Plejers tal-Under 23 u tal-Primavera jittrenjaw taħt it-tmexxija ta’ Sarri
Fil-Continassa f’dawn il-jiem kien hemm u se jkun hemm jittrenjaw anki xi plejers ta’ Juventus Primavera u ta’ Juventus U23. B’kollox hemm disa’ plejers: Loria, Coccolo, Wesley, Muratore, Portanova, Olivieri, Vrioni, Zanimacchia u Chibozo. Huma se jkollhom li jittrenjaw taħt it-tmexxija ta’ Sarri sakemm jerġgħu jibdew is-sessjonijiet ta’ taħriġ tal-Under 23 u tal-Primavera. Matthew Scerri
Minn għada jibda t-taħriġ kollettiv ta’ Juventus
Minn għada t-Tnejn, Juventus se jkunu qed jibdew it-taħriġ kollettiv. Dil-ġimgħa l-plejers kienu qed jaħdmu fi gruppi żgħar. Issa, hekk kif fadal x’aktarx ftit inqas minn xahar għall-bidu tal-kampjonat, Sarri se jkun qed jibda jmexxi sessjonijiet fejn se jkunu qed jaħdmu lkoll flimkien il-plejers kollha. Matthew Scerri
Minn għada l-plejers kollha ta’ Juventus se jkun qed jaħdmu fil-Continassa
Minn għada Maurizio Sarri se jkollu l-plejers kollha jaħdmu fil-Continassa. Fil-fatt Alex Sandro, Danilo u Douglas Costa temmew il-kwarantina tagħhom, filwaqt li Higuain u Rabiot, peress li kellhom riżultati negattivi fl-iswab tests, se jkunu jistgħu jingħaqdu ma’ sħabhom fil-Continassa. Gradwalment it-tim se jibda riesaq lejn sessjonijiet ta’ taħriġ kollettiv. Matthew Scerri
Ebda plejer ta’ Juventus ma nstab pożittiv għall-Covid-19
Juventus ħarġu biex jinfurmaw li wara li saru l-iswab tests, l-ebda plejer jew membru tal-istaff ma rriżulta pożittiv għall-Covid-19. Għaldaqstant issa kulħadd jinsab f’sikktu u ħadd m’għandu problemi ta’ saħħa. It-testijiet saru kollha lbieraħ. Matthew Scerri
Il-plejers Juventini jaħdmu fi gruppi żgħar
Illum fil-Continassa l-plejers Juventin ħadmu fi gruppi żgħar. Sarri mexxa s-sessjonijiet. Tajjeb ngħidu li l-plejers żammew id-distanza u ma kienx hemm partiti waqt dawn is-sessjonijiet. Għada fil-Continassa mistenni li jidher għall-ewwel darba Ronaldo wara li l-kwarantina tiegħu waslet fi tmiemha llum. Matthew Scerri
Il-plejers li waslu minn barra l-Italja jistgħu ma jagħmlux il-kwarantina jekk …
Ftit jiem ilu Zlatan Ibrahimovic wasal lura l-Italja. L-istaff mediku ta’ Milan għamlulu żewġ swab tests f’temp ta’ 48 siegħa u peress li kellu żewġ riżultati negativi, hu m’għandux għalfejn jagħmle kwarantina. Din l-istess prattika tista’ tintuża anki minn Juventus għall-plejers tagħhom sabiex minn dil-ġimgħa il-plejers kollha t-tim jkunu jistgħu jittrenjaw flimkien. Matthew Scerri
Lazio diġà bdew bil-partiti waqt is-sessjonijet tat-taħriġ
Sat-18 ta’ Mejju t-taħriġ kellu jkun biss fuq bażi individwali. Madankollu Lazio diġà bdew b’partiti qosra ta’ tlieta kontra tlieta. Diversi siti qed jirrapurtaw li lbieraħ stess Simone Inzaghi mexxa waħda minn dawn il-partiti. Teknikament dan kollu mhuwiex mija fil-mija in regola mal-istruzzjonijiet mogħtija mill-Gvern Taljan. Nemmnu li ma kinitx se taqa’ d-dinja li kieku stennew sa nhar it-Tnejn! Matthew …