Filip Kostic jista’ jitqies bħala plejer ġdid ta’ Juventus. Fi stqarrija Eintracht Frankfurt ikkonfermaw li Kostic mhux se jkun qed jilgħab għada kontra Real Madrid fis-Super Cup tal-Ewropa. Skont id-Direttur għall-Isport ta’ Eintracht, Markus Krösche din id-deċiżjoni ttieħdet wara talba min-naħa ta’ klabb li qed jinnegozja l-akkwist ta’ Kostic. Għalkemm ma semmihx, il-klabb hu ovvjament Juventus. Illejla Kostic se jasal Turin biex għada jsirulu t-testijiet mediċi u jkun jista’ jibda jittrenja taħt id-direzzjoni ta’ Allegri u l-istaff tiegħu.

Matthew Scerri