L-eks gowler ta’ Juventus, Morgan De Sanctis kellu jkun operat b’urġenza dal-lejl wara li kien involut f’inċident tat-traffiku. Wara l-ħabta De Sanctis beda jitlef ħafna demm u ttieħed minnufih fil-Policlinico Gemelli fejn saritlu operazzjoni delikata biex titwaqqaf l-emoraġija u titneħħilu l-milza. Il-kundizzjonijiet tiegħu huma serji imma jidher li mhuwiex fil-periklu tal-mewt. Bħalissa qed jinżamm fl-ITU minħabba t-tip ta’ operazzjoni li saritlu. De Sanctis jinsab f’sensih u kellem lill-familjari tiegħu. Nawgurawlu fejqan ta’ malajr!

Matthew Scerri