L-ewwel paġni tal-gazzetti Taljani (7 ta’ Lulju 2022)
Qed inwasslulkom l-ewwel paġni tal-gazzetti Taljani tal-isports tal-lum is-7 ta’ Lulju 2022
Cambiaso mistenni jkun Turin nhar il-Ġimgħa
Nhar il-Ġimgħa Andrea Cambiaso mistenni jkun Turin għat-testijiet mediċi qabel jiffirma l-kuntratt ma’ Juventus. Il-klabbs ilhom miftehim u s’issa t-trasferiment għadu ma ġiex ifinalizzat minħabba li Dragusin għadu ma aċċettax li jingħaqad ma’ Genoa bħala parti minn dal-ftehim. Jekk Dragusin finalment jgħid ‘le’ lil Genoa, il-klabbs se jerġgħu jiltaqgħu biex isibu ftehim alternattiv, jiġifieri Genoa jkunu qed jieħdu plejer ieħor mingħand Juventus.
Matthew Scerri
L-ewwel paġni tal-gazzetti Taljani (6 ta’ Lulju 2022)
Qed inwasslulkom l-ewwel paġni tal-gazzetti Taljani tal-isports tal-lum is-6 ta’ Lulju 2022
Bayern Munich ukoll interessati f’De Ligt
Ftit li xejn jidher li hemm tama li Matthijs De Ligt jibqa’ ma’ Juventus. Kliem Arrivabene ftit tal-jiem ilu, juri biċ-ċar li r-rieda ta’ De Ligt hi li jitlaq u jibda esperjenza ġdida ma’ klabb ieħor. Nafu li Chelsea jriduh u allegatament offrew 70-75 miljun Ewro flimkien ma’ 10 miljuni oħra f’bonuses. Fl-aħħar sigħat, mill-Ġermanja, ħarġet l-aħbar li anki Bayern Munich iridu lil De Ligt u lesti joffru 70 miljun flimkien ma’ Pavard. Il-pożizzjoni ta’ Juventus f’dan l-istadju hi li lesti jħalluh jitlaq biss jekk titħallas il-penali ta’ 120 miljun Ewro biex hi jkun jista’ jinħall mill-kuntratt tiegħu. Ħafna qed ibassru li Juventus lesti jikkunsidraw offerti ta’ 100 miljun Ewro cash jew ftit iktar. Taħt il-100 miljun, Juventus ma jridux jinżlu. F’das-sens il-fatt li hemm żewġ timijiet kbar li jridu jiksbu s-servizzi tiegħu, x’aktarx se jgħin biex l-offerti tal-klabbs lil Juventus jogħlew u jilħqu dak li qed jistennew il-Bianconeri.
Matthew Scerri
Uffiċjali: Mandragora mibjugħ lil Fiorentina
Juventus ħabbru li bigħu lil Rolando Mandragora lit-tim ta’ Fiorentina għas-somma ta’ 8.2 miljun Ewro, liema somma se titħallas fi tliet rati. Ma’ dis-somma hemm anki performance bonus li jammonta għal 1 miljun Ewro.
Matthew Scerri
L-ewwel paġni tal-gazzetti Taljani (5 ta’ Lulju 2022)
Qed inwasslulkom l-ewwel paġni tal-gazzetti Taljani tal-isports tal-lum il-5 ta’ Lulju 2022
Zaniolo msemmi b’saħħa ma’ Juventus
Kulma jmur Nicolò Zaniolo qed jissemma dejjem iktar b’saħħa ma’ Juventus. Minn dak li qed jiġi rrapurtat, jidher li r-rieda ta’ Zaniolo hi li jitlaq lil Roma biex jingħaqad ma’ Roma. It-taħdidiet ma’ Roma għall-kuntratt il-ġdid tiegħu huma weqfin bil-partijiet mhux jirnexxilhom jiddjalogaw. Zaniolo jrid jitlaq. Roma jridu jżommuh biss fehmu li l-plejer għandu intenzjonijiet oħra u, bħal dejjem, klabb diffiċli jżomm plejer kontra r-rieda tiegħu. Bil-mod il-mod Juventus għaddejjin bil-ħidma tagħhom biex jiksbu s-servizzi ta’ Zaniolo. S’issa ma jirriżultax li kien hemm offerti uffiċjali min-naħa ta’ Juventus, għalkemm nafu fiċ-ċert li l-klabbs iltaqgħu u tkellmu b’mod informali dwar Zaniolo. L-għidut hu li Juventus lesti joffru tpartit ma’ Arthur jew inkellha jiksbu lil Zaniolo b’self bl-obbligu li jixtruh għal kollox is-sena d-dieħla.
Matthew Scerri
Bdejna!
L-istaġun 2022/23 beda uffiċjalment hekk kif bdew deħlin lura mill-vaganzi wħud mill-plejers. Il-preseason jibda nhar it-Tnejn 10 ta’ Lulju, biss il-plejers li qed jirkupraw minn injury u dawk li ma kellhomx impenji mat-tim nazzjonali rispettiv, diġà nġabru fil-Continassa biex jibdew it-taħriġ tagħhom. Il-plejers in kwistjoni huma: Arthur, Fagioli, De Sciglio, Pjaca, Zakaria, Danilo, Kean, Chiesa u De Winter.
Matthew Scerri
L-ewwel paġni tal-gazzetti Taljani (4 ta’ Lulju 2022)
Qed inwasslulkom l-ewwel paġni tal-gazzetti Taljani tal-isports tal-lum l-4 ta’ Lulju 2022
Di Maria u Pogba waslu biex jaslu!
Għalkemm l-aħbar mhix waħda uffiċjali, jidher li l-ġimgħa d-dieħla Angel Di Maria u Paul Pogba se jkunu qed jaslu Turin wara li l-vaganzi tagħhom waslu fi tmiemhom. Huma se jkunu qed jagħmlu t-testijiet mediċi u wara jiffirmaw il-kuntratti li se jorbtuhom ma’ Juventus. It-tnejn li huma, l-istess bħal bqija ta’ sħabhom, se jkunu qed jibdew it-taħriġ taħt it-tmexxija ta’ Allegri mill-10 ta’ Lulju, id-data uffiċjali tal-bidu tal-preseason Juventin.
Matthew Scerri