Il-plejers mgħajta minn Pirlo għall-partita tal-lejla kontra Milan huma: Gowlers: Szczesny, Pinsogno, Buffon.Difensuri: Chiellini, De Ligt, Danilo, Bonucci, Demiral, Di Pardo, Dragusin, Frabotta.Plejers ta’ nofs il-grawnd: Arthur, Ramsey, McKennie, Chiesa, Rabiot, Bentancur, Bernardeschi, Portanova, Fagioli, Kulusevski.Attakkanti: Ronaldo, Dybala, Da Graca. Matthew Scerri
Juventus jinsabu fi triqthom lejn il-belt ta’ Milan fejn illejla se tintlagħab Milan-Juventus. Ix-xarabank ta’ Juventus telaq ftit qabel il-11.00 ta’ filgħodu. Għalkemm s’issa ma ngħatat ebda aħbar dwar l-iswab tests tal-bieraħ, nifhmu li m’hemmx iktar plejers pożittivi. Matthew Scerri
La Gazzetta dello Sport qed tirraporta dalgħodu li tard ilbieraħ filgħaxija, wara li bdew jiġu pproċessati l-iswab tests tal-plejers Bianconeri, kien hemm l-għidut li xi plejer jew plejers oħra nstabu pożittivi għall-Covid-19. L-aħbar, madankollu, ma sabet ebda konferma mal-lejl minn sorsi qrib Juventus FC. Ir-riżultati uffiċjali se jitħabbru xi ħin dalgħodu. Matthew Scerri
Waqt intervista mogħtija lil Tele Nord, id-Direttur tal-Isports ta’ Genoa, Francesco Marroccu sostna li Pellegrini mhux se jitlaq lil Genoa. Fil-jiem li għaddew kien hemm ħafna spekulazzjonijiet li Pellegrini kien se jitlaq lil Genoa biex Juventus jisilfuh lil xi tim ieħor tas-Serie A. Dan però mhuwiex minnu. Matthew Scerri
Genoa allegatament laħqu ftehim ma’ Juventus għax-xiri ta’ Manolo Portanova. Huma se jkunu qed iħallsu 7 miljuni għalih. Dat-trasferiment hu parti mill-ftehim għax-xiri ta’ Rovella min-naħa ta’ Juventus. Matthew Scerri
Fis-sigħat li ġejjin Elia Petrelli se jkun qed iħalli lil Juventus Under 23 sabiex jingħaqad ma’ Genoa. It-trasferiment se jkun fuq bażi ta’ xiri mhux self. Il-ftehim bejn il-klabbs intlaħaq bħala parti minn ftehim ferm usa’ li se jwassal biex Juventus jiksbu lil Rovella. Matthew Scerri
Paulo Dybala mhux se jkun 100% f’siktu llejla hekk kif hemm rapporti li qed jirkupra minn sintomi tal-influwenza. Skont xi siti kellu anki ħajta deni lbieraħ. L-indikazzjonijiet huma li se jkun qed jilgħab kontra Milan anki jekk mhuwiex għal kollox f’saħħtu. Matthew Scerri
Qed inwasslulkom l-ewwel paġni tal-gazzetti Taljani tal-isports tal-lum is-6 ta’ Jannar 2021.
Roberto Testi, id-Direttur tal-Dipartiment ta’ Prevenzjoni tal-ASL ta’ Turin, tkellem dwar il-possibbiltà li Juventus ma jitħallewx imorru Milan għall-partita tal-lejla. Hu qal: “Għalissa m’hemm xejn ta’ tħassib. Però jekk naraw wara l-iswab tests li saru li hemm riskju li ħafna iktar plejers huma infettati, allura jkollna nwaqqfu t-tluq ta’ Juventus minħabba kwistjoni ta’ sigurtà. Iż-żewġ […]
F’jum l-Epifanija tal-1952 Juventus kienu għelbu bl-iskor ta’ 3-2 lil Inter. Dawn hu filmat dwar dik il-partita: