Ake misluf lil Dijon
Marley Ake telaq lil Juventus fl-aħħar mumenti tas-suq tat-trasferimenti. Hu rrifjuta kull offerta li waslitlu tant li kien maħsub li se jtemm il-kampjonat ma’ Juventus. Madankollu mbagħad bidel fehmtu u aċċetta li jingħaqad b’self ma’ Dijon sa Ġunju.
Matthew Scerri
Tribunal Spanjol b’sentenza kontra l-Uefa u l-Fifa
It-Tribunal Provinċjali ta’ Madrid illum laqa’ l-appell dwar il-kwistjoni tas-sanzjonijiet li l-Uefa u l-Fifa kienu qed jheddu fil-konfront tat-timijiet involuti fil-ħolqien tas-Super League. Is-sentenza nqatgħet kontra l-Uefa u l-Fifa. It-Tribunal stabilixxa li l-Uefa u l-Fifa ma jistgħu jaħsbu li huma l-uniċi li jħaddnu l-valuri Ewropej, speċjalment meta dan kollu jservi ta’ skuża biex l-Uefa u l-Fifa jiddefendu l-monopolju tagħhom u jxekklu l-pjanijiet tal-ħolqien ta’ entità konkorrenti. Ġie nnutat anki li mhemm ebda regolatur li jikkontrolla l-operat tal-Uefa u tal-Fifa. It-Tribunal wissa’ lill-Uefa u lill-Fifa li ma jistgħux iwaqqfu lil min qed jippjana u jħejji s-Super League, u lanqas ma jistgħu jieħdu passi dixxiplinari fil-konfront ta’ min hu involut fit-twaqqif tas-Super League.
Matthew Scerri
Uffiċjali: Pellegrini misluf lil Lazio
Juventus silfu lil Luca Pellegrini lit-tim ta’ Lazio. Hu lagħab l-ewwel parti tal-istaġun b’self ma’ Eintracht Frankfurt, imma issa se jkompli l-istaġun ma’ Lazio. It-tim tal-kapitali għandu d-dritt li jixtrih għal kollox fis-sajf għal 15-il miljun Ewro.
Matthew Scerri
Juventus għamlu tentattiv biex jiksbu lura lil Cambiaso
Is-sessjoni tax-xitwa tas-suq tat-trasferiment waslet fi tmiemha. Illum, fl-aħħar jum tas-suq tat-trasferimenti, Juventus għamlu tentattiv sabiex jiksbu lura lil Cambiaso mingħand Bologna fejn jinsab misluf. Bologna, però, ma ridux jafu u allura Cambiaso se jkun qed jibqa’ mal-klabb attwali tiegħu.
Matthew Scerri
Aké se jibqa’ ma’ Juventus
Fl-aħħar sigħat Akè rrifjuta l-offerti li waslulu mingħand Bari u Benevento. Hu għażel li jibqa’ ma’ Juventus u se jkun qed jifforma parti mit-tim NextGen bil-possibbilità li jkun użat anki minn Allegri.
Matthew Scerri