Dzeko. Xejn ġdid s’issa

/in /by

M’hemmx żviluppi dwar Dzeko. Il-Bożniaku jinsab miftiehem ma’ Juventus, biss Roma għalissa ma jridux jitilquh minn idejhom hekk kif ma jistgħux isibu ftehim ma’ Napoli għal Milik. Sky qed jirrapurtaw li fl-eventwalità li Dzeko jitħalla jingħaqad ma’ Juventus, il-klabb tal-kapitali jrid li jkun Dzeko nnifsu li jispjega għalfejn mar ma’ Juventus. B’dal-mod Roma jridu jżommu kwieti lis-supporters tagħhom li qatt ma jieħdu pjaċir li jkun hemm trasferimenti ta’ plejers tat-tim tagħhom ma’ Juventus.

Matthew Scerri

L-ewwel paġni tal-gazzetti Taljani (10 ta’ Settembru 2020)

/in /by

Qed inwasslulkom l-ewwel paġni tal-gazzetti Taljani tal-isports tal-lum l-10 ta’ Settembru 2020.

Suarez għandu l-eżami tat-Taljan il-ġimgħa d-dieħla

/in /by

Il-ġimgħa d-dieħla Luis Suarez se jkun qed jagħmel l-eżami tal-lingwa Taljana wara li dil-ġimgħa ressaq it-talba tiegħu għal passaport Taljan. Dan l-eżami jħoll u jorbot jinħariġlux il-passaport. F’dan l-istadju għadu mhuwiex ċert jekk il-passaport huwiex se jilħaq ikun inħareġ sal-5 ta’ Ottubru meta jagħlaq is-suq tat-trasferimenti.

Matthew Scerri

Rapporti dwar ftehim bejn Juventus u Higuain. S’issa m’hemmx konfermi

/in /by

Tard ilbieraħ filgħaxija diversi siti bdew jirrapurtaw li Juventus laħqu ftehim ma’ Higuain biex ixolji l-kuntratt. Kien qed ikun irrapurtat li permezz ta’ dal-ftehim Higuain se jieħu 50% tal-paga dovuta lilu dis-sena. L-aħbar s’issa għadha ma ġietx ikkonfermata minn Juventus. Barra minn hekk tajjeb ngħidu li Calciomercato.com, ftit qabel nofsillejl, sostnew li l-ftehim għadu ma nstabx, għalkemm il-partijiet jinsabu tassew qrib li jirranġaw l-affarijiet bejniethom. Probabbli li Higuain ħa ftit taż-żmien għal riflessjoni qabel jagħti r-risposta definittiva lil Juventus.

Matthew Scerri

Uffiċjali: Olivieri misluf lil Empoli

/in /by

Empoli ħabbru li kisbu b’self mingħand Juventus lil Marco Olivieri. L-attakkant Taljan, li fl-aħħar sena lagħab ma’ Juventus Unde 23, hu prodott tal-Youths ta’ Empoli minn fejn kien telaq tliet snin ilu biex jingħaqad mal-Bianconeri.

Matthew Scerri

Avviż dwar dħul fil-Club tagħna waqt il-partiti ta’ Juventus

/in /by

Il-Kumitat tal-Juventus Club Vero Amore (Malta 1975) jixtieq javża li se jkun qed jerġa’ jiftaħ il-bibien tal-premises tiegħu għal staġun ieħor ta’ futbol. Kif kulħadd jista’ jifhem irridu napplikaw id-Direttivi tal-Awtoritajiet sabiex inħarsu s-saħħa ta’ dawk kollha li se jattendu l-Club. Għaldaqstant nixtiequ navżawkom li:

(i) Kulmin irid jattendi għandu jirriserva post billi jċempel lill-Barman Karl fuq 79992484

(ii) Ħadd mhu se jitħalla jidħol mingħajr booking.

(iii) Il-postijiet fil-premises huma limitati minħabba li nridu nżommu d-distanzi u allura se nimxu fuq bażi ta’ first come first served.

(iv) Kull persuna li tidħol fil-premises trid tkun liebsa l-maskra jew visor kemm fil-mument li tidħol fil-Club, kif ukoll waqt li tkun ħierġa. F’kull ħin li persuna tkun bilwieqfa, trid tkun liebsa l-maskra jew visor.

(v) Ħdejn il-bieb se jkun hemm hand sanitizer li jrid jintuża minn kulmin se jidħol fil-premises tal-Club.

(vi) Ħdejn il-bieb se jkun hemm reġistru fejn kull persuna, qabel tidħol fil-bar area, trid tħalli l-kuntatti personali tagħha f’każ li l-awtoritajiet jitolbuna din l-informazzjoni għall-fini ta’ contact tracing.

(vii) Min se jattendi se jkun mitlub jibqa’ bilqiegħda.

(viii) Ħadd ma jista’ joqgħod bilwieqfa, lanqas mal-bank tal-bar.

(ix) Tipjip mhux permess fil-premises kollha tal-Club.

Nitolbukom tikkoperaw magħna u grazzi bħal dejjem li tifhmuna.

Il-Kumitat

Magħrufa d-dati tal-poloz tal-gruppi taċ-Champions League u tal-Europa League

/in /by

L-Uefa ħabbret uffiċjalment li l-poloz tal-fażi tal-gruppi taċ-Champions League 2020/21 se jittellgħu fl-1 ta’ Ottubru. Is-serata se ssir f’Nyon (l-iŻvizzera)( u mhux Ateni kif kien ippjanat fil-bidu. Dakinarh, apparti l-poloz, se jingħataw il-premijiet għall-Aqwa Plejers tas-sena li għaddiet. L-għada, it-2 ta’ Ottubru 2020, ikun imiss imbagħad lill-poloz tal-Europa League.

Matthew Scerri

Messaġġ enigmatiku min-naħa ta’ Suarez

/in /by

Messaġġ tassew enigmatiku min-naħa ta’ Luis Suarez u f’waħda mill-istories tiegħu fuq Instagram tella’ ritratt tiegħu bil-caption li tgħid bejn wieħed u ieħor: “Nidħak waqt li ħerġin Fake News.” Ma nafux eżattament għal xiex qed jirreferi. Jista’ jkun li rrefera għall-għidut li jridu qrib li jingħaqad ma’ Juventus? Jew inkella jista’ jkun li qed jirreferi għall-aħbar ta’ ftit jiem ilu li Koeman ma riedx iħallih jittrenja mal-bqija tal-grupp? Jew forsi qed jirreferi għal dak il-filmat tiegħu waqt it-training fejn ma kienx brillanti? Jew forsi hemm riferiment għal xi ħaġa ohra? Ħadd ma jaf xejn.

Matthew Scerri

Morata ma’ Juventus possibbli biss jekk …

/in /by

Alvaro Morata kemm-il darba ssemma ma’ Juventus fl-aħħar jiem. Atletico Madrid, però, ma jridux ibigħuh. Tajjeb ngħidu li l-Ispanjoli investew 60 miljun biex xtrawh u għaldaqstant mhux se jitilquh minn idejhom għal inqas minn hekk. L-unika tama għal Juventus li jixtru lil Morata hi li Atletico Madrid jaċċettaw bdil ma’ Douglas Costa jew Bernardeschi. F’dan l-istadju hu ovvju li Juventus ma jistgħux jonfqu 60 miljun, biss jekk Atletico jieħdu lil Costa jew lil Bernardeschi, il-Bianconeri jkun fadlilhom biss somma żgħira x’joħorġu biex tagħmel tajjeb għad-differenza fil-valur tal-plejers.

Matthew Scerri

M’hemmx bejgħ u s-suq tat-trasferimenti Juventin jibqa’ stagnat

/in /by

Għat-tieni sajf konsekuttiv Juventus qed isibuha tassew bi tqila biex jbigħu plejers mit-tim tagħhom. Ilna nisimgħu li Paratici qed jipprova jsib timijiet li jixtru lil De Sciglio, Ramsey, Douglas Costa, Alex Sandro u oħrajn. S’issa, però, xejn għadu ma seħħ u probabbli li ma tantx se jiġrui wisq fil-ġimgħat li ġejjin. Il-problema tibqa’ bħal dejjem il-prezz li għandhom dawn il-plejers, il-pagi tagħhom u l-ammont ta’ injuries li jsofru kull sena. Dawn kollha huma fatturi li qed iwasslu biex timijiet oħra jibżgħu jixtru jew jiksbu bi tpartit lil xi wieħed mill-plejers imsemmija. Minn qalbna nittamaw li Paratici jirnexxilu jbigħ lil xi ħadd għax inkella, b’xorti ħażin, is-suq tat-trasferimenti ta’ Juventus se jibqa’ stagnat.

Matthew Scerri