Posts
Aktar minn elf supporter fl-Allianz Stadium għall-partita Juventus-Napoli?
Intervistat minn Radio Kiss Kiss, il-President tar-Reġjun Piemonte, Alberto Cirio sostna li hemm pjan sabiex għall-partita Juventus-Napoli hemm pjanijiet biex jitħallew jidħlu iktar minn elf supporter fl-Allianz Stadium. Fi kliemu l-protokoll dettaljat ilu lest minn Lulju u jekk is-sitwizzjoni sanitarja tkun tippermetti, se jsir tentattiv biex jidħlu iktar nies minn kemm kien hemm fl-okkażjoni ta’ Juventus-Sampdoria.
Matthew Scerri
L-istadiums kollha tal-Italja miftuħa għal 1000 supporter
Il-Gvern Taljan awtorizza biex minn għada l-istadiums Taljani kollha jkunu jistgħu jiftħu l-bibien tagħhom għal 1000 supporter. Id-deċiżjoni waslet wara li r-reġjuni tal-Lombardia u tal-Veneto ngħaqdu mal-Emilia Romagna u taw il-permessi biex fir-reġjuni tagħhom l-istadiums jibdew jilqgħu 1000 supporter. Il-Gvern imbagħad ma kellu ebda triq oħra ħlief li jiftaħ l-istadiums kollha. Wara s-7 ta’ Ottubru n-numru ta’ supporters li se jkunu jistgħu jidħlu fl-istadiums se tkun ikkalkulata bħala perċentwali fuq is-seating capacity ta’ kull stadium.
Ħi tassew ħasra li din id-deċiżjoni waslet daqshekk tard. Kien ikun xieraq li saru l-preparamenti meħtieġa ferm qabel. Lejlet il-partita ftit li xejn jista’ jsir!
Matthew Scerri
Proposta oħra minn Juventus biex is-supporters jidħlu fl-Allianz Stadium nhar il-Ħadd
Juventus ressqu proposta oħra lill-Gvernatur tar-reġjun tal-Piemonte biex is-supporters ikunu jistgħu jidħlu fil-Allianz Stadium għal Juventus-Sampdoria. Il-pjan hu li jidħlu biss 1000 persuna. Jidher li fl-aħħar Avviż Legali li ħareġ il-Gvern Taljan hemm miktub li hu possibbli li jsiru avvenimenti sa massimu ta’ 1000 persuna. Jidher imma li dawn l-avvenimenti għandhom ikunu ta’ darba u mhux regolari. Fi kliem ieħor ma tantx hemm ċans li l-proposta ta’ Juventus tintlaqa’.
Matthew Scerri
Il-Kumitat Tekniku-Xjentifiku x’aktarx mhux se jawtorizza għalissa li s-supporters jidħlu mill-ġdid fl-istadiums
L-isforz ta’ Juventus biex l-Allianz Stadium jerġa’ jiftaħ il-bibien tiegħu għas-supporters jidher li mhux se jħalli l-frott mixtieq. Il-Kumitat Tekniku-Xjentifiku x’aktarx mhux se japprova d-dokument proposta minn Juventus. F’intervista mogħrija lil Corriere della Sera, il-President tal-Istituto Superiore di Sanità, Dr. Maurizio Brusaferro sostna li l-fehma hi li bħalissa m’hemmx il-kundizzjonijiet biex jiġu organizzati eventi bil-preżenza tan-nies. Jidher li bħalissa l-prijorità, kif inhu xieraq, qed tingħata lill-ftuħ tal-iskejjel u allura l-awtoritajiet ma jridux jgħaġġlu wisq bir-riskju li jista’ jkun tifrix ikbar tal-virus.
Matthew Scerri
Pjan biex is-supporters ikunu jistgħu jidħlu fl-Allianz Stadium għal Juventus-Sampdoria
Il-Gvernatur tar-reġjun tal-Piemonte, Alberto Cirio żvela llum li hemm pjanijiet biex l-Allianz Stadium jiftaħ mill-ġdid il-bibien tiegħu għas-supporters sa mill-ewwel partita tal-kampjonat kontra Sampdoria. Juventus ħejjew protokoll u issa l-Gvernatur tar-reġjun bagħat id-dokument Roma sabiex ikun mifli u eventwalment approvat mill-Kumitat Tekniku-Xjentifiku.
Matthew Scerri