Juventin. Suppost m’għandu xejn gravi u għandu jkun disponibbli għall-ewwel partita tal-istaġun kontra Sassuolo.

McKennie, mill-banda l-oħra, sofra injury fi spalltu. Hu għandu jkollu check-up mediku biex it-tobba ta’ Juventus jifhmu l-entità tal-injury tiegħu.

Insomma, Juventus lanqas ilhom xahar li bdew il-preseason tagħhom u diġà bdiet is-sensiela tal-injuries. Fl-aħħar snin inbidlu kemm-il darba l-physical trainers u t-tobba, imma dil-problema tal-injuries tibqa’ tippersisti.

Matthew Scerri

L-ewwel paġni tal-gazzetti Taljani (31 ta’ Lulju 2022)

/in /by

Qed inwasslulkom l-ewwel paġni tal-gazzetti Taljani tal-isports tal-lum il-31 ta’ Lulju 2022

 

Prima Pagina Tuttosport 31/07/2022

Prima Pagina La Gazzetta dello Sport 31/07/2022

Prima Pagina Corriere dello Sport 31/07/2022

 

Attendenza rekord fir-Rose Bowl Stadium

/in /by

Juventus- Real Madrid kienet xi ħaġa ferm ikbar minn sempliċi partita ta’ ħbiberija. Folla ta’ madwar 90,000 persuna attendiet għall-konfront bejn tnejn mill-aqwa timijiet tal-Ewropa. Din kienet il-partita tal-futbol bl-akbar numru ta’ spettaturi fl-istorja tal-belt ta’ Los Angeles. Barra minn hekk Juventus-Real Madrid kienet ukoll il-partita bl-akbar attendenza fl-Istati Uniti tal-Amerika matul l-2022, kif ukoll kellha l-akbar attendenza f’partiti tal-futbol fl-Istati Uniti mill-2018 ‘l hawn.

Matthew Scerri

Filmat: Juventus-Real Madrid 0-2

/in /by

L-ewwel paġni tal-gazzetti Taljani (30 ta’ Lulju 2022)

/in /by

Qed inwasslulkom l-ewwel paġni tal-gazzetti Taljani tal-isports tal-lum it-30 ta’ Lulju 2022

 

Prima Pagina Tuttosport 30/07/2022

Prima Pagina La Gazzetta dello Sport 30/07/2022

Prima Pagina Corriere dello Sport 30/07/2022

 

Xejn ġdid dwar Pogba

/in /by

M’hemmx aħbarijiet ġodda dwar Paul Pogba ħlief li l-Professur Sonnery Cottet-Bertrand, li kellu jinviżta lil Pogba f’Lyon dil-ġimgħa, se jkun qed jara jilqa’ lill-midfielder Franċiż il-ġimgħa d-dieħla. Mhux magħruf jekk għala l-Professur ma rax lil Pogba dil-ġimgħa u lanqas jekk Pogba kellux konsultazzjonijiet ma’ Professuri oħra. Id-deċiżjoni mhix waħda faċli biex tittieħed minħabba li Pogba jrid ifieq imma fil-istess ħin ma jridx jitlef wisq partiti ma’ Juventus u wisq inqas ma jixtieqx jitlef it-Tazza tad-Dinja.

Matthew Scerri

L-ewwel paġni tal-gazzetti Taljani (29 ta’ Lulju 2022)

/in /by

Qed inwasslulkom l-ewwel paġni tal-gazzetti Taljani tal-isports tal-lum id-29 ta’ Lulju 2022

 

Prima Pagina Tuttosport 29/07/2022

Prima Pagina La Gazzetta dello Sport 29/07/2022

Prima Pagina Corriere dello Sport 29/07/2022

Min jista’ jkun il-viċi Vlahovic

/in /by

Ilna ġimgħat nisimgħu u naqraw ħafna ghidut dwar il-Viċi Vlahovic. Juventus jeħtieġu attakkant ieħor żgur peress li neħħew lil Dybala u Morata, filwaqt li ġie biss plejer wieħed: Di Maria. Fl-iskwadra ta’ Allegri apparti Vlahovic u Di Maria hemm attakkant ieħor biss li hu Kean. Kaio Jorge fadallu barra minħabba injury serju. Pjaca se jitlaq b’self. Imbagħad hemm xi plejers tal-Under 23 (Da Graca, Ake, Soule) li ma jagħtux wisq garanziji. Insomma numerikament Juventus jeħtieġu attakkant ieħor biex ikollhom erba’ attakkant flimkien maż-żgħar tal-Under 23.

Huma diversi l-plejers li ssemmew u qed jissemmew ma’ Juventus. Għal żmien twil sar l-isem ta’ Arnautovic iżda s’issa Bologna qatt ma riedu jitilquh minn idejhom. Arrivabene ċaħad, imbagħad, li Juve jridu lura lil Morata imma ħafna mhux jemmnu, għalkemm biex ngħidu kollox dil-ġimgħa kellna l-aħbar li Atletico għarrfu lil Morata li se jibqa’ magħhom.

Issemmew fl-aħħar jiem Belotti u Mertens li qegħdin bla klabb, biss dan l-għidut ma tantx jidher li hu wieħed ta’ min joqgħod fuqu. L-istess jgħodd għal Depay, Martial, Muriel u Werner għax ma jidhirx li Juventus qatt kellmu l-klabbs rispettivi għalihom.

Plejer li nafu li Juventus tkellmu dwaru mal-klabb rispettiv hu Zaniolo. Roma pero’ qed jitolbu ħafna għalih. Għal xi żmien kien hemm ottimizmu dwar il-possibbilta’ li Zaniolo jingħaqad ma’ Juventus, biss issa li daħlu għalih anki Tottenham, hemm inċertezza sħiħa dwaru.

Fl-aħħar nett fil-jiem li għaddew intqal li Firmini jinsab qrib li jingħaqad ma’ Juventus. Anki f’dal-każ s’issa m’hemm ebda konferma li Juventus ressqu offerta lil Liverpool. Klopp stqarr pubblikament li Firmino hu plejer importanti għal Liverpool. Kliem li jixhed li r-Reds ma tantx huma disposti jbigħu lil Firmino.

Ħafna ismijiet imma s’issa għadu diffiċli li wieħed ibassar min se jkun l-attakkant il-ġdid ta’ Juventus. Nemmnu li xi ħadd jiġi żgur. Li rridu naraw hu jekk Juventus humiex se jmorru verament għal xi ħadd bl-istess karatteristiċi ta’ Vlahovic jew inkella jridux plejer li jilgħab b’mod different (bħalna huma Firmino u Zaniolo).

Matthew Scerri