Wara Vlahovic, Juventus jinsabu pass ‘il bogħod milli jiksbu anki lil Denis Zakaria mingħand Borussia Monchengladbach. Juventus għandhom ftehim mal-aġenti tal-plejer u aktar kmieni llum ressqu offerta lill-klabb Ġermaniż. Juventus qed joffru lil Borussia s-somma ta’ 5 miljuni flimkien ma’ 2 miljuni oħra f’bonuses.
Matthew Scerri
Qed inwasslulkom l-ewwel paġni tal-gazzetti Taljani tal-isports tal-lum id-29 ta’ Jannar 2022.
‘Gobbo Maltese’ qed iwasslilna video ieħor mill-passat. Din id-darba għandna Napoli-Juventus tal-1984. Infakkru li kuljum qed inwasslulkom filmat ta’ partita mill-passat li tkun intlagħbet f’dik l-istess ġurnata li nkunu fiha.
Dejan Kulusevski jidher li wasal fi tmiem l-esperjenza tiegħu ma’ Juventus. Fl-aħħar jumejn kien hemm ħafna għidut li Kulusevski se jitlaq lil Juventus. Fuqu hemm interess minn diversi klabbs tal-Premier League: Everton, Arsenal u Tottenham. Jirriżulta li Milan għamlu kuntatt ma’ Juventus għal Kulusevski bil-medjazzjoni tal-aġent Lucci. Il-proposta ta’ Juventus kienet ta’ self għal sena u nofs, b’Milan ikollhom l-obbligu li jixtruh għal kollox sena u nofs oħra għal 35 miljun Ewro. Dil-proposta ma għoġbitx lil Milan li ma jridux l-obbligu li jixtruh għal kollox.
Matthew Scerri
Juventus ħabbru li xtraw mingħand Fiorentina lil Dusan Vlahovic. Il-prezz li Juventus se jħallsu għalih hu ta’ 70 miljun Ewro, liema somma se titħallas fi tliet rati. Juventus se jħallsu anki 11.6 miljun Ewro f’solidarity payments kif mitlub mir-regolamenti tal-FIFA peress li Vlahovic għandu inqas minn 23 sena. Barra minn hekk Juventus qablu li jħallsu 10 miljun Ewro oħra f’bonuses jekk jintlaħqu ċerti miri sportivi. Vlahovic iffirma kuntratt ma’ Juventus sal-2026 u se jkun qed jilbes il-flokk numru 7.
Matthew Scerri
Bla ebda dubju l-akkwist ta’ Dusan Vlahovic kien l-akbar akkwist fil-mercato ta’ Jannar u jidher illi mill-kamp Juventin jista jkun hemm akkwist ta’ midfielder jekk jirnexxilom icedu wiehed mil-midfielders li hemm bhalissa. L-akkwist ta’ Vlahovic zgur li bhal hafna Juventini bhali ma’ konniex qeghdin nistennew ghaliex specjalment minhabba s-sitwazzjoni tal-finanzi wara l-pandemija zgur ma’ konniex nahsbu li ser tippermetti akkwisti kbar. Izda bhas-supporters is-socjeta zgur li taghmel il-valutazzjonijiet teknici taghha u zgur ma’ kienx hemm dubju li konna neqsin minn punta li jiskorja numru ta’ gowls fl-istagun. Naturalment jekk kien hemm player ta’ livell bhalissa Vlahovic kien wiehed mil-ftit izda kulhadd kien jimmagina nkluz jien illi kienet xi haga mpossibli u qabel rajtu bhalkom illum gewwa Torin kont ghadni miniex nemmen.
Dan l-akkwist huwa xhieda illi ghalkemm ingergru ghall-propjeta dawn meta jkunu jridu jiehdu player johduh bis-sahha u dan setgha jsehh bl-aumento capitale li sar ftit taz-zmien ilu mil-propjeta fil-Juventus, voldiri nifs fil-flus u aktar kapital biex Juventus tibqa ghaddejja f’kull settur taghha mhux fit-tim biss. Dan l-akkwist sar mhux biss ghaliex kellna bzonn dan il-player daqs l-ilma biex nixorbu izda ghax gie deciz wara li l-player wera x-xewqa u ta l-kelma tieghu li jrid jinghaqad biss ma’ Juventus; ghalhekk id-dirigenti kif raw hekk hatfu l-opportunita u bil-flus li tefghet il-propjeta biex fis-sajf jsir il-mercato ukoll anticipat iz-zmien u akkwistat il-player qabel biex b’hekk ikun hemm aktar cans li nakkwistaw post ma’ l-ewwel erba u nidhlu fic-champions league li jmiss.
Fl-oppinjoni tieghi jonqosna akkwist ta’ midfielder kif dejjem ghidt li jtellana u johrog lit-tim bil-ballun u jkun kapaci jitma l-attakkanti xi haga li neqsin hafna minna. Jidher ukoll li d-dirigenza qeghda tahdem f’din id-direzzjoni ukoll. Qed jissemma li wiehed bejn Bentancur jew Kulusevski jista jitnehha biex jaghmel spazju ghal xi player iehor. Qieghed jissemma hafna il-player mil-Uruguay ta’ Cagliari Nandez, player interessanti li fis-sajf kien segwit mil-qrib minn Inter u Napoli. Naturalment zgur li mux ha jintefqu figuri ohra kbar bhal ta’ Vlahovic izda nemmen u nispera li xi akkwist jsir.
Dusan Vlahovic jinsab fil-JMedical għat-testijiet mediċi qabel aktar tard jiffirma l-kuntratt li se jorbtu ma’ Juventus għas-snin li ġejjin. Mal-wasla tiegħu fil-JMedical hu sab jistennieh grupp mdaqqas ta’ supporters. L-avventura ta’ Vlahovic ma’ Juventus bdiet illum!
Matthew Scerri
Hu probabbli ferm li Kaio Jorge jħalli lil Juventus fis-sigħat li ġejjin. Diversi klabbs tas-Serie A kkuntattjaw lil Juventus u talbuhom b’self lill-attakkant Brażiljan. F’dan l-istadju t-tim li qed ikun indikat bħala l-favorit li jikseb is-servizzi ta’ Kaio Jorge huma Salernitana. Juventus lesti jisilfuh lil tim fejn Kaio Jorge jkun jista’ jilgħab b’mod regolari u jekk jikseb l-esperjenza meħtieġa qabel jirritorna Turin.
Matthew Scerri
Tard ilbieraħ Juventus iffinalizzaw il-ftehim ma’ Dusan Vlahovic biex b’hekk nistgħu ngħidu li sar plejer ta’ Juventus. Jonqos biss l-aħħar formalità qabel ikun jista’ jiffirma l-kuntratt, jiġifieri jrid jagħmel it-testijiet mediċi. Dawn huma mistennija li jsiru llum. Skont il-gazzetti t-testijiet se jsiru direttament f’Turin, għalkemm ma neskludux li jistgħu jsiru band’oħra peress li fil-jiem li għaddew kien hemm għidut li l-attakkant Serb kellu l-Covid u s’issa għad ma kellniex konferma li fieq.
Matthew Scerri
