Posts
Juventus se jkollhom lura diversi plejers
Alex Sandro, Rabiot u Locatelli se jkunu qed jirritornaw għall-azzjoni fi tmiem il-ġimgħa wara li rkupraw mill-injuries tagħhom. It-Tlieta li huma se jkunu jistgħu jilaghbu kontra Bologna. Allegri se jkollu lura wkoll lil Cuadrado u Milik li tilfu l-aħħar partita kontra Monza peress li kienu sospiżi.
Matthew Scerri
Allegri, Cuadrado u Milik sospiżi
It-tmiem konfuż u drammatiku (fuq klix inġust imma) ta’ Juventus-Salernitana, sewa qares lil Juventus. Allegri, Cuadrado u Milik ġew sospiż għal partita waħda wara li tkeċċew b’rabta ma’ dak kollu li nqala’ fl-aħħar minuti tal-partita kontra Salernitana. Allegri se jkollu jħallas ukoll multa ta’ 15-il elf Ewro, filwaqt li Juventus weħlu multa ta’ 5,000 Ewro peress li uffiċċjal tagħha offenda lir-referee fit-tunnel huma u deħlin lejn id-dressing rooms.
Matthew Scerri
Aħbarijiet tajba dwar Cuadrado u McKennie
Aħbarijiet tajba mill-Continassa hekk kif illum Cuadrado qatta’ s-sessjoni ta’ taħriġ mal-kumplament tat-tim. Hu rkupra mill-virus tal-istonku li kien qed iħabbtu fl-aħħar jiem.
McKennie, mill-banda l-oħra, ittrenja biss għal parti mill-ħin ma’ sħabu. Hu għadu qed jirkupra mill-injury fi spalltu u min jaf jirnexxilux ikun għad-dispożizzjoni ta’ Allegri nhar it-Tnejn għall-partita kontra Sassuolo.
Matthew Scerri
Bidliet fin-numru tal-flokkijiet ta’ Chiesa u Vlahovic
Direttament mis-sit tal-Juventus Store, saret magħrufa bidla fin-numri tal-flokkijiet ta’ Federico Chiesa u Dusan Vlahovic. L-attakkant Serb se jkun qed jilbes il-flokk numru 9, filwaqt li Chiesa se jkollu n-numru 7. Fil-ġimgħat li għaddew kien hemm ħafna xnigħat li Chiesa se jkun qed jingħata l-flokk numru 10 wara t-tluq ta’ Dybala, b’Cuadrado jieħu lura n-numru 7. Madankollu dan ma seħħx. Kollox jindika, issa, li n-numru 10 ta’ Juventus se jkun qed jinġarr mill-ġdid minn Paul Pogba.
Matthew Scerri
Tlieta mistennija jġeddu l-kuntratt ma’ Juventus
Cuadrado, De Sciglio u Perin huma mistennija jiffirmaw kuntratti ġodda ma’ Juventus fil-ġimgħat li ġejjin. Il-Kolombjan diġà stqarr pubblikament li se jibqa’ ma’ Juventus u fil-verità għandu ftehim ma’ Juventus għal kuntratt ta’ sentejn b’paga ta’ 4 miljuni fis-sena. Anki De Sciglio u Perin lesti jaċċettaw il-proposta mressqa lilhom min-naħa ta’ Juventus. De Sciglio se jkollu paga ta’ 1.8 miljuin Ewro, filwaqt li Perin se jkun qed jaqla’ 1.5 miljun. Għat-tlieta li huma se jkun hemm tnaqqis fil-paga minħabba li Juventus qed jimxu fid-direzzjoni li jbaxxu drastikament l-ammont totali ta’ paga li jħallsu kull sena.
Matthew Scerri
Gowl minn free-kick wara sena u nofs
Il-gowl ta’ Juan Cuadrado minn free-kick fil-partita kontra Sampdoria hu l-ewwel gowl minn free-kick li l-Bianconeri skurjaw f’sena u nofs. L-aħħar darba li plejer Juventin sab ix-xibka minn free-kick kien fl-4 ta’ Lulju 2020 meta Ronaldo kien skurja gowl rarissimu minn free-kick. Minn dakinhar ‘l hawn Juventus kellhom nuqqas assolut ta’ gowls minn free-kicks. Nafu li qabel bdiet l-era Ronaldo, Juventus kienu jiskurjaw ħafna minn free-kicks b’Pjanic u Dybala spiss jitfgħu l-ballun fix-xibka bl-istess faċilità li wieħed jagħti penalty. Nafu wkoll li Ronaldo kellu l-ossessjoni ta’ jagħti hu l-free-kicks kollha u rarissimu kien jirnexxilu jiskurja. Kull supporter kien qed jaħseb li wara li telaq Ronaldo, Juventus kien se jibdew jiskurjaw iktar free-kicks. Fl-ewwel parti tal-istaġun, però, il-gowls minn free-kick ma waslux. Issa Cuadrado rnexxilu sa fl-aħħar jiskurja minn free-kick u nawguraw li Juventus jibdew jiskurjaw iktar gowls ta’ dat-tip fil-kumplament tas-sena peress li hi arma li jaf issolvi partiti kontra timijiet li jingħalqu wara u ma jħallukx toħloq wisq azzjonijiet.
Matthew Scerri
Cuadrado mistenni jġedded il-kuntratt ma’ Juventus
Juan Cuadrado mistenni jkun qed jiffirma kuntratt ġdid ma’ Juventus. Skont Il Corriere dello Sport il-Kolombjan, malli jtemm l-impenji mat-tim nazzjonali u jirritorna mil-vaganzi, se jkun qed jiffirma kuntratt li jorbtu ma’ Juventus sat-30 ta’ Ġunju 2023.
Matthew Scerri
Cuadrado hu l-Aqwa Plejer ta’ Juventus-Inter
Juan Cuadrado ġie magħżul mill-qarrejja tal-website tagħna bħala l-Aqwa Plejer tal-partita bejn Juventus u Inter. Fil-votazzjoni li saret online hu kiseb 81% tal-voti, segwit minn De Ligt b’9% tal-voti. Grazzi lil kulmin ħa sehem!
Matthew Scerri
Cuadrado se jkun sospiż għall-partita li jmiss
Juan Cuadrado se jitlef il-partita li jmiss kontra Benevento. Hu se jkun sospiż wara li qala’ karta safra kontra Cagliari. Il-Kolombjan kien l-uniku plejer fil-lista tad-diffidati u allura awtomatikament se jkun sospiż għal partita waħda.
Matthew Scerri