Ftit punti dwar dak li nqala’ dil-ġimgħa
Dil-ġimgħa, m’hemmx xi ngħidu, l-attenzjoni ttieħdet mill-famuża ‘karta sigrieta’ li Chine’ u sħabu ma jridux juru lill-avukati difensuri ta’ Juventus u l-eks uffiċċjali tagħha. Nafu li żewġ qrati ċivili laqgħu r-rikors imressaq mill-avukati ta’ Paratici u Cherubini u lbieraħ finalment sirna nafu x’inhu l-kontenut tal-karta sigrieta. Jibqa’ misteru kif f’temp ta’ ftit minuti dawn id-dokumenti jaslu f’idejn il-media li jaqbdu mill-ewwel jaqtghu l-verdett tagħhom. Kellna ħafna kliem bombastiku li kien awtogowl ta’ Juventus u l-magna tal-gideb tal-gazzetti donnha qed tagħti l-impressjoni li issa Juventus mhux se jingħataw lura l-15-il punt li ttiħdulhom. Tajjeb għaldaqstant niċċaraw ftit l-affarijiet.
1. X’fih id-dokument?
Qabelxejn id-dokument inkwistjoni (numru 10940) hi nota datata 14 ta’ April 2021 li l-Procuratore Federale Chine’ bagħat lil Covisoc (li hi mwaqqfa fi ħdan il-Federazzjoni biex issegwi mill-qrib il-qagħda finanzjarja tal-klabbs). Fih m’hemm ebda referenza għal Juventus u jissemmew biss xi każijiet antiki. Chine’ jsostni li hu għandu d-dritt li jindaga fuq klabbs li joħolqu sistema fejn jiftehmu bejniethom biex jieħdu vantaġġ finanzjarju minn dal-ftehim.
2. Għala ntalab dad-dokument?
Dil-ġimgħa saret ħafna retorika li dad-dokument kien fih prova ċerta li Juventus għandhom jinħelsu minn kull akkuża. Dan kollu kien biss paroli fil-vojt għax fil-verita’ ħadd ma kien jaf il-kontenut tad-dokument. Hekk stqarr Calvo ġimgħa ilu. L-għan tad-difiża kien li jsibu f’dad-dokument l-hekk imsejħa notitia criminis. Fi ftit kliem dan ifisser li li kieku d-dokument kien fih referenza ċara għall-każ tal-plusvalenze ta’ Juventus, l-avukati difensuri kienu jistgħu jitolbu li l-kawża taqa’ minħabba li Chine’ fetaħ il-kawża tard jew aħjar wara li ghaddiet id-deadline stabbilita mill-kodiċi tal-Ġustizzja Sportiva.
3. Xi jmiss issa?
Għalkemm in-notitia criminis ma nstabitx, madankollu Chine’ kien qed iwieġeb għal dokument li ntbagħatlu mill-Covisoc. Anki dad-dokument għadu mistur u allura l-avukati mistennija jitolbu li jarawh bit-tama li tinstab in-notitia criminis fih.
4. Huwa awtogowl?
Le. Ovvja li le. L-istrateġija difensiva ta’ Juventus u tal-eks uffiċċjali tagħha mhix ibbażata biss fuq dad-dokument. Ir-rikors imressaq minn Juventus fih mijiet ta’ paġni u hemm diversi punti li madwarhom inbena r-rikors. Id-dokument 10940 kien jagħti palata kbira lid-difiża li kieku nstabet in-notitia criminis. La ma nstabitx, imma, Juventus għandhom diversi punti oħra biex jiddefendu lilhom infushom.
Mhuwiex awtogowl anki għax qrati ċivili waqqfu l-arroganza tal-Federazzjoni li ma riditx tgħaddi dokument lid-difiża. Hekk inħoloq preċedent u mil-lum ‘il quddiem il-Federazzjoni jkollha tgħaddi d-dokumenti mitluba kif tagħmel kull entita’ oħra f’pajjiż demokratiku.
Mhuwiex awtogowl għax qrati ċivili kitbu ċar u tond li jista’ jkun hemm talba għal danni aktar ‘il quddiem dwar dal-każ. Fi kliem ieħor, jista’ jkun li Juventus eventwalment xi darba jkunu f’pożizzjoni li jitolbu lill-Federazzjoni tħallashom għad-danni (nassumu jekk Qorti Ċivili turi li s-sentenza tal-Ġustizzja Sportiva kienet fażulla).
5. Għala wasalna hawn?
Id-domanda li hafna qed jagħmlu hi: għala l-Federazzjoni ma riditx turi dokument li ma fih xejn kompromettenti? Uffiċjalment Chine’ ma riedx jgħaddi dad-dokument għax hi waħda mill-ħafna internal memos bejn kompartimenti differenti tal-Federazzjoni u ma riedx li jinħoloq preċedent fejn il-klabbs joqogħdu l-ħin kollu jitolbu li jaraw dawn il-memos. Onestament tidher li hi skuża banali. Ma nagħmlux mod li d-dokument 10940 ma jriduhx joħroġ biex id-difensuri ma jkunux jistgħu jaslu għal dokumenti oħra li jaħarqu? U fuq kollox ċerti li d-dokument 10940 ma fih xejn kompromettenti? Aħna ma rajniex id-dokument kollu (qrajna biss summary li ħarġet fil-gazzetti) u anki li kieku rajnieh, mhux neċessarjament konna naraw dak li avukati esperti jirnexxielhom isibu għall-finijiet tar-rikorsi tagħhom.
6. U issa?
Tkellimna diversi drabi oħra dwar xi jmiss kemm fil-Qrati Ċivili kif ukoll quddiem il-ġustizzja sportiva. Ma narax li għandha nerġgħu nidħlu fihom. Li hu żgur li hu dax-xahar stess il-Collegio di Garanzia tal-Coni għandu jibda jisma l-Appell. Mhux se jkun każ faċli anki jekk bosta esperti stqarrew li huma ċerti li Juventus se jingħataw lura l-15-il punt li tnaqqsulhom. Nisperaw li jkun hekk. Tkellmu diversi esperti u stqarrew li r-rikors ta’ Juventus hu miktub sew. Nafu imma li l-ġustizzja sportiva taħdem b’mod stramb immens u allura rridu nistennew u naraw x’se jiġri.
Jien personalment nibqa’ nemmen li ġie traskurat il-punt ta’ kif ġew ikkalkolati l-15-il punt li tnaqqsu lil Juventus. Hu fatt gravissimu għalija li dwar kwistjoni fejn m’hemmx ksur ta’ regola, prosekutur jibdel il-kap ta’ imputazzjoni, terga’ tinfetaħ kawża magħluqa u mħallef jiddeċiedi b’mod diskrezzjonali li jnaqqas 15-il punt lil klabb bla ma jispjega eżattament kif ikkalkola li Juventus kellhom jitnaqqsulhom dawn il-punti. Jidhirli li dan hu aġir mhux xieraq f’pajjiż demokratiku fejn hemm is-saltna tad-dritt.
Matthew Scerri
Juventus-Friburg. Il-plejers mgħajta minn Allegri
Il-plejers Juventini mgħajta għall-partita kontra Friburg huma:
Gowlers: Szczesny, Perin, Pinsoglio.
Difensuri: Bremer, Danilo, Alex Sandro, Gatti, Bonucci, Rugani.
Plejers ta’ nofs il-grawnd: Locatelli, Cuadrado, Kostic, Miretti, Rabiot, Paredes, Fagioli, Barrenechea.
Attakkanti: Chiesa, Vlahovic, Kean, Di Maria, Soulé.
Matthew Scerri
Pogba jitħalla barra minħabba raġunijiet dixxiplinari
Pogba ma ġiex mgħajjat għall-partita tal-lejla kontra Friburg minħabba raġunijiet dixxiplinari. Id-deċiżjoni ttieħdet minn Allegri bi qbil mal-klabb wara li Pogba lbieraħ mar tard għall-ikla flimkien ma’ sħabu.
Matthew Scerri
Telfa Sfortunata
Telfa sfortunata, hekk iddiskrivejta it-telfa kontra Roma. Zgur li ma’ kienx haqna din it-telfa wara prestazzjoni pjuttost tajba fejn anka tul il-loghba kollha lqatna xejn anqas minn 3 darbiet il-lasta, izda l-futbol dak hu, sabih u kattiv fl-istess hin.
L-ewwel taqsima kienet pjuttost kajmana minn naha taz-zewg timijiet ghalkemm xorta konna ahjar bhala pusses tal-ballun u tattikament ukoll konna sodi. Naturalment Roma laghbu l-loghba naturali ta’ Mourinho bil-famuza frazi Ingliza park the bus u man to man u jisfruttaw il-kontrattakk. Filfatt Mourinho ghazel li jhalli lil Abraham barra u jisfrutta l-velocita ta’ Dybala u nahseb li ghall-hin twil din il-mossa ffavorit lid-difensuri taghna.
It-tieni taqsima kienet kwazi fotokopja ta’ l-ewwel taqsima ghajr li bdejna nilqghu lil Roma aktar baxxi, xi haga li anka Allegri gieli irrimarka li hafna drabi naqaw wisq lura u fl-opinjoni tieghi dan id-difett wassal ghal vantagg ta’ Roma b’xutt minn kwazi 30 metru boghod, bil-midfield taghna flok jippressa kien skjerat kollu fil-kaxxa taghna ghajr ghal Rabiot li izda bis-soltu kalma u lentezza tieghu biex jaghmel dahla wasal xutt li kien l-uniku xutt gol-lasta ta’ Roma li kien fatali ghalina.
Reazzjoni ergajna rajna, fejn kellna bosta crosses li hadt ma’ kien kapaci jisfrutta. Kellna crosses interessanti minn Kostic u di Maria li qatt ma’ sabu l-attakanti taghna lesti jikkonkludu. Ma’ nistax ma’ nsemmix lil Dusan Vlahovic li rega kien deluzjoni totali f’din il-partita ftit li xejn deher, ma’ jzomm l-ebda ballun, ma’ jgibx fawl wiehed favurina u ma’ jikkontrollax ballun kultant anka niddiskrevih artificjali fil-kaxxa, f’kelma wahda inezistenti! Nistaqsi? Tghid tort tal-loghba ta’ Allegri? Tghid m’huwiex il-player li hsibna? Tghid il-hafna ghajdut tal-mercato? Temmnu li dan il-player jista xi hadt bhalissa jhallas 100 miljun ghalih?
Nerga nigi ghal kolletiv ingenerali. It-tim taghna qed juri bic-car li m’huwiex kontinwu, li spiss jaqgha f’mumenti ta’ fragilita teknika u mentali, xi haga li ila ghaddejja stagun shih. Nammetti li s-sitwazzjoni li qeghdin fiha m’hiex wahda facli, ghalina s-sapporters ahseb u ara ghal players li jsibu ruhom bi 15 il-punt inqas u l-futur ma’ jafux x’ser jigri.
Fl-ahhar nett ma’ nistax naghlaq dan l-artiklu u ma’ nsemmix ix-xeneggata ridikola ta’ dak li suppost huwa player ta’ Juventus ghalkemm nahseb lanqas hu ma’ jaf kif wasal sa hawn! Qed nirreferi ghal Moise Kean, nibda mil-fatt li kulhadd qed isemmi ghax dahal fl-ahhar ftit u bla bla bla, tajjeb! Mela ghax il-kowc li huwa maghruf kemm idum jahsiba u jdahhalni fl-ahhar meta nidhol nkompli ngharraq lil shabi flok nipprova nghinom ftit! Dak ragunament!! Pero dawn huma u nibqa nghid sal-mewt il-konsegwenzi ta’ dirigenti u tmexxija irresponsabli li kellna u l-wirt li hallew warajom!
Nohlom u nittama li dawn it-tip ta’ individwi ghax lanqas insejhilom players ma’ narahomx aktar jilbsu l-flok taghna. Dan
Kean qieghed hemm ghaliex sempliciment jaghmel parti mil-famuza skuderija ta’ Raiola li biex itik prodott tajjeb kien igeghlek tiddabba b’xi bicca mbarazz li ma’ jkunx jaf fejn ser jaqbad jitfghu qisna tal-buy one and get the 2nd item halli tehlisni mill-istock!! U kellna ex-dirigenti li kienu jidhlu ghal dan it-tip ta’ deals bhal mazetti!
Jekk fadal nitfa serjeta fil-club qactuh il-barra mill-continassa issa stess pero skuzawni qed ninsa li din il-gimgha harget l-ahbar li Juventus diga hallsu 28 miljun li kellom ihallsu ghal Kean is-sajf l-iehor minghajr ma’ habbru xejn ghax fejn iridu il-miljuni jinstabu fil-kexxun (ghal xi bicca mbarazz bhal Kean) iva nsibu ir-rizorsi!
Izda lest nilghab il-flus li nhar il-hamis fl-Europa League narawh titolari qisu qatt ma’ gara xejn anzi wara jghidulna Kean huwa patrimonju ta’ Juventus u huwa l-futur ta’ Juventus! Ghax issa drajnihom it-teoriji tas-socjeta ukoll!
FORZA JUVE DEJJEM