L-ewwel paġni tal-gazzetti Taljani (18 ta’ Settembru 2021)
Qed inwasslulkom l-ewwel paġni tal-gazzetti Taljani tal-isports tal-lum it-18 ta’ Settembru 2021.
Illejla l-Laqgħa Ġenerali Annwali
Qiegħed jinġieb għall-attenzjoni tal-membri kollha li l-Laqgħa Ġenerali (LĠA) Annwali tal-Juventus Club Vero Amore (Malta 1975) sejra ssir illejla l-Ġimgħa 17 ta’ Settembru fil-Club stess u tibda’ fis-7.00pm
Jekk sal-ħin stipulat li tibda’ l-laqgħa ma jkunx hemm quorum, il-laqgħa tibda’ nofs siegħa wara bil-membri preżenti fis-7.30pm.
Grazzi
Joe Shields
Segretarju Ġenerali
Rikordju fotografiku ta’ Marsa-Juventus (1971)
Il-15 ta’ Settembru 1971 hija dati importanti għal moviment Juventin hawn Malta. Infatti dak in-nhar kellna l-unur li għall-ewwel darba naraw fuq xtutna t-tim li tant inħobbu. Fl- ‘Imperial Stadium’ tal-Gżira intlagħbet Marsa-Juventus, logħba valida għall-ewwel Rawnd tat-Tazza UEFA 1971/72.
Bħala rikordju ta’ dik il-logħba storika rnexxilna nġibu 25 ritratt personali mingħand żewġ membri ‘storiċi’ tal-Club tagħna: Tony Agius u Charles Galea. Ta’ dan nirringrazzjawom u napprezzaw dawn ir-ritratti li tant jfissru għal min għex dik il-logħba.
Forsi huma ħafna minnkom (naqra imdaħħlin fiż-żmien illum il-ġurnata) għandhom f’qalbhom din id-data partikolari: 15 ta’ Settembru 1971.
Fil-grawnd (illum abbandunat u minsi) tal-Gżira kellna l-ewwel partita tal-Juventus hawn Malta! Marsa kienu t-tim li kellhom dan l-unur, għall-ewwel rawnd tat-Tazza UEFA 1971/72
Kienet ġurnata sħuna u umduża ħafna.Biex tkompli żżid l-logħba kellha tibda fil-5.00pm minħabba li l-grawnd ma kienx illuminat minn dawl artifiċjali. Nimmaġinaw il-plejers juventin (kollha ta’kalibru internazzjonali u klassi liema bħalha) jidħlu ġo dan il-grawnd iva ippakkjat bin-nies imma b’ turf kollu żrar ,sħana insopportabbli u avversarju totalment mhux magħruf.
Mela taħt l-ordni tar-referee Skoċċiż Paterson il-Juventus immexxijin minn Cestmir Vycpalek (iz-ziju tal-famuż Zdenek Zeman) għamel id-debutt ġo din il-gżira hekk juventina! Din kienet il-formazzjoni:
Carmignani, Spinosi, Marchetti, Furino, Roveta, Salvadore, Haller, Causio, Novellini, Capello u Bettega. Il-kowċ ta’ Marsa, Calleja niżel fil-grawnd hekk : Collings, Tonna, Cassar, Ferrigi,Vella. Cassar II, Farrugia, Brincat, Portelli, Faure u Camilleri.L-ewwel taqsima ingħalqet bil-Juventus minn fuq 1-0 biss. Kien il-midfielder Ġermaniż espert u fantażjuż Helmut Haller li għeleb lill-gowler Malti Collings b’xutt angulat u baxx.Fil-bidu tat-tieni taqsima kienu Marsa li setaw ġabu il-gowl tad-draw b’xutt ta’Farrugia, mgħejjun minn Portelli li ġegħel lil gowler juventin Pietro Carmignani għall-laqgħa minn tiegħu. Sadanittant il-Marsa kellhom jibdlu l-kulur tal-flokk tagħhom minn blu ta’l-ewwel taqsima għall-aħmar tat-tieni 45 minuta.Dlonk il-ferħ u l-ħolm Malti sfaxxa, għax ħarġet il-qawwa, l-esperjenza u l-ħażen tattiku tal-Juventus li bdew jiskurjaw gowl wara l-ieħor. Beda Franco Causio wara żball mid-difiża maltija. Żid it-tielet Haller b’xutt mill-ewwel fis-sittin minuta. Tlett minuti biss wara Novellini wara kontrattakk veloċi għamel l-iskor 4-0. Fabio Capello sebbaħ l-iskor għal 5-0 wara ħarġa ħażina tal-gowler Malti Collins, filwaqt li Antonello Cuccureddu ġab l-iskor finali ta’ 6-0 b’xutt imxellef minn difensur malti.Fuq in-naħa ta’Marsa nsemmu il-lasta milqutgħa minn Portelli b’xutt sabiħ imma żventurat minn barra.Hekk intemmet l-logħba! 6-0. Wara t-tisfira finali Helmut Haller kien stqarr li diffiċli tmur barra minn pajjiżek u taqla’ dak it-tifħir u kapċiċ kollu. Il-kowċ Malti Calleja sostna li dan it-tim tal-Juventus kien l-aħjar wieħed li rifes art twelidna sa dak iż-żmenijiet. Ferm aħjar minn Real Madrid u Manchester United.Fit-tieni leg ġo Turin il-Juventus komplew minn fejn ħallew hawn Malta b’rebħa komda ta’ 5-0.
L-ewwel paġni tal-gazzetti Taljani (17 ta’ Settembru 2021)
Qed inwasslulkom l-ewwel paġni tal-gazzetti Taljani tal-isports tal-lum is-17 ta’ Settembru 2021.
L-ewwel paġni tal-gazzetti Taljani (16 ta’ Settembru 2021)
Qed inwasslulkom l-ewwel paġni tal-gazzetti Taljani tal-isports tal-lum is-16 ta’ Settembru 2021.
Bħal-lum fil-passat (16 ta’ Settembru)
Hu dejjem gost u pjaċir tagħna niħdukom lura fiż-żmien biex naraw filmati rari ta’ epoka kompletament differenti minn dik tal-lum. Il-filmat tal-lum fih il-gowls tal-partita Lazio-Juventus 0-3, li ntlagħbet fis-16 ta’ Settembru 1956.
Riflessjonijiet wara loghba Malmoe-Juventus 0-3 – 14.09.2021
Il-bieraħ fl-aħħar, irnexxilna nassistu għall-ewwel rebħa tall-istaġun tagħna il-Juventini. Rebħa konvinċenti ħafna bħala score u kwalita’ ta’ logħob li wera it-tim. Żgur li ma nistawx ma nirrimarkawx anki il-fatt posittiv li għalaqna il-logħba b’ 0 goals kontra tagħna – fattur li kienet jinkweta lili kif ukoll ħbieb tiegħi waqt diskussjonijiet frekwenti magħhom. L-iktar li żgur se jieħu gost biha il-clean sheet huwa il-kowċ Massimiliano Allegri għax forsi jibda jara il-goalkeeper tagħna Wojciech Szczęsny jaħdem b’iktar serenita’ fil-logħbiet li ġejjin. Żgur ma ħarbitlix il-wirja posittiva kemm ta’ Bonucci li qed nerġaw napprezzaw id-doni ta’ regista minn wara tiegħu, kif ukoll nirrimarka l-ispirtu kombattiv aħjar f’Alex Sandro li kien importanti ħafna għalina għax sblokka l-iskor tal-logħba w anki reġa kien perikoluż u għal ftit ma reġax sab ix-xibka ftit wara l-ewwel goal!
In-nofs il-ground il-bieraħ rajtu jiffunzjona tajjeb forsi mhux perfettament imma għamel qabża fil-kwalita’ mill-partiti li rajna qabel. Locatelli, b’mod speċjali, wieħed jammira it-talent li għandu li iżomm il-pussess tal-ballun kemm hu meħtieg biss u dejjem jara kif se isib il-player żmarkat il-quddiem biex nivvertikalizzaw il-logħob – ħaga li rajtha ferm nieqsa fl-istaġuni ta’ qabel. Meta anki qsamt xi ħsibijiet ma’ Juventini oħra – laqatni il-punt ferm validu li kulħadd qed jinnota li anki bil-preżenza ta’ Locatelli – it-tqassim lura qed jonqos u dan mhux fattur ta’ min jinjorah meta naf kemm batejna goals stupidi kontra minħabba tqassim taħt pressjoni mill-avversarji lura lejn id-difiża jew saħansitra tqassim lura lejn il-goalkeeper. Kulħadd jaf kemm b’tqassima lura l-istaġun li għadda ikkompromettejna kwalifikazzjoni għal-round li imiss fic-Champions League kontra il-Porto!
Fl-aħħar nett nixtieq nitkellem ftit dwar l-attakk tagħna iffurmat minn Paulo Dybala u Alvaro Morata. Rajna ftit kombinazzjonijiet tajbin anki ta’ tqassim u tentattivi kontinwi li jifthu l-ispazji għal xulxin li tipprospetta tajjeb għal-logħob li ġej. Wieħed ma jistax ma isemmix li Morata reġa sab ix-xibka għat-tieni logħba konsekuttiva u anki dak aspett posittiv. Rajna wkoll, ir-ritorn għal-goal għalkemm minn penalty ta’ Paulo Dybala, wara li rajnih diġa jiskurja gowl stupend kontra Udinese u ħadd ma jista jinsa t-takkuna li biha qassam lejn Morata fil-bidu ta’ 2 taqsima. Dybala ukoll ingħata il-Player of the Match jiġifieri tfisser li l-wirja tiegħu kienet ferm posittiva. Ħafna aspetti posittivi! Għalkemm naf ukoll li l-avversarju kien modest, imma infakkar li qatt mhu easy tirbaħ away kontra tim inqas kwotat fiċ-Champions League fejn rajna il-bieraħ stess li xejn ma tista tieħu for granted bir-rebħa kemmxejn sorprendenti ta’ Young Boys kontra tim b’storja ferm ikbar bħal-Manchester United. Nittama li dir-rebħa isservi biex jogħla iktar il-moral in vista għal-logħba vera importanti tal-Ħadd li ġej kontra il-Milan.
Insellmilkom ħbieb Juventini! Alla prossima!