Posts

It-trasferimenti uffiċjali kollha għat-tim Juventin

Plejers li ngħaqdu ma’ Juventus

Bremer (difensur, Torino)

Di Maria (winger, PSG)

Fagioli (midfielder, Cremonese)

Gatti (difensur, Frosinone)

Kostic (winger, Eintracht Frankfurt)

Milik (attakkant, O. Marseille)

Paredes (midfielder, PSG)

Pogba (midfielder, Manchester United)

 

Plejers mibjugħa jew mislufa minn Juventus lil timijiet oħra

Arthur (misluf lil Liverpool)

Bernardeschi (intemmlu l-kuntratt, Toronto)

Brunori (mibjugħ lil Palermo)

Cambiaso (misluf lil Bologna)

Chiellini (kuntratt itterminat qabel iż-żmien, Los Angeles FC)

De Ligt (mibjugħ lil Bayern Munich)

Demiral (mixtri għal kollox minn Atalanta)

De Winter (misluf lil Empoli)

Dybala (intemmlu l-kuntratt, Roma)

Frabotta (misluf lil Lecce)

Isreal (mibjugħ lil Sporting Lisbon)

Mandragora (mibjugħ lil Fiorentina)

Morata (wasal fi tmiemu s-self tiegħu, Atletico Madrid)

Nicolussi Caviglia (misluf lil SudTirol FC)

Pellegrini (misluf lil Eintracht Frankfurt)

Pjaca (misluf lil Empoli)

Ramsey (ftehim biex il-kuntratt tiegħu jkun itterminat)

Ranocchia (misluf lil Monza)

Rovella (misluf lil Monza)

Vrioni (mibjugħ lil New England Revolution)

Wesley (mibjugħ lil Cruzeiro)

Zakaria (misluf lil Chelsea)

Zanimacchia (misluf lil Cremonese)

Uffiċjali: Juventus xtraw lil Kostic

Juventus ħabbru li xtraw lil Filip Kostic mingħand Eintracht Frankfurt għal 12—il miljun, liema somma se titħallas fi tliet rati. Hemm anki 3 miljuni f’bonuses u 1.5 miljun Ewro f’commissions u s-solidarity payments kif stipulat mir-regolamenti tal-Fifa. Kostic iffirma kuntratt ma’ Juventus sal-2026.

Matthew Scerri

Kostic wasal Turin!

Filip Kostic wasal Turin dalgħodu u hekk bdiet uffiċjalment l-avventura tiegħu ma’ Juventus. Jonoqs biss it-testijiet mediċi qabel jiffirma l-kuntratt ma’ Juventus. Hu se jiffirma kuntratt ta’ tliet snin b’paga ta’ 3.5 miljun Ewro, bonuses inklużi. Juverntus se jħallsu 17-il miljun Ewro għalih lil Eintracht Frankfurt.

Matthew Scerri

Filmat: Insiru nafu aħjar lil Kostic

Kostic se jkun Turin għada

Filip Kostic għandu jasal Turin għada filgħodu. Għall-ewwel kien maħsub li kien se jkun qed jivvjaġġa lejn l-Italja l-lejl li għadda. Matul il-ġurnata tal-lum kien hemm stennija għalih, imma issa jidher li se jitlaq lejn Turin kmieni għada filgħodu. Id-dewmien hu marbut mal-fatt li Eintracht kienu mħabbtin fl-aħħar jumejn minħabba li se jkunu qed jilagħbu kontra Real Madrid u allura ma kellhomx ċans jiffinalizzaw l-aħħar dettalji burokratiċi marbutin ma’ dat-trasferiment.

Matthew Scerri

Kostic mistenni jasal Turin illejla

Filip Kostic jista’ jitqies bħala plejer ġdid ta’ Juventus. Fi stqarrija Eintracht Frankfurt ikkonfermaw li Kostic mhux se jkun qed jilgħab għada kontra Real Madrid fis-Super Cup tal-Ewropa. Skont id-Direttur għall-Isport ta’ Eintracht, Markus Krösche din id-deċiżjoni ttieħdet wara talba min-naħa ta’ klabb li qed jinnegozja l-akkwist ta’ Kostic. Għalkemm ma semmihx, il-klabb hu ovvjament Juventus. Illejla Kostic se jasal Turin biex għada jsirulu t-testijiet mediċi u jkun jista’ jibda jittrenja taħt id-direzzjoni ta’ Allegri u l-istaff tiegħu.

Matthew Scerri

Ftehim fil-qrib għal Kostic

Juventus jinsabu pass ‘il bogħod milli jilħqu ftehim ma’ Eintracht Frankfurt għal Filip Kostic. Il-klabbs resqin bil-mod il-mod lejn ftehim definittiv li għandu jkun madwar il-15 miljun Ewro. Hu maħsub li llum il-klabbs se jkunu qed jiffinalizzaw il-ftehim, b’Kostic ikun jista’ jivvjaġġa lejn Turin għat-testijiet mediċi.

Matthew Scerri

X’qed jingħad dwar is-suq tat-trasferimenti Juventin

L-għidut dwar it-tim Juventin mhu jaqta’ xejn hekk kif is-suq tat-trasferimenti riesaq bil-mod il-mod lejn tmiemu. Fadal bejn wieħed u ieħor tliet ġimgħat u nofs, u jekk s’issa n-negozjati mxew b’pass kajman, issa t-timijiet iridu jibdew jiffinalizzaw l-akkwisti tagħhom. Juventus huma attivi ferm kemm mil-lat ta’ bejgħ ta’ plejers, kif ukoll f’dak li għandu x’jaqsam max-xiri ta’ plejers ġodda.

Il-plejers li probabbli jitilqu lil Juventus huma Rugani u Arthur. It-tnejn li huma għandhom paga għolja u Juventus lesti jneħħuhom peress li huma meqjusa biss bħala riservi ma’ Juventus. Arthur jinsab qrib ħafna li jingħaqad ma’ Valencia b’self. Rugani, mill-banda l-oħra, x’aktarx ikun mibjugħ. Galatasaray qed joffru 10 miljuni għalih, somma li Juventus lesti jaċċettaw. Rugani jinsab anki fil-mira ta’ klabbs Taljani bħal Empoli u Sampodoria, biss dawn mhumiex joffru daqs Galatasaray.

F’dak li għandu x’jaqsam mal-akkwist, Juventus nafu li qed ifittxu playmaker, plejer max-xellug u attakkant. Nafu li hemm ftehim kemm ma’ Kostic kif ukoll ma’ Paredes, bil-plejers diġà aċċettaw l-offerta mressqa lilhom minn Juventus. Jonqos issa li Juventus jilħqu ftehim mal-klabb rispettiv tagħhom. Dwar l-attakkant hemm ħafna iktar inċertezza. Issemmew diversi plejers, b’Morata dejjem ikun indikat bħala l-favorit nett, għalkemm fil-verità Atletico ma tantx jidhru disposti jitilquh minn idejhom. Attakkanti oħra li qed jissemmew bħalissa huma: Muriel u Raspadori. Fl-aħħar tajjeb ngħidu li jekk verament jitlaq Rugani, hu probabbli li Juventus jixtru difensur ieħor, b’Milinkovic ta’ Fiorentina jkun il-kandidat prinċipali.

Matthew Scerri

Kostic imsemmi dejjem iktar b’saħħa ma’ Juventus

Juventus se jmorru b’saħħa għal Filip Kostic biex isaħħu n-nofs il-grawnd tagħhom u fuq kollox il-linja x-xellugija tat-tim. Qed ikun irrapurtat li fil-laqgħa tal-lbieraħ, Allegri qabel li jinxtara Kostic u allura d-diriġenti Bianconeri bdew mill-ewwel jaħdmu sabiex jinstab ftehim għall-akkwist tal-plejer Serb mingħand Eintracht Frankfurt. Il-klabb Ġermaniż għandu offerta ta’ madwar 14-il miljun Ewro mingħand West Ham. Juventus, mill-banda tagħhom, s’issa offrew 10 miljun flimkien ma’ bonuses. Hu ovvju li Juventus se jkollhom jgħollu xi ftit l-offerta tagħhom sabiex jiksbu l-ok mingħand Eintracht. Il-ftehim mal-plejer ilu li nstab min-naħa ta’ Juventus, ferm qabel West Ham bdew jinnegozjawh.

Matthew Scerri