Wara għaxart ijiem mill-bidu tal-preseason wasal l-ewwel injury muskolari tal-istaġun. Moise Kean illum kellu jieqaf mit-taħriġ wara li ħass fastidju muskolari. Hu maħsub li hu mhux se jkun jista’ jmur ma’ sħabu l-Amerika.
Matthew Scerri
L-istaġun sfurtunat ta’ Paul Pogba wasal fi tmiemu hekk kif illum kien ikkonfermat li hu sofra injury muskolari f’koxxtu x-xellugija. L-entità tal-injury mhix gravi. Fl-istqarrija ta’ Juventus m’hemm ebda indikazzjoni dwar kemm se jibqa’ barra, biss diversi sorsi qed isostnu li hu se jdum wieqaf minn tal-inqas tliet ġimgħat. Kif kulħadd jaf l-injuries żammew lil Pogba ‘l barra mill-azzjoni prattikament is-sena kollha. Nawgurawlu fejqan ta’ malajr u li s-sena d-dieħla jkun jista’ jpaxxina mill-ġdid bit-talent infinit tiegħu.
Matthew Scerri
Juventus tilfu fit-tul lil Mattia De Sciglio. Waqt Juventus-Lecce rajnieh jaqa’ mal-art minħabba moviment tassew innaturali ta’ rkoptu. Mill-ewwel testijiet li sarulu fil-JMedical, irriżulta li se jkollha bżonn issirlu l-operazzjoni tal-cruciate. L-intervent se jsir fil-jiem li ġejjin u wara De Sciglio se jibqa’ wieqaf għal diversi xhur biex jirkupra. Nawgurawlu fejqan ta’ malajr.
Matthew Scerri
Fabio Miretti kien fil-JMedical dalgħodu għat-testijiet mediċi wara l-injury li sofra lejn tmiem l-Ewwel Taqsima ta’ Salernitana-Juventus. Kien ikkonfermat li għandu ‘distorsione’ fl-għaksa u ġie eskluż li għandu ksur. Issa se jkun qed jingħata l-fiżjoterapija biex jirkupra mill-injury. Sa dalgħodu stess hu kellu juża l-krozzi biex jimxi. Fl-istqarrija ta’ Juventus m’hemmx indikazzjoni kemm se jdum barra. Rapporti mhux uffiċjali jsostnu li għandu minn tal-inqas tliet ġimgħat barra.
Matthew Scerri
L-istaff mediku ta’ Juventus stabilixxa l-entità tal-injury ta’ Arek Milik. L-injury muskolari f’koxxtu x-xellugija hu ta’ entità medja. Hu se jibqa’ mistrieħ għal ġimagħtejn u wara se jsirulu testijiet oħra sabiex ikun stabbilit aħjar kmm se jdum barra. Skont rapport mhux uffiċjali, hemm riskju li Milik idum barra għal madwar xahar-xahar u nofs.
Matthew Scerri
Għadda ħafna żmien minn l-aħħar logħba ta’ Juventus u forsi ħafna nsew id-diskors li kien jingħad li f’Jannar se jkollu lil kulħadd lura. Il-verita’ sfortunatament hi oħra. Juventus għad għandhom bosta plejers neqsin. Wisq plejers neqsin fil-verita’ u dejjem l-istess ismijiet. Allegri llum qa li jittama li sal-aħħar tax-xahar ikollu lil kulħadd lura tajjeb għal-logħob. Għandna d-dubji tagħna kemm se jkun hekk.
Intant għal għada Allegri rkuoea lil Chiesa u lil Szczesny, għalkemm x’aktarx it-tnejn li huma mhux se jibdew mill-ewwel minuta. Pogba u Vlahovic, mill-banda l-oħra fadlilhom madwar ġimaghtejn-tlieta biex ikunu jistgħu jilagħbu. Bonucci u Cuadrado wkoll għadhom mhux f’sikkithom. De Sciglio u Kaio Jorge għadhom mhux tajbin għal-logħob anki jekk ilhom barra mill-azzjoni għal tul ta’żmien.
Ma’ dawn kollu żdied Di Maria fl-aħħar sigħat. Hu qala’ daqqa fl-għaksa waqt it-training u ma ġiex mgħajjat għall-partita kontra Cremonese.
L-injuries m’għandhiex tkun skuża għal Juventus. Biss lanqas hu sew li Juventus ilhom minn Lulju jhallsu l-pagi miljunarji ta’ Pogba, Di Maria, De Sciglio… u qatt ma jieħdu xejn mingħandhom!
Matthew Scerri
Nhar il-Ħadd kontra Inter, Juventus se jkollhom lura erba’ plejers li. A lagħbu kontra PSG. Danilo dieħel lura wara li kien sospiż jumejn ilu. Di Maria, Vlahovic u Bremer, mill-banda l-oħra, irkupraw mill-injuries tagħhom u se jkunu jistgħu jilagħbu fid-Derby d’Italia.
Matthew Scerri
Moise Kean se jitlef il-partita tal-lejla kontra PSG minħabba injury. Ilbieraħ hu ħass uġigħ f’koxxtu u minn testijiet li sarulu llum irriżulta li għandu infjammazzjoni f’post fejn kien weġġa’ ftit taż-żmien ilu. Mhux magħruf kemm se jdum barra.
Matthew Scerri
Fl-aħħar jiem Pogba ma deherx iktar jittrenja fil-Continassa. Skont La Gazzetta dello Sport ir-raġuni hi li Pogba qed iħoss uġigħ f’koxxtu. Xejn gravi imma għandu bżonn għaxart ijiem mistrieħ bies ifieq. Hu għalhekk li Allegri stqarr ftit tal-jiem ilu li hu diffiċli li naraw lil Pogba fil-grawnd kontra Verona jew Lazio. F’dan l-istadju hu dejjem iktar probabbli li Pogba jitħalla barra mit-tim nazzjonali Franċiż għat-Tazza tad-Dinja. X’aktarx Deschamps se jistennih sa nofs Novembru, imma jekk mhux se jkollu garanziji se jkollu jħallih barra.
Matthew Scerri
Weston McKennie wkoll mhux mistenni jilgħab iktar għal Juventus f’dan l-2022. Fil-fatt se jkollu jibqa’ barra mill-azzjoni għal madwar ġimaghtejn minħabba injury li sofra kontra Lecce u li wassal biex jinqala’ fl-intervall tal-partita. Issa kontra PSG, Juventus se jkollhom tnax neqsin u Danilo sospiż. Mit-tnax neqsin forsi jirkupra biss Locatelli li ma lagħabx kontra Lecce minħabba raġunijiet personali.
Matthew Scerri