Posts

Futur inċert għal Chiesa ma’ Juventus

/in /by

Irridu nippreparaw ruħna għal sajf mimli spekulazzjonijiet li jikkonċernaw il-futur ta’ Federico Chiesa. S’issa diġa’ smajna u qrajna ħafna dwaru. Bħas-soltu rridu noqogħdu attenti għax mhux kulma jinkiteb hu bilfors veru.

L-uniċi żewġ fatti vera huma: (1) Chiesa għandu kuntratt li jorbtu ma’ Juventus sal-2025; u (2) hemm diversi timijiet interessati fih. Għandna nifhmu li Juventus se jagħmlu minn kollox biex iżommuh anki billi joffrulu kuntratt ġdid. Hu ovvju li Juventus mhux se joffrulu paga fenomenali minħabba l-policy li jżommu l-pagi baxxi. Jekk verament Chiesa qed jitlob paga ta’ 8 miljuni, naħsbu li se jkun diffiċli għal Juventus li jikkuntentawh (sakemm fit-8 miljuni ma jkunux inklużi l-bonuses kollha u allura l-ħaġa tiġi fattibbli). Il-fatt li l-kuntratt attwali ta’ Chiesa jintemm fl-2025, hu evidenti li jekk das-sajf Juventus ma jilħqux ftehim mal-attakkant Taljan għat-tiġdid tal-kuntratt, probabbilment ma jkollhomx triq oħra ħlief li jbigħuh bil-għan li jevitaw li jitilfuh b’somma baxxa ħafna s-sena d-dieħla jew b’xejn is-sena ta’ wara.

L-interess minn klabbs oħra hu reali. Ma jistax ikun altrimenti. X’qed joffru verament, hu diffiċli li nkunu nafu. Il-klabbs tal-Premier League jidhru li huma l-iktar interessati u lesti joffru somma kbira (madwar 60 miljun) għalih. Bħal dejjem ir-rieda tal-plejer se tkun deċiżiva. Jekk hu għadu jemmen fil-proġett Juventin, konvinti li se jibqa’. Mill-banda l-oħra jekk dak li qed joffrulu Juventus (u mhux qed nitkellmu biss dwar flus) mhuwiex biżżejjed għalih, allura rridu nirrassenjaw ruħna li nitilfuh.

Matthew Scerri

Vlahovic u Locatelli mhux se jilagħbu. Pogba u Locatelli barra wkoll

/in /by

Vlahovic u Locatelli se jkollhom jitilfu l-partita t’għada kontra Lecce. L-attakkant Serb ma rkuprax mill-injury li sofra dil-ġimgħa, filwaqt li Locatelli mhux se jilgħab minħabba raġunijiet personali.

Chiesa u Pogba ma ġewx mgħajta għall-partita kontra Lecce. Allegri spjega llum li x’aktarx anki kontra Inter se jibqgħu barra u jista’ jagħti l-każ, ghalkemm m’hemmx ċertezza, li jidħlu kontra Verona jew Lazio.

Matthew Scerri

Chiesa lura għat-taħriġ mat-tim Juventin

/in /by

Wara disa’ xhur Federico Chiesa reġà seta’ jittrenja mal-bqija ta’ sħabu. Hu qatta’ parti mit-taħriġ tat-Tnejn 3 ta’ Ottubru flimkien mal-kumplament tat-tim. Hu maħsub li lejn l-aħħar ta’ Otubru, bidu ta’ Novembru Chiesa se jkun jista’ jirritorna għall-azzjoni. Għall-ewwel hu se jkun qed jilgħab biss parti mill-partiti. F’Jannar, imbagħad, ikun jista’ jagħti kontribut sħiħ lit-tim Juventin .

Matthew Scerri

Chiesa fil-lista tac-Champions League

/in /by

Tħabbret il-lista ta’ plejers li Juventus se jkunu qed jużaw fil-fażi tal-gruppi tac-Champions League 2022-23. L-uniku plejer li tħalla barra mil-lista hu Kaio Jorge peress li fadallu ħalla barra.

LISTA A

1 Szczesny

2 De Sciglio

3 Bremer

5 Locatelli

6 Danilo

7 Chiesa

8 McKennie

9 Vlahović

10 Pogba

11 Cuadrado

12 Alex Sandro

14 Milik

15 Gatti

17 Kostić

18 Kean

19 Bonucci

22 Di Maria

23 Pinsoglio

24 Rugani

25 Rabiot

33 Aké

32 Paredes

36 Perin

LISTA B

20 Miretti

30 Soulé

40 Da Graca

41 Garofani

44 Fagioli

Bdejna!

/in /by

L-istaġun 2022/23 beda uffiċjalment hekk kif bdew deħlin lura mill-vaganzi wħud mill-plejers. Il-preseason jibda nhar it-Tnejn 10 ta’ Lulju, biss il-plejers li qed jirkupraw minn injury u dawk li ma kellhomx impenji mat-tim nazzjonali rispettiv, diġà nġabru fil-Continassa biex jibdew it-taħriġ tagħhom. Il-plejers in kwistjoni huma: Arthur, Fagioli, De Sciglio, Pjaca, Zakaria, Danilo, Kean, Chiesa u De Winter.

Matthew Scerri

Bidliet fin-numru tal-flokkijiet ta’ Chiesa u Vlahovic

/in /by

Direttament mis-sit tal-Juventus Store, saret magħrufa bidla fin-numri tal-flokkijiet ta’ Federico Chiesa u Dusan Vlahovic. L-attakkant Serb se jkun qed jilbes il-flokk numru 9, filwaqt li Chiesa se jkollu n-numru 7. Fil-ġimgħat li għaddew kien hemm ħafna xnigħat li Chiesa se jkun qed jingħata l-flokk numru 10 wara t-tluq ta’ Dybala, b’Cuadrado jieħu lura n-numru 7. Madankollu dan ma seħħx. Kollox jindika, issa, li n-numru 10 ta’ Juventus se jkun qed jinġarr mill-ġdid minn Paul Pogba.

Matthew Scerri

Kollox mar sew fl-operazzjoni ta’ Chiesa. Lura seba’ xhur oħra

/in /by

L-operazzjoni ta’ Federico Chiesa saret u kollox mar tajjeb ferm. L-operazzjoni tal-cruciate saret fil-klinika ‘Hochrum’ f’Insbruck, l-Awstrija. Operah il-Professur Christian Fink. Kif għidna mar kollox sew u Chiesa se jkun qed jirritorna għall-azzjoni madwar seba’ xhur oħra.
Matthew Scerri

Chiesa: “Urejna min huma l-Juventus”

/in /by
https://www.youtube.com/watch?v=L0Cru6N8y1w

Injury ħafif għal Chiesa

/in /by

Federico Chiesa ma bediex mal-ewwel ħdax kontra Udinese minħabba li ma jinsabx f’sikktu. Hu għandu għejja muskolari u allura Allegri ħass li ma kellux jilagħbu. Xejn gravi, milli jidher, u probabbli hi mossa prekawzjonali.

Matthew Scerri