Edin Dzeko għada se jkun mat-tim ta’ Roma għall-partita kontra Verona. Fonseca stess ħabbar dan aktar kmieni llum. Wara l-partita, probabbli l-Ħadd jew it-Tnejn, Dzeko se jkun qed imur Turin biex jagħmel it-testijiet mediċi ma’ Juventus u jiffirma l-kuntratt.
Matthew Scerri
Fil-ħarġa tal-lum ta’ Tuttosport naqraw li t-testijiet mediċi ta’ Dzeko ma’ Juventus se jsir bejn il-Ħadd u t-Tnejn, li jfisser li kontra Sampdoria mhux se jkun jista’ jilgħab. Ilbieraħ filgħaxija l-istess gazzetta kienet irrapurtat li dzeko kien se jivvjaġġa lejn Turin mal-lejl jew kmieni dalgħodu biex it-testijiet isiru llum. Madankollu jidher li issa l-affarijiet inbidlu xi ftit.
Matthew Scerri
Dal-lejl jew għada filgħodu Edin Dzeko se jkun qed itir lejn Turin b’jet privat. Hu se jkun qed jagħmel it-testijiet mediċi ma’ Juventus għada stess bil-għan li jkun jista’ jkun kollox in regola sabiex nhar il-Ħadd jilgħab kontra Sampdoria. Juventus se jixtru lil Dzeko għal 16-il miljun Ewro. Hu se jiffirma kuntratt ta’ sentejn b’paga ta’ 7.5 miljun Ewro fis-sena.
Matthew Scerri
Illum mistennija żviluppi dwar Dzeko hekk kif Milik se jkun qed jagħti risposta lil Roma. F’każ li Milik verament jaċċetta li jingħaqad ma’ Roma, allura jkun probabbli ferm li Dzeko jiffirma għal Juventus. Il-ftehim bejn Juventus, Roma u Dzeko ilu li nstab. Jonqos biss li Milik jaċċetta l-offerta ta’ Roma u hekk Dzeko jkun jista’ jsir plejer ta’ Juventus.
Matthew Scerri
Diversi gazzetti u siti qed jirrapurtaw li Napoli u Roma resqin lejn ftehim sabiex Milik jingħaqad mat-tim tal-kapitali. S’issa dejjem intqal li bl-akkwist ta’ Milik, Roma kienu se jħallu lil Dzeko jitlaq. Ma nafux jekk dan għadux il-każu ma nafux lanqas jekk huma Juventus biss li jinsabu interessati fl-attakkant Bożniaku.
Matthew Scerri
Kollox lest barra l-passaport. Juventus għandhom ftehim ma’ Suarez u jidher li anki Barcellona se jkunu ikkuntentati b’somma żgħira ta’ flus. Skont Sky kollox jinsab lest għal dat-trasferiment, apparti ovvjament il-passaport. Suarez talab li jinħariġlu l-passaport biss s’issa għadu mhuwiex magħruf jekk dal-passaport huwiex se jilħaq joħroġ sal-5 ta’ Ottubru meta jagħlaq is-suq tat-trasferiment. Kif konna spjegajna bla passaport Taljan, Juventus ma jistgħux jirreġistraw lil Suarez. Hu għalhekk li l-Bianconeri għadhom ma qatgħux il-kuntatti ma’ Dzeko u Cavani biex f’każ li ma jilħaqx joħroġ il-passaport ta’ Suarez, Juventus ikollhom f’idejhom attakkant ieħor lest.
Matthew Scerri
Minn dak li qed naqraw fil-gazzetti Taljani jidher li nbidlet sew il-ġerarkija tal-preferenzi għall-attakkant il-ġdid ta’ Juventus. Suarez għadu fuq quddiem nett u kollox jindika li verament hu se jkun l-attakkant li se jieħu post Higuain. Madankollu għadi fadal xi intoppi (il-passaport u l-ftehim ma’ Barcellona) li jistgħu jwasslu biex finalment it-trasferiment ma’ jseħħx. Għaldaqstant Paratici qed jikkunsidra plejers oħra. Jidher li wara Suarez it-tieni preferenza mhix tmur iktar għal Dzeko imma għal Morata. L-Ispanjol hu talba li Pirlo għamel lill-klabb. Hawn, imma, hu ta’ min isemmi li Morata m’għandux prezz baxx. Forsi hu għalhekk ukoll li Juventus ma qatgħux għal kollox il-kuntatti għal Dzeko, li jinsab fit-tielet post ta’ dil-ġerarkija.
Matthew Scerri
Sky qed jirrapurtaw li fl-aħħar ħinijiet Juventus għamlu mill-ġdid kuntatt ma’ Edison Cavani li attwalment jinsab bla klabb. Probabbli li Juventus qed jibżgħu li jista’ jkun hemm intoppi li jwasslu biex Suarez ma jkunx jista’ jitlaq lil Barcellona. Għaldaqstant bħalissa Juventus qed isegwu tliet attakkanti: Suarez, Cavani u Dzeko.
Matthew Scerri
Allegatament Inter qed jippruvaw ifixklu n-negozjati ta’ Juventus għall-akkwist ta’ Edin Dzeko. Fil-fatt jidher li sar kuntatt bejn uffiċċjali ta’ Inter u l-aġent tal-attakkant, Silvano Martina. L-indikazzjonijiet huma, imma, li Dzeko jinsab determinat li jilgħab għal Juventus dis-sena.
Matthew Scerri
Dzeko jew Suarez. Wieħed minn dawn it-tnejn se jkun l-attakkant il-ġdid ta’ Juventus. Tuttosport qed iġġib fuq l-ewwel paġna tal-lum li l-preferit ta’ Pirlo hu Edin Dzeko. Nafu imma li Roma mhux se jħalluh jitlaq qabel jirnexxilhom jixtru lil Milik. F’das-sens tajjeb ngħidu li skont Il Corriere dello Sport, Napoli u Roma għandhom ftehim għal bdil bejn Milik/Maksimovic u Under/Veretout/Riccardi. Nittamaw li sa tmiem dil-ġimgħa s-sitwazzjoni tkun ferm iktar ċara u naslu għall-firma tal-kuntratt.
Matthew Scerri