Posts

Pogba barra mill-azzjoni għall-kumplament tal-istaġun

/in /by

L-istaġun sfurtunat ta’ Paul Pogba wasal fi tmiemu hekk kif illum kien ikkonfermat li hu sofra injury muskolari f’koxxtu x-xellugija. L-entità tal-injury mhix gravi. Fl-istqarrija ta’ Juventus m’hemm ebda indikazzjoni dwar kemm se jibqa’ barra, biss diversi sorsi qed isostnu li hu se jdum wieqaf minn tal-inqas tliet ġimgħat. Kif kulħadd jaf l-injuries żammew lil Pogba ‘l barra mill-azzjoni prattikament is-sena kollha. Nawgurawlu fejqan ta’ malajr u li s-sena d-dieħla jkun jista’ jpaxxina mill-ġdid bit-talent infinit tiegħu.

Matthew Scerri

Pogba jitħalla barra minħabba raġunijiet dixxiplinari

/in /by

Pogba ma ġiex mgħajjat għall-partita tal-lejla kontra Friburg minħabba raġunijiet dixxiplinari. Id-deċiżjoni ttieħdet minn Allegri bi qbil mal-klabb wara li Pogba lbieraħ mar tard għall-ikla flimkien ma’ sħabu.

Matthew Scerri

Pogba għadu ma bediex jitħarreġ ma’ sħabu

/in /by

S’issa għad hemm inċertezza sħiħa dwar meta Paul Pogba se jkun jista’ jidħol lura fl-azzjoni. Sal-lum stess hu ttrenja apparti u ma kienx mal-kumplament ta’ sħabu. Xi gazzetti u siti rrapurtaw li Pogba qiegħed ħafna iktar lura minn kemm kien maħsub u li se ndumu ma’ narawh fl-azzjoni. Gazzetti oħra qed isostnu, però, li kollox miexi skont il-programm imfassal mill-fiżjoterapisti ta’ Juventus. Diffiċli inkunu nafu x’inhi l-verità. Li hu żgur hu li aħna s-supporters konna u għadna nistennewh li narawh jilgħab malajr kemm jista’ jkun, possibbilment fl-ewwel partita tal-2023 ta’ Juventus.

Matthew Scerri

Pogba b’ċans kbir li jitlef it-Tazza tad-Dinja

/in /by

Fl-aħħar jiem Pogba ma deherx iktar jittrenja fil-Continassa. Skont La Gazzetta dello Sport ir-raġuni hi li Pogba qed iħoss uġigħ f’koxxtu. Xejn gravi imma għandu bżonn għaxart ijiem mistrieħ bies ifieq. Hu għalhekk li Allegri stqarr ftit tal-jiem ilu li hu diffiċli li naraw lil Pogba fil-grawnd kontra Verona jew Lazio. F’dan l-istadju hu dejjem iktar probabbli li Pogba jitħalla barra mit-tim nazzjonali Franċiż għat-Tazza tad-Dinja. X’aktarx Deschamps se jistennih sa nofs Novembru, imma jekk mhux se jkollu garanziji se jkollu jħallih barra.

Matthew Scerri

Vlahovic u Locatelli mhux se jilagħbu. Pogba u Locatelli barra wkoll

/in /by

Vlahovic u Locatelli se jkollhom jitilfu l-partita t’għada kontra Lecce. L-attakkant Serb ma rkuprax mill-injury li sofra dil-ġimgħa, filwaqt li Locatelli mhux se jilgħab minħabba raġunijiet personali.

Chiesa u Pogba ma ġewx mgħajta għall-partita kontra Lecce. Allegri spjega llum li x’aktarx anki kontra Inter se jibqgħu barra u jista’ jagħti l-każ, ghalkemm m’hemmx ċertezza, li jidħlu kontra Verona jew Lazio.

Matthew Scerri

Filmat: Pogba lura għat-training

/in /by

It-terapija iggravat l-injury ta’ Pogba

/in /by

Tuttosport tkellmu mal-Professur Roberto Rossi li opera lil Pogba jumejn ilu. Hu sostna li t-terapija ma ħadmitx, anzi iggravat l-injury tal-meniscus tant li ma setax jissewwa iktar u kellhom ineħħulu l-parti tal-meniscus li nqasmet. Il-Professur Rossi żvela li Pogba kien diġa’ ingħata parir minn żewġ esperti, wieħed fl-Amerka u l-ieħor fi Franza, biex jopera ruħu. Nafu li hu pero’ ried mod ieħor iżda wara t-terapija, malli reġa’ beda jiġri fil-grawnd l-irkoppa bblukkjatlu għal kollox. Għalhekk saritlu l-operazzjoni b’mod urġenti. Pogba jrid isir jibqa’ wieqaf tmien ġimgħat.

Matthew Scerri

Pogba se jkun operat!

/in /by

Paul Pogba llejla se jkun qed jagħmel l-operazzjoni tal-irkoppa li ma riedx jagħmel xahar u nofs ilu. Dalgħodu hu ttrenja għat-tieni darba fuq il-grawnd wara li temm it-terapija. Pogba ma ħassu komdu jiġri u allura ddevieda li jagħmel l-operazzjoni. Hu mistenni jdum barra 45-60 jum.

Matthew Scerri

It-trasferimenti uffiċjali kollha għat-tim Juventin

/in /by

Plejers li ngħaqdu ma’ Juventus

Bremer (difensur, Torino)

Di Maria (winger, PSG)

Fagioli (midfielder, Cremonese)

Gatti (difensur, Frosinone)

Kostic (winger, Eintracht Frankfurt)

Milik (attakkant, O. Marseille)

Paredes (midfielder, PSG)

Pogba (midfielder, Manchester United)

 

Plejers mibjugħa jew mislufa minn Juventus lil timijiet oħra

Arthur (misluf lil Liverpool)

Bernardeschi (intemmlu l-kuntratt, Toronto)

Brunori (mibjugħ lil Palermo)

Cambiaso (misluf lil Bologna)

Chiellini (kuntratt itterminat qabel iż-żmien, Los Angeles FC)

De Ligt (mibjugħ lil Bayern Munich)

Demiral (mixtri għal kollox minn Atalanta)

De Winter (misluf lil Empoli)

Dybala (intemmlu l-kuntratt, Roma)

Frabotta (misluf lil Lecce)

Isreal (mibjugħ lil Sporting Lisbon)

Mandragora (mibjugħ lil Fiorentina)

Morata (wasal fi tmiemu s-self tiegħu, Atletico Madrid)

Nicolussi Caviglia (misluf lil SudTirol FC)

Pellegrini (misluf lil Eintracht Frankfurt)

Pjaca (misluf lil Empoli)

Ramsey (ftehim biex il-kuntratt tiegħu jkun itterminat)

Ranocchia (misluf lil Monza)

Rovella (misluf lil Monza)

Vrioni (mibjugħ lil New England Revolution)

Wesley (mibjugħ lil Cruzeiro)

Zakaria (misluf lil Chelsea)

Zanimacchia (misluf lil Cremonese)

Aġġornament dwar l-injury ta’ Pogba. S’issa kollox miexi sew

/in /by

Fl-aħħar ġimagħtejn ma kellna ebda stqarrija uffiċjali min-naħa ta’ Juventus dwar kif sejjer Pogba bit-terapija li qed jingħata. Nafu li qed isegwi programm ta’ fiżjoterpija f’pixxina. Sorsi qrib il-klabb Juventin, liema sorsi però mhumiex sostanzjati minn aħbarijiet realment uffiċjali, qed isostnu li t-trattament qed iħalli l-effett mixtieq. Pogba m’għadux iħoss uġigħ u daqt se jkun jista’ jgħaddi għall-fażi li jmiss fejn se jkun jista’ jerġa’ jibda jiġri bil-mod il-mod fil-grawnd. Il-pjan hu li jkun jista’ jilgħab kontra Salernitana fil-11 ta’ Settembru. Nerġgħu ngħidu li dawn mhumiex aħbarijiet uffiċjali 100%, għalkemm ġejjin minn persuni li huma xi ftit jew wisq infurmati u li għandhom rabtiet ma’ persuni li jaħdmu fi ħdan Juventus. Ta’ min jgħid ukoll li l-esperti kienu mil-ewwel sostnew li t-terapija se jkollha effett pożittiv fl-immedjat, għalkemm il-meniscus ta’ Pogba se jibqa’ maqsum u minkejja li jitlaq l-uġigħ, xorta hemm riskju kbir li f’xi ħin l-uġigħ jerġa’ jfeġġ bil-konsegwenza li Pogba jkollu jiġi operat. Nittamaw li dan ma jkunx il-każ ta’ Pogba.

Matthew Scerri