Bħal-lum fil-passat (26 ta’ Marzu)
Il-partita mill-passat li għażilna għalikom illum hi Genoa-Juventus tal-1978. Dakinhar l-iskor finali tal-partita kien ta’ 2-2, b’Tardelli u Boninsegna jiffirmaw il-gowls Juventini.
L-ewwel paġni tal-gazzetti Taljani (26 ta’ Marzu 2022)
Qed inwasslulkom l-ewwel paġni tal-gazzetti Taljani tal-isports tal-lum is-26 ta’ Marzu 2022
L-ewwel paġni tal-gazzetti Taljani (25 ta’ Marzu 2022)
Qed inwasslulkom l-ewwel paġni tal-gazzetti Taljani tal-isports tal-lum il-25 ta’ Marzu 2022
Bħal-lum fil-passat (25 ta’ Marzu)
Fil-25 ta’ Marzu 1984 intlagħbet il-partita Juventus-Catania fis-Serie A. L-iskor finali kien ta’ 2-0. Interessanti li dakinhar kellna doppjetta ta’ ħadd ħlief Gaetano Scirea.
Locatelli fieq!
Manuel Locatelli fieq mill-Covid-19 u se jkun qed jingħaqad mat-tim nazzjonali Taljan. Wara li jtemm l-impenji mat-tim nazzjonali, Locatelli se jkun qed jirritorna Turin biex iħejji għall-partita kontra Inter tat-3 ta’ April.
Matthew Scerri
Dybala ma jittrenjax minħabba li qed ikun interrogat fil-‘Procura’ ta’ Turin
Illum Paulo Dybala kien mistenni jittrenja għall-ewwel darba ma’ Juventus wara li ħarġet l-aħbar li l-kuntratt tal-Arġentin mhux se jkun imġedded. Minflok mar għat-training, però, Dybala ġie msejjaħ fl-uffiċini tal-Procura ta’ Turin sabiex jagħti x-xhieda tiegħu b’rabta mal-investigazzjoni dwar allegat ‘falso in bilancio’ min-naħa ta’ Juventus. Skont l-investigaturi jista’ jkun li Juventus ma rreġistrawx b’mod korrett il-pagi tal-plejers fl-2020 u fl-2021, liema pagi kellhom jitħallsu b’mod differenti minn kif stipulat fil-kuntratti minħabba l-kriżi tal-Covid-19. Dybala ntalab jitla’ jagħti l-verżjoni tiegħu tal-fatti.
Matthew Scerri
Bħal-lum fil-passat (24 ta’ Marzu)
Is-sena 1985. Fl-24 ta’ Marzu Juventus jilqgħu f’darhom lil Inter. Dakinhar il-partita tintemm bl-iskor ta’ 3-1 favur il-Bianconeri.
L-ewwel paġni tal-gazzetti Taljani (24 ta’ Marzu 2022)
Qed inwasslulkom l-ewwel paġni tal-gazzetti Taljani tal-isports tal-lum l-24 ta’ Marzu 2022
L-uffiċju se jinżamm magħluq il-Ħamis 24 ta’ Marzu
Kif jgħid l-istess titlu l-uffiċju tal-Club nhar il-Ħamis 24 ta’ Marzu se jkun magħluq.
Għaldaqstant l-uffiċju se jerġa’ jkun miftuħ regolarment nhar it-Tlieta li jmiss 29 ta’ Marzu bejn 6.30pm u 8pm.
Nirringrazzjawkom
Tlieta mistennija jġeddu l-kuntratt ma’ Juventus
Cuadrado, De Sciglio u Perin huma mistennija jiffirmaw kuntratti ġodda ma’ Juventus fil-ġimgħat li ġejjin. Il-Kolombjan diġà stqarr pubblikament li se jibqa’ ma’ Juventus u fil-verità għandu ftehim ma’ Juventus għal kuntratt ta’ sentejn b’paga ta’ 4 miljuni fis-sena. Anki De Sciglio u Perin lesti jaċċettaw il-proposta mressqa lilhom min-naħa ta’ Juventus. De Sciglio se jkollu paga ta’ 1.8 miljuin Ewro, filwaqt li Perin se jkun qed jaqla’ 1.5 miljun. Għat-tlieta li huma se jkun hemm tnaqqis fil-paga minħabba li Juventus qed jimxu fid-direzzjoni li jbaxxu drastikament l-ammont totali ta’ paga li jħallsu kull sena.
Matthew Scerri