Illum Napoli ppreżentaw uffiċjalment lill-kowċ il-ġdid tagħhom, Rudi Garcia. Interessanti li Giuntoli ma attendiex għall-preżentazzjoni u ma ngħatat ebda raġuni għal dan. Waqt il-konferenza tal-aħbarijiet, De Laurentis ma qal xejn dwar il-futur ta’ Giuntoli. Madankollu, dak li ġara llum donnu jindika biċ-ċar li Giuntoli qiegħed jinnegozja ma’ Napoli x-xoljiment tal-kuntratt tiegħu sabiex ikun jista’ jingħaqad ma’ Juventus. Rumours tal-calciomercato qed jagħtu bħala kważi ċert li Giuntoli se jkun qed jingħaqad ma’ Juventus sa mill-ewwel ġimgħa ta’ Lulju.

Matthew Scerri