Messaġġ ta’ awguri mill-President
Għeżież Membri,
Nixtieq minn qalbi nawguralkom Milied ħieni u sena ġdida mimlija risq, paċi u barka.
Nieħu din l-okkażjoni biex nirringrazzjakom mill-ġdid talli tibqgħu dejjem leali lejn il-club tagħna li għal dan l-aħħar nofs seklu kien id-dar tal-Juventini kollha tal-gżejjer Maltin. Grazzi lil sħabi tal-Kumitat għall-ħidma kbira tagħhom, lill-barman li jżomm il-post għaddej bl-aqwa servizz possibbli, kif ukoll lill-isponsors li mingħajr il-ġenerożità tagħhom ma jkunx possibbli li nżommu l-ġawhra ta’ premises li għandna.
Nawguralkom mill-ġdid,
Joseph Fenech
President
JC Vero Amore (Malta 1975)
Il-kawża tal-plusvalenze se terġa’ tinstema’ quddiem il-giustizia sportiva
Skont l-aġenzija tal-aħbarijiet Ansa, il-Procura Federale tal-FIGC talbet li tinfetaħ mill-ġdid il-kawża tal-plusvalenze quddiem il-giustizia sportiva. F’Mejju li għadda Juventus, Napoli u għaxar timijiet oħra kienu nħelsu minn kull akkuża wara li nstema’ l-appell. Il-Procura Federale qed tqis li hemm biżżejjed materjal ġdid fl-atti tal-inkjesta Prisma sabiex il-kawża terġa’ tinstema’.
Matthew Scerri
Illum Juventus-Rijeka
Illum fis-2.00 ta’ wara nofsinhar Juventus se jilagħbu partita oħra ta’ ħbiberija bi preparazzjoni għat-tkomplija tal-istaġun minn Jannar 2023. L-avversarji tal-lum se jkunu Rijeka. Probabbli li anki llum naraw ħafna żgħar fil-grawnd peress li hemm diversi plejers neqsin jew li daħlu lura għat-trainingi fil-jiem li għaddew.
Matthew Scerri
Bħal-lum fil-passat (22 ta’ Diċembru)
Video ieħor miġjub lilkom minn ‘Gobbo Maltese’. Fit-22 ta’ Diċembru 1985 intlagħbet il-partita Juventus-Lecce. L-iskor finali kien ta’ 4-0 favur il-Bianconeri.
Bħal-lum fil-passat (21 ta’ Diċembru)
Ftit jiem qabel il-Milied tal-1952 Juventus kienu laqgħu f’darhom lil Roma. Il-partita rat lill-Bianconeri jirbħu 3-2 bil-gowls ta’ Praest (2) u John Hansen.
