Qed ikun irrapurtat li l-ġest ta’ Ronaldo nftiehem ħażin. Fil-fatt Ronaldo ma tefax il-flokk ta’ Juventus mal-art. Allegatament kien hemm ballboy li talbu l-flokk u allura Ronaldo neża’ l-flokk u waddbu lejn dat-tfajjel. Fil-verità fir-ritratti li dehru online Ronaldo ma jidhirx jitfa’ l-flokk lejn l-art. Matthew Scerri
Ronaldo safa fiċ-ċentru tal-kritika tas-supporters hekk kif fi tmiem Juventus-Genoa hu deher jinża’ l-flokk u jitfgħu mal-art. Il-Portugiż illum deher xi ftit nervuż u qisu qatt ma daħal realment fil-partita. Nemmnu li l-ġest tiegħu ma kienx wieħed ta’ disprezz fil-konfront ta’ Juventus, imma probabbli kien urtat miegħu nnifsu għall-wirja fqira li kellu. Matthew Scerri
Wara li ma rnexxilhomx ixandru Inter-Cagliari minħabba problemi tekniċi, Dazn naqsu milli jittrasmettu anki Verona-Lazio u l-partita tas-Serie B, Reggina-Vicenza. Dazn spjegaw li l-problema teknika ma kinitx min-naħa tagħhom, imma kienet dovuta għal xi problemi fuq servers ta’ kumpanija esterna li Dazn jinqdew biha. Dil-problema jidher li laqtet diversi kumpaniji Ewropej. Matthew Scerri
Qed inwasslulkom ġabra ta’ ritratti tal-aqwa mumenti tal-partita Juventus-Genoa. Din il-photogallery hi magħmula minn ritratti li ġew ippubblikati fil-websajt ta’ Juventus. Sors: Juventus.com
“Qegħdin f’kuntatt mal-aġent ta’ Dybala kull ġimgħa. Ma rridux ninsew il-mument li ninsabu fih. Mhux qed nitkellem biss fuq futbol. Il-Covid ilu magħna u aħna l-klabbs ilna minn Ottubru nilagħbu bil-bibien magħluqa. Kulma nagħmlu rridu nagħmluh b’sens kbir ta’ responsabilità.” Hekk tkellem Fabio Paratici qabel il-partita. Fl-istess intervista Paratici kkonferma li Morata se jibqa’ ma’ […]
Juventus kisbu tliet punti b’rebħa tajba fuq Genoa. Diffiċli tikteb kumment dwar dil-partita mingħajr ma jkollhoma taqsamha f’tliet partijiet. Fl-Ewwel Taqsima Juventus lagħbu tajjeb ferm u kellhom kontroll sħiħa tal-partita. Skurjaw darbtejn u marru qrib li jiskurjaw drabi oħra. Genoa ftit li xejn dehru. Imbagħad bdiet u t-Tieni Taqsima u wara ftit Genoa sabu l-gowl […]
Segwi dil-ħolqa biex tivvota għall-Aqwa Plejer ta’ Juventus-Genoa: https://app.ex.co/stories/surveyw10/ivvota-g-all-aqwa-plejer-ta-juventus-genoa
L-aġent Giuseppe Riso tkellem ma’ Tuttosport dwar Nicolò Rovella. Hu kellu kliem ta’ tifħir għal Rovella kemm mil-lat tekniku kif ukoll minn dak uman. Fi kliemu mhuwiex eskluż li Juventus jagħżlu li jinkluduh fit-tim tagħhom minn das-sajf stess. Kollox se jkun qed jiddendi fuq dak li se jiġri fix-xahrejn li ġejjin u, fuq kollox, fuq […]