Għeluq it-48 sena tal-klabb. Stqarrija mill-president Joseph Fenech 🎊🥂 Happy Anniversary lill-klabb uniku għall-Juventini Maltin kollha. 48 Sena ta Storja u Suċċessi. B’wicci minn quddiem ngħid li aħna minn dejjem konna minn ta l-ewwel u uniċi f’kollox. Minn QALBI ngħid GRAZZI lilkom il-membri tas-sostenn tagħkom tul dawn iż-żminijiet. 🥂 Awguri JCMVA 🥂
Illum qed inwasslulkom partita tal-1953 bejn Juventus u Milan mill-‘Archivio Storico dell’Istituto Luce’. Skor finali 1-2 għal Juventus. Il-gowls Bianconeri kellhom il-firma ta’ Praest u Boniperti.
Ħafna minna żgur jiftakru l-partita tas-6 ta’ April 1997 meta Juventus f’San Siro umiljaw lil Milan u għelbuhom bl-iskor kbir ta’ 6-1. Il-filmat t’hawn taħt ifakkarna f’dik il-partita.
Dakinhar li tajna erba’ lil Milan! Fit-28 ta’ Marzu 1998 Juventus kisbu rebħa kbira ta’ 4-1 fuq Milan fil-kampjonat. Il-gowls Juventini waslu minn doppjetta kull wieħed għal Del Piero u Inzaghi.
Illum se niħdukom lura għas-sena 1977 meta Juventus kisbu tliet punti fil-partita kontra Cesena. Skor finali 3-2 għal Juventus b’doppjetta ta’ Benetti u gowl ta’ Bettega.
Fit-22 ta’ Marzu 2008 Juventus kienu impenjati f’San Siro kontra Inter. Minkejja l-qawwa tan-Nerazzurri, Juventus rebħu dan il-konfront bil-gowls ta’ Camoranesi u Trezeguet.
Il-filmat li qed inwasslulkom illum hu ta’ partita bejn Juventus u Napoli tal-1951. Filmat tassew antik li jixhed kemm il-futbol inbidel f’dawn l-aħħar 70 sena.
Il-filmat li għażilna għalikom illum hu konfront tat-Tazza Uefa bejn Juventus u Eintracht Frankfurt. It-tim ta’ Lippi, dakinhar, kellu l-opportunità li jikkonferma l-qawwa tiegħu anki fl-Ewropa.
Lura għas-sena 2001 meta fil-kampjonat Juventus għelbu lil Milan bl-iskor ta’ 3-0. Gowls ta’ Tudor, Inzaghi u Zidane.
Fl-istorja Juventina nsibu tliet konfronti bejn Juventus u Bari li ntlagħbu fit-23 ta’ Frar (1983 – Coppa Italia; 1986, 1992 – Serie A). B’kollox kellna żewġ draws u rebħa fl-1986. Il-filmat li qed inwasslulkom hu tar-rebħa li kellna fl-1986.