L-ewwel paġni tal-gazzetti Taljani (5 ta’ Settembru 2021)
Qed inwasslulkom l-ewwel paġni tal-gazzetti Taljani tal-isports tal-lum il-5 ta’ Settembru 2021.
L-ewwel paġni tal-gazzetti Taljani (2 ta’ Settembru 2021)
Qed inwasslulkom l-ewwel paġni tal-gazzetti Taljani tal-isports tal-lum it-2 ta’ Settembru 2021.
Bħal-lum fil-passat (2 ta’ Settembru)
Ħarsa lura lejn l-2012 meta proprju fit-2 ta’ Settembru Juventus għelbu barra minn darhom lil Udinese bl-iskor ta’ 1-4. Il-gowls kellhom il-firma ta’ Giovinco (2), Vidal u Vucinic.
Bħal-lum fil-passat (1 ta’ Settembru)
Tletin sena ilu Juventus sofrew l-akbar telfa fis-Super Cup Taljana. Dakinhar il-Juventus ta’ Maifredi sfaw umiljati minn Napoli f’partita li rat lin-Naplitani jirbħu 5-1.
L-ewwel paġni tal-gazzetti Taljani (1 ta’ Settembru 2021)
Qed inwasslulkom l-ewwel paġni tal-gazzetti Taljani tal-isports tal-lum l-1 ta’ Settembru 2021.
It-tmexxija tal-klabb favorit tagħna sejra lejn direzzjoni tajba?
Il-fatti ta’ dawn l-aħħar żminijiet qed iħalluni ftit skonċertat. Ħa nispjega ruħi aħjar fuq ċerti punti li qed iħasbuni u jinkwetawni ftit. Se nibda billi nitkellem fuq dan it-trasferiment li deher ħabta u sabta ta’ Ronaldo imma fl-opinjoni tiegħi ilu jberren bosta żmien. U jekk dak li qed naħseb jikkorrispondi għal kif ġew l-affarijiet realment, din turi li kien hemm nuqqas kbir ta’ programmazzjoni tad-diriġenza biex tagħmel tajjeb jekk Ronaldo (kif ghamel fil-verita’) jiddeċiedi li jitlaq ħabbta u sabbta. Biex issib replacement ta’ wieħed mill-aħjar 2 plejers fix-xena mondjali ta’ dawn l-aħħar 15 il-sena (hu u Messi) taħsbu realment li tista’ ssibu fi żmien ta’ 4-5 t’ijiem? Jien niddubita ħafna.
Inkompli billi insemmi punti li jinforzawli din l-ideja f’moħħi. U hawn mhux nikkontesta kontra il-ħatra ta’ Max Allegri imma meta tisma bit-tentattivi li nġibu lura il-Pjanic tħassibni mhux ftit li dawn qishom jidhru manuvri biex jikkoreġu zbalji strateġiċi li ttiehdu tul iż-żmien f’dawn l-aħħar snin meta iddecidew iwarrbu minn l-istess inkarigu lil Allegri minn kowċ tat-tim.
Mhux qed togħġobni anqas dan in-nuqqas ta’ kuraġġ li naraw plejers promettenti ħafna bħal Fagioli u Ranocchia meta l-istess Fagioli għadu frisk milli jigi mgħajjat man-Nazzjonal Under 21. Issa mhux kontradizzjoni li ġie magħżul u fl-istess ħin hemm xniegħat ta’ trasferiment b’self f’tim tas-Serie B fil-waqt li s-Sibt li għadda rajna plejer li suppost jilgħab right back u ġie addattat f’nofs il-grawnd – biex ma nsemmux ukoll li plejer li ġie segwit tlett xhur biex jiġi magħna kien wieqaf reserve jistenna biex jidħol? L-istess Locatelli li fl-aħħar kwarta bil-ħila tiegħu irnexxielna nippenetraw ftit fil-kaxxa tal-Empoli u anki pprova konklużjoniijet lejn il-lasta avversarja! Jien għalija dawn l-affarijiet kollha jindikaw li hemm nuqqas ta’ sens ta’ loġistika li fil-passat riċentissimu kienet flagship quality tad-diriġenza tagħna. Se nispiċċaw li l-istess diriġenza li għamlet ħafna ġid f’dan l-aħħar deċennju iħassru kollox b’xogħol ħazin issa? Ma’ tagħmilx sens ghalija jekk jiġri hekk.
Inħalli lilkom taħsbu fuq dawn ir-riflessjonijiet u ma niddejjaq xejn jekk taqsmu il-ħsibijiet taghkom mieghi fuqhom.
Insellmilkom,
Massimo
L-ewwel paġni tal-gazzetti Taljani (31 ta’ Awwissu 2021)
Qed inwasslulkom l-ewwel paġni tal-gazzetti Taljani tal-isports tal-lum il-31 ta’ Awwissu 2021.
Avviż importanti dwar emails li mhux jaslu għandkom il-membri
Qed jaslulna ħafna rapporti mingħand il-membri tal-Club li l-emails tagħna ġejjin minn [email protected] sfortunatament mhux qegħdin jaslu fl-inbox individwali tagħkom.
Fil-jiem li ġejjin se nkunu qed nibgħatu email oħra dwar il-Laqgħa Ġenerali annwali iżda ħafna minnkom probabbilment mhux se jkunu qed jirċevuha.
Is-Segretarjat tal-Club jixtieq jagħmilha ċara li dejjem jibgħat email ta’ konferma f’qasir żmien malli jsir il-ħlas tas-sħubija kif ukoll il-mistoqsijiet li tibgħatulna ta’ kuljum jiġu mwieġba wkoll malajr ħafna drabi dakinhar stess.
Sfortunatament pero’ l-emails tagħna qegħdin isibu ruħhom misterjosament fl-ispam folders għax kull min irrapporta li ma rċeviex risposta kollha qegħdin isibuha ġewwa dan il-folder mimli emails mhux mixtieqa.
Dan jgħodd kemm għal indirizzi Gmail kif ukoll għal Outlook/Windows Live/Hotmail. Yahoo saħansitra ġieli lanqas sal-ispam folder ma jaslu.
Din hija problema li konna niltaqgħu magħha kultant qabel iżda issa qisu saret ir-regola. Għaldaqstant inħeġġukom tiċċekkjaw l-ispam folder iktar sikwit u jekk issibu xi email tagħna iftħuha u
- għal Gmail għafsu “Report as not spam”
- għal Outlook / Windows Live / Hotmail għafsu “Its not junk”
- għal Yahoo għafsu “Not spam”
Tistgħu wkoll iżżidu [email protected] fis-Safe senders list mis-settings tal-email account tagħkom.
Niskużaw ruħna ta’ dan l-inkonvenjent u lejn dawk li forsi ħasbu li nqasnihom.
F’kas ta’ diffikulta’ tistgħu wkoll iċċemplu fuq 79618994.
Nirringrazzjakom,
Darren Micallef
Uffiċjal Tesseramenti
Assistent Segretarju u Assistent Segretarju Internazzjonali
L-ewwel paġni tal-gazzetti Taljani (30 ta’ Awwissu 2021)
Qed inwasslulkom l-ewwel paġni tal-gazzetti Taljani tal-isports tal-lum it-30 ta’ Awwissu 2021.
