Fabio Miretti sofra injury waqt li kien impenjat mat-tim nazzjonali Taljan ta’ taħt il-21 sena. Fil-fatt waqt is-sessjoni ta’ taħriġ tal-bieraħ u qala’ daqqa fl-għaksa u għandu uġigħ qawwi. Tant hu hekk li ntbagħat lura Turin fejn se jkun inviżtat mit-tobba ta’ Juventus li għandhom jistabilixxu l-entità tal-injury u kif għandu jiġi kkurat.
Matthew Scerri
Filmat ieħor tassew antik li joħodna għal partita tas-Serie A li ntlagħbet fil-25 ta’ Settembru tal-1949. Fil-filmat tistgħu taraw rebħa ta’ 4-0 li Juventus kisbu fuq Bari.
Lura għas-sena 1958, meta proprju fl-24 ta’ Settembru Juventus laqgħu f’darhom lil Wiener Sport-Club fit-Tazza taċ-Champions. Dakinhar il-Bianconeri rebħu 3-1 b’hattrick ta’ Sivori.
Immorru lura għas-sena 1985 meta Juventus għelbu f’darhom lil Pisa 3-1 b’doppjetta ta’ Serena u gowl ta’ Laudrup.
Il-futur ta’ Allegri bħala kowċ ta’ Juventus jibqa’ mill-aktar inċert. Uffiċjalment il-klabb ma ħareġ ebda stqarrija u ma nafux eżattament x’qed jiġri. Nafu biss li qabel il-partita ta’ Monza Arrivabene stqarr li tkun gennata li jitkeċċa Allegri. Wara t-telfa kontra Monza, kien hemm skiet totali min-naħa ta’ Juventus u dan qed jagħti lok għal ħafna għidut u spekulazzjonijiet. Sal-bieraħ kien qed ikun irrapurtat mill-gazzetti li wara laqgħa bejn id-diriġenti, Andrea Agnelli ċempel lil Allegri biex jgħarrfu li kien ikkonfermat bħala kowċ ta’ Juventus. Dan minkejja li, dejjem skont dawn ir-rapporti, Nedved ried li Allegri jitkeċċa. Issa l-affarijiet jidher li nbidlu peress li llum qed ikun irrapurtat li d-deċiżjoni dwar jekk Allegri huwiex se jitkeċċa jew le se tittieħed nhar il-Ġimgħa waqt il-laqgħa tal-Bord tad-Diretturi.
Tgħid il-verita’ x’inhi?
Matthew Scerri
