Dalgħodu l-istaff mediku ta’ Juventus għamel xi testijiet biex tkun stabbilita l-entità tal-injury ta’ Alex Sandro. L-injury hu ta’ entità medja. Ġimagħtejn oħra se jkunu qed isirulu xi testijiet oħra biex it-tobba jifhmu jekk fieqx jew le.
Matthew Scerri
Illum mistennija joħorġu r-riżultati tat-testijiet li t-tobba ta’ Juventus se jagħmlu b’rabta mal-injury muskolari ta’ Alex Sandro. Bosta siti u gazzetti qed ibassru li se jkollu jibqa’ barra bejn tliet ġimgħat u xahar.
Matthew Scerri
Jumejn qabel l-ewwel partita tal-kampjonat, Andrea Pirlo tilef lil Alex Sandro minħabba injury muskolari. Hu fil-fatt kellu jieqaf mit-training illum peress li ħass uġigħ. Jidher li hu injury ta’ tip muskolari. Għada se jsirulu xi testijiet mill-istaff mediku ta’ Juventus.
Matthew Scerri
Sfortunatament waslet il-konferma li l-injury ta’ Zaniolo hu tassew gravi. Hu qaċċat il-legament ta’ irkoptu (mhux l-istess waħda operata f’Jannar li għadda) u għada se ssirlu operazzjoni tal-cruciate. Bħal dejjem, f’każijiet bħal dawn, Zaniolo se jibqa’ barra madwar sitt xhur. Nawgurawlu fejqan ta’ malajr.
Matthew Scerri
Ix-xorti ma tridx tidħak lil Nicolò Zaniolo. Fil-fatt hu kellu jabbanduna l-grawnd kontra l-Olanda minħabba problema f’irkoptu. It-tobba tal-istaff mediku tat-tim nazzjonali huma mħassba u hemm il-biża’ li l-injury hu gravi. Tajjeb ngħidu li l-injury li sofra mhuwiex fl-istess irkoppa li kienet ġiet operata f’Jannar li għadda. Nawgurawlu fejqan ta’ malajr!
Matthew Scerri
Cristiano Ronaldo llum ittrenja b’mod regolari mal-bqija ta’ sħabu tat-tim nazzjonali Portugiż.Hu jinsab ferm aħjar wara li kellu problema f’infezzjoni f’suba’ ta’ saqajh. Ronaldo se jkun qed jivvjaġġa mat-tim nazzjonali lejn l-Iżvezja fejn se jilagħbu nhar it-Tlieta.
Matthew Scerri
Għat-tieni jum konsekuttiv, Cristiano Ronaldo ma ttrenjax ma’ sħabu tat-tim nazzjonali Portugiż. Jidher li hu għandu infjammazzjoni f’suba’ ta’ saqajh, infjammazzjoni li ġietu minħabba ferita infettata. Kważi żgur li hu mhux se jilagħab għada kontra l-Kroazja u hemm dubji kbar dwar kemm se jkun laħaq irkupra sa nhar it-Tlieta meta l-Portugall se jilagħbu kontra l-Iżvezja. Juventus huma mħassba minħabba dis-sitwazzjoni hekk kif Dybala għadu qed jirkupra mill-injury tiegħu. Jekk l-injury ta’ Ronaldo jieħu fit-tul, jaf sal-20 ta’ Settembru Pirlo ma jkollux aktar attakkanti ħlief Higuain (dejjem jekk se jibqa’ u dejjem jekk mhu se jinxtara attakkant ieħor).
Matthew Scerri
Cristiano Ronaldo jaf ikollu jitlef il-partita tal-Portugall kontra l-Kroazja. Hu mhux qed jittrenja minħabba infezzjoni f’suba’ ta’ saqajh. S’issa m’hemmx rapporti li għandu injury gravi, biss ma ninsewx li s-Serie A se tibda ħmistax oħra u Juventus diġà għandhom barra lil Dybala.
Matthew Scerri
Wara li sofra injury muskolari mat-tim nazzjonali Taljan, Bernardeschi llum sarulu xi testijiet mediċi fil-JMedical. Irriżulta li l-injury tiegħu hu ta’ entità medja. Ħmistax-il ġurnata oħra se jerġgħu jsirulu xi testijiet oħra biex it-tobba jifhmu jekk ikunx fieq jew le. Fi kliem ieħor Bernardeschi se jitlef l-ewwel partita tal-kampjonat.
Matthew Scerri
Federico Bernardeschi kellu jabbanduna t-training grawnds fejn it-tim nazzjonali qed iħejji għall-partiti kontra l-Bosnija u l-Olanda. Hu sofra injury muskolari u ntbagħat lura Turin minħabba li mhux se jilħaq jirkupra għal dawn iż-żewġ partiti.
Matthew Scerri