Kostic se jkun Turin għada
Filip Kostic għandu jasal Turin għada filgħodu. Għall-ewwel kien maħsub li kien se jkun qed jivvjaġġa lejn l-Italja l-lejl li għadda. Matul il-ġurnata tal-lum kien hemm stennija għalih, imma issa jidher li se jitlaq lejn Turin kmieni għada filgħodu. Id-dewmien hu marbut mal-fatt li Eintracht kienu mħabbtin fl-aħħar jumejn minħabba li se jkunu qed jilagħbu kontra Real Madrid u allura ma kellhomx ċans jiffinalizzaw l-aħħar dettalji burokratiċi marbutin ma’ dat-trasferiment.
Matthew Scerri
L-attakk Juventin għadu rebus
Ilna ġimgħat nisimgħu u naqraw ismijiet ta’ attakkanti li jistgħu jingħaqdu ma’ Juventus. S’issa għadna biss b’Vlahovic u Kean bħala attakkanti puri, flimkien ma’ Di Maria u Chiesa (li Allegri stess qal li realistikament se jkun jista’ jagħtu sehmu minn Jannar ‘il quddiem). Das-sajf Juve neħħew lil Dybala u lil Morata, u għaldaqstant it-tim ta’ Allegri għandu bżonn attakkant ieħor.
Bħalissa l-ismijiet li qed isiru huma dawk ta’ Muriel u Depay. Għada l-aġenti ta’ Depay għandhom laqgħa ma’ Barcellona biex forsi jxolju l-kuntratt tal-Olandiż. Irridu ngħidu pero’ li Chelsea qed juru interess f’Aubameyang u qed ikun irrapurtat li Barcellona se jħallu jitlaq wieħed biss bejn Depay u Aubameyang.
Muriel hu l-Alternattiva għal Depay. Il-prezz tiegħu hu ta’ madwar 15-il miljun. Jekk Depay ma jinħallx mill-kuntratt tiegħu ma’ Barcellona, Juventus se jmorru għal Muriel.
Intant qed jerġa’ jissemma li Kean se jitlaq lil Juventus. Dan mhux faċli daqskemm ħafna jaħsbu peress li Kean jinsab misluf mingħand Everton u barra minn hekk Kean hu meqjus bħala hone grown player u allura jaf ikun utli għal Juventus minħabba l-lista taċ-Champions League.
Matthew Scerri
Aħbarijiet tajba dwar Cuadrado u McKennie
Aħbarijiet tajba mill-Continassa hekk kif illum Cuadrado qatta’ s-sessjoni ta’ taħriġ mal-kumplament tat-tim. Hu rkupra mill-virus tal-istonku li kien qed iħabbtu fl-aħħar jiem.
McKennie, mill-banda l-oħra, ittrenja biss għal parti mill-ħin ma’ sħabu. Hu għadu qed jirkupra mill-injury fi spalltu u min jaf jirnexxilux ikun għad-dispożizzjoni ta’ Allegri nhar it-Tnejn għall-partita kontra Sassuolo.
Matthew Scerri
Il-Club tagħna fuq Tiktok!
Il-Club tagħna issa fuq Tiktok ukoll!
Jekk għandek profil fuq din il-pjattaforma nistidnuk tagħmlilna ‘Follow’ biex tkun tista’ ssegwi l-kontenut li se jibda jittella’ fuq din il-paġna.
Uffiċjali: Fagioli ġedded il-kuntratt ma’ Juventus
Juventus ħabbru li Nicolo’ Fagioli ffirma kuntratt ġdid magħhom sal-2026. Fagioli mar tajjeb das-sajf u mistenni jibqa’ ma’ Juventus. Fil-fatt hemm ċans tajjeb li nhar it-Tnejn hu jibda mill-ewwel minuta kontra Sassuolo.
Matthew Scerri
E-mail address ġdid għall-klabb
Il-Kumitat jixtieq jinforma li minħabba raġunijiet tekniċi, b’effett immedjat l-indirizz email ġdid tal-klabb huwa [email protected]
Għaldaqstant kull korrispondenza li wieħed jixtieq jagħmel permezz tal-email huwa mitlub li ma jużax iktar l-indirizz il-qadim iżda minflok juża dan ta’ hawn fuq.
F’każ ta’ diffikulta’ tistgħu tikkuntattjawni fuq in-numru 79618994.
Grazzi
Darren Micallef
Uffiċjal Tesseramenti
Assistent Segretarju u Assistent Segretarju Internazzjonali
Juventus f’kuntatti mal-aġenti ta’ Depay
L-attakkant il-ġdid ta’ Juventus jista’ jkun Memphis Depay. Jirriżulta li Juventus tkellmu mal-aġenti tiegħu u offrewlu kuntratt ta’ sentejn. S’issa jidher li għadu ma nstab ebda ftehim bejn Depay u Juventus minħabba li l-Olandiż qed jitlob paga għolja. Madankollu jidher li hemm ottimizmu qawwi li l-partijiet jistgħu jsibu ftehim bejniethom. Qabel, iżda, Depay irid ixolji l-kuntratt li għandu ma’ Barcellona, ħaġa li hi probabbli ferm peress li l-klabb Spanjol jeħtieġ inaqqas il-pagi tat-tim tiegħu biex ikun jista’ jirreġistra l-plejers l-ġodda li xtraw.
Matthew Scerri