Bonucci se jitlef il-partita kontra Roma. Allegri spjega llum li hu ma jinsabx fl-aqwa tiegħu u allura se jitħalla barra mill-partita t’għada sabiex jirkupraw għal kollox. Allegri qal ukoll li Di Maria qed jirkupra tajjeb u ttrenja għal xi ħin mal-bqija tat-tim. Fi kliemu l-indikazzjonijet huma li l-Arġentin se jkun jista’ jilgħab kontra Fiorentina fil-bidu ta’ Settembru.
Matthew Scerri
Meta nqallbu l-kotba tal-istorja ta’ Juventus insibu li l-Bianconeri lagħbu 197 partita uffiċjali kontra Roma, b’total ta’ 95 rebħa Juventina, 54 draw u 48 rebħa għal Roma. Fis-Serie A l-konfronti diretti jammontaw għal 176. Anki hawn Juventus rebħu 85 partita, filwaqt li 50 partita ntemmet bl-iskor ta’ draw. Ir-rebħa ta’ Roma kontra Juventus fis-Serie A huma 41. Minn dawn 9 biss waslu f’partiti tas-Serie A li nltagħbu f’Turin. B’kollox Juventus laqgħu lil Roma f’darhom 88 darba għall-partiti tas-Serie A u ħarġu rebbieħa 58 darba. Id-draws kienu 21. F’Turin fis-Serie A Juventus skurjaw 168 kontra Roma u sofrew 62 gowl. L-aħħar darba li partita tas-Serie A bejn Juventus u Roma f’Turin intemmet fi draw kien fl-2010. Fl-aħħar tnax-il sena Roma rebħu darba biss (fl-2020) kontra Juventus.
Il-filmati t’hawn taħt ifakkruna kif intemmu l-konfronti bejn Juventus u Roma fl-istaġun li għadda:
Juventus ħabbru uffiċjalment id-dettalji tal-ftehim ma’ O. Marseille għat-trasferiment ta’ Milik b’self għal sena. Juventus se jkunu qed iħallsu 800,000 Ewro għas-self, flimkien ma’ 100,000 Ewro oħra f’commissions. Hemm anki bonuses li jammontaw għal 800,000 Ewro oħra. Is-sena d-dieħla Juventus ikollhom id-dritt li jixtruh għal kollox għas-somma ta’ 7 miljuni flimkien ma’ 2 miljuni oħra f’bonuses.
Matthew Scerri
F’dawn is-sigħat Juventus qed jiffinalizzaw il-ftehim ma’ PSG biex jiksbu lil Leandro Paredes b’self għal sena. Il-klabbs allegatament resqin lejn qbil għal self b’ Juventus ikollhom id-dritt li jixtru lil Paredes għal kollox is-sena d-dieħla għal 15-il miljun Ewro. Jidher li l-aħħar dettalji li l-klabbs għad iridu jsibu ftehim dwarhom huma l-kundizzjonijiet li jwasslu biex dan id-dritt isir obbligu min-naħa ta’ Juventus li jixtru lil Paredes għal kollox.
Matthew Scerri
Il-gruppi kollha taċ-Champions League huma:
Grupp A: Ajax, Liverpool, Napoli, Rangers Glasgow.
Grupp B: Porto, Atlético Madrid, Bayer Leverkusen, Brugge.
Grupp C: Bayern Munich, Barcellona, Inter, Viktoria Plzen.
Grupp D: Eintracht Frankfurt, Tottenham, Sporting Lisbon, O.Marseille.
Grupp E: Milan, Chelsea, Red Bull Salsburg, Dynamo Zagreb.
Grupp F: Real Madrid, Red Bull Lipsia, Shakthar, Celtic.
Grupp G: Manchester City, Sevilla, Borussia Dortmund, Copenaghen.
Grupp H: Paris Saint-Germain, Juventus, Benfica, Maccabi Haifa
Il-Ġimgħa 26 ta’ Awwissu 2022, 6.30 p.m.
Monza-Udinese: Di Bello
Il-Ġimgħa 26 ta’ Awwissu 2022, 8.45 p.m.
Lazio-Inter: Fabbri
Is-Sibt 27 ta’ Awwissu 2022, 6.30 p.m.
Cremonese-Torino: Valeri
Juventus-Roma: Irrati
Is-Sibt 27 ta’ Awwissu 2022, 8.45 p.m.
Milan-Bologna: Manganiello
Spezia-Sassuolo: Cosso
Il-Ħadd 28 ta’ Awwissu 2022, 6.30 p.m.
Verona-Atalanta: Prontera
Salernitana –Sampdoria: Massa
Il-Ħadd 28 ta’ Awwissu 2022, 8.45 p.m.
Fiorentina-Napoli: Marinelli
Lecce-Empoli: Santoro
Matthew Scerri
Arek Milik wasal Turin b’titjira private direttament minn Franza. Hekk bdiet uffiċjalment l-avventura tiegħu f’Turin ma’ Juventus. Issa jmiss it-testijiet mediċi u wara jkun jista’ jiffirma l-kuntratt li se jorbtu ma’ Juventus. Milik qed jirritorna l-Italja wara li sena u nofs ilu kien ħalla lil Napoli. Anki dak iż-żmien Milik kien qrib li jingħaqad ma’ Juventus. Jidher li Juventus kienu fid-destin tiegħu u issa finalment se jkun qed jilbes il-flokk abjad u iswed tat-tim tal-qalb tagħna.
Matthew Scerri
