L-ewwel paġni tal-gazzetti Taljani (20 ta’ Jannar 2022)
Qed inwasslulkom l-ewwel paġni tal-gazzetti Taljani tal-isports tal-lum l-20 ta’ Jannar 2022.
Bħal-lum fil-passat (20 ta’ Jannar)
Il-protagonist assolut dakinhar tal-20 ta’ Jannar 1988 kien Ian Rush. F’partita tal-Coppa Italia hu kien skurja erba’ gowls fir-rebħa li Juventus kisbu barra minn darhom kontra Pescara bl-iskor kbir ta’ 2-6.
Arsenal f’kuntatti kontinwi mal-aġent ta’ Arthur
Il-Brażiljan Arthur jista’ jħalli lil Juventus fis-sessjoni tax-xitwa tas-suq tat-trasferimenti. Fl-aħħar jiem kien hemm għidut li Arsenal iriduh b’saħħa u li għandhom ftehim mal-plejer. Hemm rapporti li llum l-aġent tiegħu, Federico Pastorello, kien Londra u kellu laqgħa ma’ uffiċċjali ta’ Arsenal x’aktarx sabiex ikomplu jiftehmu dwar l-istrateġija għat-trasferiment tiegħu. F’dan l-istadju jidher li Arsenal iriduh b’self. Min-naħa tagħhom nafu li Juventus ma tantx huma favur dat-tip ta’ ftehim peress li jridu jsibu sostitut għalih f’temp qasir mingħajr ma jkollhom garanzija li Arsenal se jixtru lil Arthur għal kollox fis-sajf. Mil-banda l-oħra ma rridux ninsew li Pastorello stqarr pubblikament li Arthur ħaqqu jilgħab iktar, ħaġa li bħalissa Juventus ma jistgħux jiggarantalu filwaqt li Arsenal lesti jagħtuh iktar logħob.
Matthew Scerri
Se nieħdu lil xi ħadd quddiem?
L-injury ta’ Chiesa halla mpatt qawwi fuq il-pjanijiet ta’ Juventus u tal-kowc Max Allegri. Konna nisimghu lil kowc jghidilna li l-iskwadra se tibqa l-istess u din id-diska ghadna qeghda tindaqq sal-llum. Izda kemm hi l-verita? Nisperaw li Allegri flimkien ma Arrivabene, Cherubini u Nedved qieghed ifitexx l-ahjar soluzzjoni biex jimla l-vojt li halla Fede fejn jidhlu l-goals. Vera qed naraw lil Dybala jerga jsib il-forma izda dan mhux magna u xi darba jew ohra jrid jistrih! Rajna wkoll li fiducja f’Kean u fil-gdid Kaio Jorge ftit li xejn hemm, li jwassal biex wiehed jistaqsi ghalfejn dawn ingibu mal-iskwadra; imma dak argument iehor ghal darb’ohra.
Qed jissemmew diversi plejers li jistaw jinghaqdu mat-tim Juventin f’Jannar. Fosthom hemm Martial ta Utd, Azmoun ta Zenit u Icardi ta PSG. Kollha fl-oppinjoni tieghi plejers validi li nahseb kapaci jtuna spinta fuq quddiem u joffru l-firepower li hemm bzonn la Allegri ma jridx jaf li jafda lil Kean u Kaio. Pero kemm fil-verita hemm cans li jingieb xi hadd f’din it-tieqa ta’ trasferimenti? Milli qeghdin nisimaw u naqraw, ikolli nghid li xejn ma jien konvint li dan se jigri. Ir-raguni principali hija wahda – m’hemmx flus!
Kagun tal-izbalji li saru fis-sajf jew l-ghaggla biex jingieb sostitut ta Ronaldo, spiccajna twikkejna bi plejer (Kean) li maghna qatt ma brilla u li issa qeghdin inhallsuh paga li seta facilment inghatat lil sostitut denju fuq quddiem. Jekk tistaqsuni x’inhi il-probabilta li nakkwistaw il xi hadd issa nghidilkom li fl-oppinjoni tieghi, ic-cansijiet huma inqas minn 50%.
Nisperaw biss li dan in-nuqqas ta pjanar u diffikulta fil-finanzi ma jzommx lit-tim li hemm bhalissa milli jkompli jaghmel il-progress li qed narawh jaghmel. Ghax jekk allahares qatt nonqsu milli nidhlu mal-erbgha, dan ikun ifisser ristrutturar bil-ferm ikbar minn dak li rajna f’dawn is-sentejn!
Gowl minn free-kick wara sena u nofs
Il-gowl ta’ Juan Cuadrado minn free-kick fil-partita kontra Sampdoria hu l-ewwel gowl minn free-kick li l-Bianconeri skurjaw f’sena u nofs. L-aħħar darba li plejer Juventin sab ix-xibka minn free-kick kien fl-4 ta’ Lulju 2020 meta Ronaldo kien skurja gowl rarissimu minn free-kick. Minn dakinhar ‘l hawn Juventus kellhom nuqqas assolut ta’ gowls minn free-kicks. Nafu li qabel bdiet l-era Ronaldo, Juventus kienu jiskurjaw ħafna minn free-kicks b’Pjanic u Dybala spiss jitfgħu l-ballun fix-xibka bl-istess faċilità li wieħed jagħti penalty. Nafu wkoll li Ronaldo kellu l-ossessjoni ta’ jagħti hu l-free-kicks kollha u rarissimu kien jirnexxilu jiskurja. Kull supporter kien qed jaħseb li wara li telaq Ronaldo, Juventus kien se jibdew jiskurjaw iktar free-kicks. Fl-ewwel parti tal-istaġun, però, il-gowls minn free-kick ma waslux. Issa Cuadrado rnexxilu sa fl-aħħar jiskurja minn free-kick u nawguraw li Juventus jibdew jiskurjaw iktar gowls ta’ dat-tip fil-kumplament tas-sena peress li hi arma li jaf issolvi partiti kontra timijiet li jingħalqu wara u ma jħallukx toħloq wisq azzjonijiet.
Matthew Scerri
L-ewwel paġni tal-gazzetti Taljani (19 ta’ Jannar 2022)
Qed inwasslulkom l-ewwel paġni tal-gazzetti Taljani tal-isports tal-lum id-19 ta’ Jannar 2022.
Bħal-lum fil-passat (18 ta’ Jannar)
Fis-sena 2004, proprju bħal-lum it-18 ta’ Jannar, fl-Istadio Delle Alpi Juventus kienu laqgħu lil Siena. Il-grawnd kien miksi bis-silġ, biss dan ma waqqafx lit-tim formidabbli ta’ Juventus milli jikseb rebħa kbira. L-iskor finali tal-partita kien ta’ 4-2, b’hattrick ta’ Del Piero u gowl ieħor ta’ Trezeguet.
Rovesciata li saret leġġenda!
Il-partiti tal-futbol huma l-ħin kollu rrekordjati mhux biss permezz ta’ filmati imma anki b’ritratti miġbuda minn għexieren ta’ professjonisti. Uħud mir-ritratti jibqgħu fil-memorja iktar fit-tul u jsiru ikoniċi. Wieħed minn dawn ir-ritratti hu dak li qed nippubblikaw ma’ dan l-artiklu. Kien miġbud fil-15 ta’ Jannar 1950. Dakinhar Juventus kienu qed jilagħbu barra minn darhom kontra Fiorentina. L-iskor baqa’ mwaħħal fuq 0-0 sa tmiem il-partita. Ħin minnhom id-difensur ta’ Fiorentina, Maglia ta ballun fit-tul lejn l-istilla Egisto Pandolfini. Il-ballun però ma wasalx għand Pandolfini minħabba li Carlo Parola intervjena b’rovesciata u tajru ‘l bogħod. Dik ir-rovesciata saret famuża anki grazzi għall-fotografu Corrado Bianchi li ġibed ir-ritratt. Il-fotografu qabad l-eleganza u l-klassi kollha ta’ dak il-ġest ta’ Parola. Snin wara Giuseppe Panini ħallas għad-dritt li juża dak ir-ritratt biex joħloq fuqu l-logo tal-albums tal-istickers Panini. Kulmin xi darba għaqqad l-album ‘Calciatori’ żgur li ra miljun darba r-rovesciata ta’ Parola. U hekk permezz ta’ ritratt ir-rovesciata ta’ Parola saret leġġenda!
Matthew Scerri
L-ewwel paġni tal-gazzetti Taljani (18 ta’ Jannar 2022)
Qed inwasslulkom l-ewwel paġni tal-gazzetti Taljani tal-isports tal-lum it-18 ta’ Jannar 2022.
