Cuadrado u Danilo se jkunu qed jilagħbu b’numru ieħor fuq il-flokk minflok dak li rajnihom bih fl-aħħar snin. Fil-fatt meta wieħed jordna l-flokk online jinduna li Cuadrado se jkollu l-flokk numru 11 (u mhux iktar is-16). Danilo, mill-banda l-oħra, se jkun qed iġorr in-numru 6 fuq il-flokk tiegħu (minflok it-13 tal-aħħar sentejn). Dawn in-numri jaf ikunun indikazzjonijiet anki dwar is-suq tat-trasferimenti Juventin. Fil-fatt sa tliet snin ilu Cuadrado kellu l-flokk numru 7, numru li hu ħalla lil Ronaldo. Il-fatt li issa ħa n-numru 11u ma marx lura għall-flokk 7, jaf ifisser li Ronaldo se jibqa’ ma’ Juventus. Fl-istess ħin il-flokk numru 6 ta’ Danilo jista’ jfisser li Pogba mhux se jirritorna ma’ Juventus peress li Pogba fl-aħħar snin rabat ismu man-numru 6 (għalkemm ma’ Juventus fl-aħħar sena kellu l-flokk numru 10!).

Matthew Scerri