Mhuwiex Rabiot biss l-uniku plejer li Juventus sabu l-bejgħ tiegħu u li ma jridx jitlaq. Anki Pjaca rrifjuta t-trasferiment ma’ Sampdoria b’self. Mhux magħruf eżatt għala Pjaca ma jridx jilgħab għal Sampdoria. Li hu żgur hu li hu rrifjuta li jmur magħhom u bħalissa qed jittrenja mal-Under 23 sakemm jinstablu tim ieħor li jridu.
Matthew Scerri
Aktar filmati mill-preseason Juventin tas-snin li għaddew. Bħal-lum fl-1999 Juventus kienu rebħu t-Trofeo Berlusconi billi għelbu lil Milan bl-iskor ta’ 1-0. Il-gowl tar-rebħa Juventina wasal minn Del Piero.
Rapporti li ħarġu fl-aħħar sigħat jindikaw li Manchester United mhux se jkunu qed jixtru lil Adrien Rabiot mingħand Juventus. Il-klabbs ilhom li laħqu ftehim bejniethom, biss il-klabb Ingliż ma jistax isib ftehim mal-plejer innifsu. Allegatament Rabiot talab paga ta’ 10 miljuni fis-sena, somma li Manchester United qed isiqu li hi eċċessiva. Barra minn hekk Rabiot ma tantx huwa konvint li jmur jilgħab ma’ Manchester United minħabba l-fatt li huma mhux se jkunu qed jilagħbu fiċ-Champions League dis-sena.
L-aħbar mhix ovvjament tajba għal Juventus li għandhom kull interess li jbigħu lil Rabiot hekk kif is-sena d-dieħla jintemmlu l-kuntratt u jkun jista’ jitlaq b’xejn. Id-deal ma’ Manchester Unitd hu wieħed tajjeb għax kien ta’ madwar 20 miljun Ewro bonuses inklużi. Ta’ min iżid ukoll li fil-pjanijiet ta’ Juventus kien hemm li Rabiot jagħmel il-wisa’ lil Paredes. Ma nafux issa jekk Juventus humiex xorta waħda se jiksbu lil Paredes.
Matthew Scerri
It-testijiet li sarulu llum ikkonfermaw l-injury muskolari fil-groin għal Angel Di Maria. Hu se jkollu jibqa’ wieqaf għal għaxart ijiem u wara dal-perjodu jsirulu testijiet oħra. Għaldaqstant mhux magħruf eżatt meta se jidħol lura fl-azzjoni.
Matthew Scerri
Ħafna qed ibassru li dil-ġimgħa Juventus se jkunu qed jiskbu lil Paredes u lil Depay biex isaħħu n-nofs il-grawnd u l-attakk tagħhom. Mat-tnejn li huma allegatament hemm qbil fuq kollox. Depay bħalissa qed jinnegozja ma’ Barcellona sabiex il-kuntratt tiegħu ikun itterminat qabel iż-żmien. Ladarba l-ftehim ma’ Barcellona jkun instab, Depay ikun jista’ jmur Turin għat-testijiet mediċi u l-firma tal-kuntratt ma’ Juventus. Paredes, mill-banda l-oħra, ilbieraħ għamilha ċara pubblikament li jrid jingħaqad ma’ Juventus hekk kif fuq is-social media tella’ ritratt tiegħu qed jara l-partita Juventus-Sassuolo. Barra minn hekk Galtier stqarr ftit tal-jiem ilu li Paredes x’aktarx jitlaq lil PSG minħabba li jrid jilgħab iktar. Juventus qed jiddiskutu ma’ PSG wara li allegatament diġà qablu fuq kollox ma’ Paredes innifsu. Juventus iriduh b’self għal sena bid-dritt jew l-obbligu li jixtruh għal kollox is-sena d-dieħla. PSG jidhru disposti li jikkuntentaw kemm lil Paredes kif ukoll lil Juventus. Fil-fatt Paredes hu wieħed mill-ħafna plejers fl-iskwadra tagħhom li PSG qed jikkunsidraw bħala ‘żejda’ u mhux indispensabbli għat-tim. Ovvjament Juventus qed jittamaw li Rabiot jinbigħ lil Manchester United biex b’hekk ikunu jistgħu jagħmlu l-wisa’ għall-akkwist ta’ Paredes.
Matthew Scerri
Fil-konferenza tal-aħbarijiet ta’ lejlet Juventus-Sassuolo, Allegri stqarr li għad irid ikun deċiż liema mill-plejers żgħar ta’ Juventus se jiġi misluf lil xi tim ieħor. Fi kliem Allegri hu inutli li jibqgħu kollha la mhux se jkunu jistgħu jilagħbu spiss. Il-plejer li x’aktarx se jkun qed jitlaq lil Juventus hu Nicolò Rovella. Fagioli u Miretti huma home grown player, filwaqt li Rovella mhuwiex. Għal raġunijiet prattiċi, għaldaqstant, Rovella x’aktarx se jiġi. Jekk jibqa’ jispiċċa jokkupa post fil-lista taċ-Champions League jew inkella jkollu jitħalla barra minnha. Kif għidna, Fagioli u Miretti m’għandhomx dil-problema. Rovella jinsab fil-mira ta’ diversi klabbs tas-Serie A. Monza huma l-iktar li qed jissemmew, għalkemm hemm klabbs oħra li qed isegwu mill-qrib is-sitwazzjoni u jaf finalment ikunu jistgħu jiggarantulu post fiss mal-ewwel ħdax tat-tim tagħhom (Monza, mill-banda l-oħra, għandhom ħafna plejers f’nofs il-grawnd u jista’ jkun li Juventus ma jaqblilhomx jagħtuh lil Monza minħabba li Rovella jkun jista’ jnaqqas l-ispazju disponibbli għal Ranocchia).
Matthew Scerri
Il-filmat tal-lum joħodna għas-sena 1976. Hu filmat tassew antik, wieħed mill-aktar antiki li sibna tal-partita li tradizzjonalment tintlagħab f’Villar Perosa. Sa ftit tas-snin ilu l-partita kienet tara lit-tim ta’ Juventus jilgħab kontra t-tim Primavera Juventin. Min isegwi mill-qrib il-preseason Juventin se jinduna li minkejja li għaddew ħafna snin, l-affarijiet f’Villar Perosa ftit li xejn inbidlu.
