L-ewwel paġni tal-gazzetti Taljani (18 ta’ Settembru 2020)
Qed inwasslulkom l-ewwel paġni tal-gazzetti Taljani tal-isports tal-lum it-18 ta’ Settembru 2020.
Entries by zeronlg
It-testijiet mediċi ta’ Dzeko se jsiru bejn il-Ħadd u t-Tnejn
Fil-ħarġa tal-lum ta’ Tuttosport naqraw li t-testijiet mediċi ta’ Dzeko ma’ Juventus se jsir bejn il-Ħadd u t-Tnejn, li jfisser li kontra Sampdoria mhux se jkun jista’ jilgħab. Ilbieraħ filgħaxija l-istess gazzetta kienet irrapurtat li dzeko kien se jivvjaġġa lejn Turin mal-lejl jew kmieni dalgħodu biex it-testijiet isiru llum. Madankollu jidher li issa l-affarijiet inbidlu […]
De Sciglio mhux sejjer ma’ Roma. PSG mill-ġdid interessati fih
Ix-xnigħat bħalissa huma li Mattia De Sciglio mhux se jingħaqad ma’ Roma hekk kif Karsdorp għażel li ma jmurx ma’ Genoa. Il-full-back Taljan ta’ Juventus jidher imma li jinsab mill-ġdid fil-mira ta’ PSG li għadhom kif tilfu lil Bernat għal sitt xhur. Matthew Scerri
Suarez issa fil-mira ta’ Inter?
Minn Spanja qed jaslu aħbarijiet xejn sbieħ. Mundo Deportivo qed tikteb li f’każ li jisfaxxa fix-xejn it-trasferiment ta’ Suarez ma’ Juventus, l-attakkant Urugwajan jista’ jsir opportunità tajba għal Inter fis-suq tat-trasferimenti. S’issa, tajjeb ngħidu, qatt ma kellna ħjiel li Inter iriduh, biss ovvjament fis-suq tat-trasferimenti qatt ma tista’ teskludi xejn. Matthew Scerri
Mugs tal-Club għall-bejgħ
Il-Club tagħna għadu kemm ħareġ għall-bejgħ mugs bil-logo l-ġdid. Dawn jistgħu jinkisbu mis-segretarjat tal-Club għall-prezz ta’ €5. Żgur li kull supporter Juventin Malti għandu jkollu wieħed minn dawn il-mags fil-kollezzjoni tiegħu/tagħha.
Anniversarju: 18/9/2002 l-ewwel gowl ta’ Camoranesi ma’ Juventus
Fit-18 ta’ Settembru 2002 Mauro German Camoranesi skorja l-ewwel gowl tiegħu bil-flokk ta’ Juventus. Camoranesi, tajjeb infakkru, hu wieħed mill-ħamsa l-kbar li baqgħu ma’ Juventus wara Calciopoli fis-Serie B. F’Settembru 2002 hu ffirma l-gowl Juventin fid-draw ta’ 1-1 kontra Feyenoord fiċ-Champions League.
Dzeko fi triqtu lejn Turin biex għada jagħmel it-testijiet mediċi
Dal-lejl jew għada filgħodu Edin Dzeko se jkun qed itir lejn Turin b’jet privat. Hu se jkun qed jagħmel it-testijiet mediċi ma’ Juventus għada stess bil-għan li jkun jista’ jkun kollox in regola sabiex nhar il-Ħadd jilgħab kontra Sampdoria. Juventus se jixtru lil Dzeko għal 16-il miljun Ewro. Hu se jiffirma kuntratt ta’ sentejn b’paga […]
Uffiċjali: Higuain telaq lil Juventus
Tħabbar b’mod uffiċjali li ġie tterminat il-kuntratt ta’ Higuain wara qbil mal-plejer innifsu. B’konsegwenza ta’ dan kollu Juventus irreġistraw minusvalenza ta’ 18.5 miljun Ewro u għaldaqstant id-deficit dis-sena kien ta’ 90 miljun Ewro. Għada se jiltaqa’ l-Bord tad-Diretturi biex jemendaw ir-rapport finanzjarju li se jkun imressaq lix-share-holders. Matthew Scerri
Suarez għadda mill-eżami
Luis Suarez wasal l-Italja llum għall-ħabta tat-3 ta’ waranofsinhar permezz ta’ titjira privata. Hu nar fl-Università degli Stranieri ta’ Perugia u għamel l-eżami meħtieġ biex jikseb iċ-ċittadinanza Taljana. Suarez għadda mill-eżami u għaldaqstant l-passaport tiegħu għandu jinħareġ. Ma nafux f’dan l-istadju kemm teknikament se jgħaddi żmine biex mil-lat burokratiku jintemm il-proċess kollu u Suarez jingħata […]