L-ewwel paġni tal-gazzetti Taljani (8 ta’ Lulju 2022)
Qed inwasslulkom l-ewwel paġni tal-gazzetti Taljani tal-isports tal-lum it-8 ta’ Lulju 2022
Cherubini f’laqgħat mal-aġenti ta’ Koulibaly, Zaniolo u Morata
L-Erbgħa 6 ta’ Lulju 2022 kienet ġurnata ta’ ħidma intensiva għal Federico Cherubini. Hu kellu laqgħat ikkonfermati ma’ żewġ aġenti importanti: Fali Ramadani u Claudio Vigorelli. X’intqal f’dawn il-laqgħa mhux magħruf b’mod uffiċjali, ovvjament. Biss l-għidut hu li Cherubini tkellem ma’ Ramadani dwar Koulibaly u Milenkovic. Juventus qed joffru kuntratt ta’ 4 snin lil Koulibay b’paga ta’ bejn 6 u 6.5 miljun Ewro fis-sena. Il-Bianconeri beħsiebhom joffru 30 miljun lil Napoli, li min-naħa tagħhom qed jitolbu 40 miljun għalih.
Vigorelli, imbagħad, hu l-aġent fost l-oħrajn ta’ Morata, Zaniolo u Arnautovic. Fil-jiem li ġejjin jaf ikun hemm żviluppi interessantissimi fil-mercato Juventin. Cherubini u Arrivabene jidher tassew determinati li jagħtu tim ferm kompetittiv lil Allegri sa l-ewwel ġimgħa tal-preseason.
Matthew Scerri
Offerta min-naħa ta’ Juventus għal Molina
Parti mill-flus li Juventus se jdaħħlu mill-bejgħ ta’ De Ligt x’aktarx se jkunu investiti fl-akkwist ta’ Molina mingħand Udinese. Hemm rapporti li Juventus ressqu offerta ta’ 15-il miljun Ewro u bonuses għal Molina. Udinese, allegatament, qed jitolbu 30 miljun, biss il-fatt li m’hemmx offerti oħra għalih minn klabbs oħra, jaf ikun punt ta’ vantaġġ għal Juventus biex jiksbuh bil-prezz li jridu huma.
Matthew Scerri
Di Maria jasal Turin illejla? U Pogba …
Illejla Angel Di Maria mistenni jasal Turin sabiex għada jmur fil-JMedical għat-testijiet mediċi qabel jiffirma l-kuntratt ma’ Juventus. Din l-aħbar mhix konfermata b’mod uffiċjali minn Juventus, biss qed tingħata bħala ċerta minn diversi sorsi. Di Maria llum se jkun qed jivvjaġġa b’destinazzjoni Turin u minn għada tibda l-avventura tiegħu mal-Bianconeri.
Paul Pogba, mill-banda l-oħra, x’aktarx se jkun Turin għat-testijiet mediċi ma’ Juventus nhar is-Sibt. It-tnejn li huma se jibdew il-preseason ma’ Juventus minn nhar il-Ħadd 10 ta’ Lulju flimkien mal-kumplament tat-tim.
Matthew Scerri
Laqgħa Ġenerali Annwali 2022
Il-laqgħa ġenerali annwali 2021/22 se tinżamm għada l-ġimgha 8 ta’ Lulju fis-7 ta filgħaxija ġewwa l-premises tal-klabb tagħna ġewwa Birkirkara.
Kull membru huwa mistieden jattendi.
L-ewwel paġni tal-gazzetti Taljani (7 ta’ Lulju 2022)
Qed inwasslulkom l-ewwel paġni tal-gazzetti Taljani tal-isports tal-lum is-7 ta’ Lulju 2022
Cambiaso mistenni jkun Turin nhar il-Ġimgħa
Nhar il-Ġimgħa Andrea Cambiaso mistenni jkun Turin għat-testijiet mediċi qabel jiffirma l-kuntratt ma’ Juventus. Il-klabbs ilhom miftehim u s’issa t-trasferiment għadu ma ġiex ifinalizzat minħabba li Dragusin għadu ma aċċettax li jingħaqad ma’ Genoa bħala parti minn dal-ftehim. Jekk Dragusin finalment jgħid ‘le’ lil Genoa, il-klabbs se jerġgħu jiltaqgħu biex isibu ftehim alternattiv, jiġifieri Genoa jkunu qed jieħdu plejer ieħor mingħand Juventus.
Matthew Scerri
L-ewwel paġni tal-gazzetti Taljani (6 ta’ Lulju 2022)
Qed inwasslulkom l-ewwel paġni tal-gazzetti Taljani tal-isports tal-lum is-6 ta’ Lulju 2022
Bayern Munich ukoll interessati f’De Ligt
Ftit li xejn jidher li hemm tama li Matthijs De Ligt jibqa’ ma’ Juventus. Kliem Arrivabene ftit tal-jiem ilu, juri biċ-ċar li r-rieda ta’ De Ligt hi li jitlaq u jibda esperjenza ġdida ma’ klabb ieħor. Nafu li Chelsea jriduh u allegatament offrew 70-75 miljun Ewro flimkien ma’ 10 miljuni oħra f’bonuses. Fl-aħħar sigħat, mill-Ġermanja, ħarġet l-aħbar li anki Bayern Munich iridu lil De Ligt u lesti joffru 70 miljun flimkien ma’ Pavard. Il-pożizzjoni ta’ Juventus f’dan l-istadju hi li lesti jħalluh jitlaq biss jekk titħallas il-penali ta’ 120 miljun Ewro biex hi jkun jista’ jinħall mill-kuntratt tiegħu. Ħafna qed ibassru li Juventus lesti jikkunsidraw offerti ta’ 100 miljun Ewro cash jew ftit iktar. Taħt il-100 miljun, Juventus ma jridux jinżlu. F’das-sens il-fatt li hemm żewġ timijiet kbar li jridu jiksbu s-servizzi tiegħu, x’aktarx se jgħin biex l-offerti tal-klabbs lil Juventus jogħlew u jilħqu dak li qed jistennew il-Bianconeri.
Matthew Scerri