Gowl minn free-kick wara sena u nofs

/in /by

Il-gowl ta’ Juan Cuadrado minn free-kick fil-partita kontra Sampdoria hu l-ewwel gowl minn free-kick li l-Bianconeri skurjaw f’sena u nofs. L-aħħar darba li plejer Juventin sab ix-xibka minn free-kick kien fl-4 ta’ Lulju 2020 meta Ronaldo kien skurja gowl rarissimu minn free-kick. Minn dakinhar ‘l hawn Juventus kellhom nuqqas assolut ta’ gowls minn free-kicks. Nafu li qabel bdiet l-era Ronaldo, Juventus kienu jiskurjaw ħafna minn free-kicks b’Pjanic u Dybala spiss jitfgħu l-ballun fix-xibka bl-istess faċilità li wieħed jagħti penalty. Nafu wkoll li Ronaldo kellu l-ossessjoni ta’ jagħti hu l-free-kicks kollha u rarissimu kien jirnexxilu jiskurja. Kull supporter kien qed jaħseb li wara li telaq Ronaldo, Juventus kien se jibdew jiskurjaw iktar free-kicks. Fl-ewwel parti tal-istaġun, però, il-gowls minn free-kick ma waslux. Issa Cuadrado rnexxilu sa fl-aħħar jiskurja minn free-kick u nawguraw li Juventus jibdew jiskurjaw iktar gowls ta’ dat-tip fil-kumplament tas-sena peress li hi arma li jaf issolvi partiti kontra timijiet li jingħalqu wara u ma jħallukx toħloq wisq azzjonijiet.

Matthew Scerri

L-ewwel paġni tal-gazzetti Taljani (19 ta’ Jannar 2022)

/in /by

Qed inwasslulkom l-ewwel paġni tal-gazzetti Taljani tal-isports tal-lum id-19 ta’ Jannar 2022.

Prima Pagina Tuttosport 19/01/2022

Prima Pagina La Gazzetta dello Sport 19/01/2022

Prima Pagina Corriere dello Sport 19/01/2022

Bħal-lum fil-passat (18 ta’ Jannar)

/in /by

Fis-sena 2004, proprju bħal-lum it-18 ta’ Jannar, fl-Istadio Delle Alpi Juventus kienu laqgħu lil Siena. Il-grawnd kien miksi bis-silġ, biss dan ma waqqafx lit-tim formidabbli ta’ Juventus milli jikseb rebħa kbira. L-iskor finali tal-partita kien ta’ 4-2, b’hattrick ta’ Del Piero u gowl ieħor ta’ Trezeguet.

Prev 1 of 1 Next
Prev 1 of 1 Next

Rovesciata li saret leġġenda!

/in /by

Il-partiti tal-futbol huma l-ħin kollu rrekordjati mhux biss permezz ta’ filmati imma anki b’ritratti miġbuda minn għexieren ta’ professjonisti. Uħud mir-ritratti jibqgħu fil-memorja iktar fit-tul u jsiru ikoniċi. Wieħed minn dawn ir-ritratti hu dak li qed nippubblikaw ma’ dan l-artiklu. Kien miġbud fil-15 ta’ Jannar 1950. Dakinhar Juventus kienu qed jilagħbu barra minn darhom kontra Fiorentina. L-iskor baqa’ mwaħħal fuq 0-0 sa tmiem il-partita. Ħin minnhom id-difensur ta’ Fiorentina, Maglia ta ballun fit-tul lejn l-istilla Egisto Pandolfini. Il-ballun però ma wasalx għand Pandolfini minħabba li Carlo Parola intervjena b’rovesciata u tajru ‘l bogħod. Dik ir-rovesciata saret famuża anki grazzi għall-fotografu Corrado Bianchi li ġibed ir-ritratt. Il-fotografu qabad l-eleganza u l-klassi kollha ta’ dak il-ġest ta’ Parola. Snin wara Giuseppe Panini ħallas għad-dritt li juża dak ir-ritratt biex joħloq fuqu l-logo tal-albums tal-istickers Panini. Kulmin xi darba għaqqad l-album ‘Calciatori’ żgur li ra miljun darba r-rovesciata ta’ Parola. U hekk permezz ta’ ritratt ir-rovesciata ta’ Parola saret leġġenda!

Matthew Scerri

L-ewwel paġni tal-gazzetti Taljani (18 ta’ Jannar 2022)

/in /by

Qed inwasslulkom l-ewwel paġni tal-gazzetti Taljani tal-isports tal-lum it-18 ta’ Jannar 2022.

Prima Pagina Tuttosport 18/01/2022

Prima Pagina La Gazzetta dello Sport 18/01/2022

Prima Pagina Corriere dello Sport 18/01/2022

Azmoun jista’ jingħaqad ma’ Juventus f’Jannar

/in /by

Allegri kemm-il darba rrepeta li Juventus se jibqgħu b’dal-plejers sa tmiem l-istaġun anki jekk qatt ma eskluda li jista’ jkun hemm xi opportunità li Juventus jieħdu biex isaħħu lit-tim tagħhom. F’dawn is-sigħat hemm diversi xnigħat li Juventus jinsabu f’negozjati ma’ Zenit biex jixtru lil Sardar Azmoun. L-attakkkant Iranjan ta’ 27 sena jista’ jimla l-vojt li se jħalli Chiesa minħabba l-injury fit-tul li sofra. Zenit qed jitolbu 5 miljuni għal Azmoun, filwaqt li Juventus lesti joffru biss somma iżgħar f’bonuses minħabba li l-attakkant għandu kuntratt ma’ Zenit li wasal biex jiskadi. Bosta gazzetti u siti huma ottimisti li Juventus se jsibu ftehim ma’ Zenit biex Azmoun jingħaqad mat-tim ta’ Allegri.

Matthew Scerri

Bħal-lum fil-passat: 17 ta’ Jannar 1996 Juve jirbħu l-ewwel Super Cup tal-Italja

/in /by

Fis-17 ta’ Jannar 1996 Juventus rebħu għall-ewwel darba fl-istorja tagħhom is-Super Cup tal-Italja. Fiċ-ċpar ta’ dik il-lejla Vialli kien skurja l-gowl deċiżiv li bih Juventus għelbu lil Parma u kisbu l-unur għall-ewwel darba fl-istorja tagħhom.

Prev 1 of 1 Next
Prev 1 of 1 Next

Dybala u t-tiġdid tal-kuntratt tiegħu

/in /by

Issa ilna għal dawn l-aħħar xhur nisimgħu li Dybala qiegħed qrib li jiffirma kuntratt ġdid mal-klabb, liema firma baqghet qatt ma waslet.

Iċ-ċifra li bdiet kostantament tissemma hija dik ta’ 10 miljuni fis-sena, però l-mistoqsija prinċipali f’dan kollu hija jekk Dybala jimmeritahx li jaqla’ daqshekk. Kulħadd għandu dritt għal opinjoni imma personalment ma naħsibx li wera li jimmeritah din il-paga għal diversi raġunijiet li se nkun qiegħed nispjega.

Ilkoll naqblu li Dybala kien wieħed mill-aktar plejers important f’dal-aħħar snin però stennejna li jagħmel dik il-qabża li sfortunatment baqa’ m’għamilx u ma narax li għandu karatteristiċi ta’ leader li jkun kapaċi jġorr it-tim fuq spallejh, dak li t-Taljani jsejħulu trascinatore. Dawn l-aħħar sentejn kienu wkoll ikkaratterizzati minn diversi injuries u problem fiżiċi għall-Arġentin fejn sab diffikultà biex iżomm ruħu fl-aħjar kundizzjoni possibbli.

Meta wieħed janalizza dan kollu jiġi f’dubju jekk Dybala verament jimmeritahx din il-paga li allegatament talab. Wara li skont il-ġurnalist ta’ Goal Italia Romeo Agresti qal li l-klabb kellu ftehim verbali ma’ Dybala u l-aġent tiegħu Jorge Antun sa minn Ottubru li għadda issa qed jibdew jiċċirkolaw rapporti li l-klabb qed jikkunsidra joffrilu kuntratt ġdid fi Frar li ġej però din id-darba għal figura inqas li hi ta’ 7.3 miljuni fis-sena. Nistennew u naraw.

Luke Zammit