Plejer ieħor li sellem temporanjament lil Juventus illum hu Mattia Perin. Kmieni waranofsinhar hu wasal fil-faċilitajiet sportivi ta’ Pegli, li huma l-headquarters ta’ Genoa. Hu ffirma kuntratt magħhom. Tajjeb infakkru li Perin ingħaqad għat-tieni sena ma’ Genoa b’self. Matthew Scerri
Cristian Romero llum kien Zigonia, il-headquarters ta’ Atalanta sabiex jibda l-avventura tiegħu magħhom. Qabel, aktar kmieni matul il-jum, Romero ffirma kuntratt ġdid ma’ Juventus qabel ingħaqad b’self ma’ Atalanta. Matthew Scerri
Id-Direttur Ġenerali ta’ Zenit, Alexander Medvedev ċaħad b’mod assolut li l-klabb Russu jinsab f’taħdidiet ma’ Khedira. Skontu m’hemmx xejn vera u dawn huma biss qlajjiet li ġejjin mill-aġenti tal-plejer. Matthew Scerri
Il-kowċ tat-tim nazzjonali tal-Portugall, Fernando Santos tkellem dwar l-injury ta’ Ronaldo. Hu sostna li Ronaldo beda jħoss uġigħ u lbieraħ it-tobba ndunaw li kellu infezzjoni f’suba’ ta’ saqajh. “Mhuwiex injury li tfieq minnu f’jumejn-tlieta,” qal Santos. Matthew Scerri
Lionel Messi ħabbar li mhux se jitlaq lil Barcellona. Fi kliemu l-President kienu ilu jaf l-istaġun kollu li ried jitlaq peress li kien qed iħoss li wasal iż-żmien li jwarrab. Issa Barcellona qed jgħidulu li ma jistax jitlaq iktar b’xejn minħabba li klawżola kienet tiskadi fl-10 ta’ Ġunju. Messi żied anki li biex jitlaq lil […]
Għat-tieni jum konsekuttiv, Cristiano Ronaldo ma ttrenjax ma’ sħabu tat-tim nazzjonali Portugiż. Jidher li hu għandu infjammazzjoni f’suba’ ta’ saqajh, infjammazzjoni li ġietu minħabba ferita infettata. Kważi żgur li hu mhux se jilagħab għada kontra l-Kroazja u hemm dubji kbar dwar kemm se jkun laħaq irkupra sa nhar it-Tlieta meta l-Portugall se jilagħbu kontra l-Iżvezja. […]
Kulmin jaf sew l-andament tas-suq tat-trasferimenti, jaf tajjeb li fis-sajf hu normali li wieħed jaqra minn kollox. Pereżempju, wara li għal jumejn qalulna li Juventus kellu ftehim ma’ Suarez, issa Il Corriere dello Sport qed isostni li finalment Suarez jista’ jibqa’ flimkien ma’ Messi ma’ Barcellona. Fi Spanja, però, qed jiċħdu din l-aħbar peress li […]
Tliet timijiet tas-Serie A, kollha mir-reġjun tal-Liguria, qed juru interess li jiksbu lil Hans Nicolussi Caviglia mingħand Juventus. S’issa l-plejer qed jittrenja fil-Continassa u x’aktarx Pirlo jixtieq jarah fl-azzjoni mill-qrib biex jifhem għandux iżommu jew le. Jekk Juventus jagħżlu li jisilfuh mill-ġdid, fuqu hemm Sampdoria, Genoa u Spezia. Matthew Scerri
Skont La Gazzetta dello Sport Juventus għandhom ftehim ma’ Suarez għal kuntratt ta’ tliet snin b’paga ta’ 10 miljuni fis-sena. Fil-jiem li għaddew kien intqal li l-kuntratt kellu jkun validu għal sentejn b’paga ta’ 8 miljuni. Intant Sky ikkonfermaw li l-kwistjoni tal-passaport ta’ Suarez tista’ tissolva fi ftit jiem. Matthew Scerri
Italja (4-3-3): Donnarumma; Florenzi, Bonucci, Chiellini, Biraghi; Barella, Jorginho, Zaniolo; Chiesa, Belotti, Insigne. Bożnija (4-3-3): Sehic; Civic, Kovacevic, Bicakcic, Kolasinac; Besic, Sabanadzovic, Cimirot; Visca, Dzeko, Duljevi.