Mistoqsi jagħti kumment dwar il-futur tiegħu, Robin Gosens sostna li bħalissa jinsab moħħu biss fuq l-impenji mat-tim nazzjonali Ġermaniż. Kicker qed jirrapurtaw li Gosens iddikjara li għalissa ma jrid jaf xejn dwar is-suq tat-trasferimenti.
Matthew Scerri
Għaddiet ġimgħa oħra u ma kellna ebda aħbar ġdida dwar Gigio Donnarumma. It-tliet timijiet li l-aktar li jidhru li għandhom ċans jiffirmawh huma Juventus, Barcellona u PSG. Juventus wisq probabbli huma l-ewwel preferenza tal-gowler Taljan. Madankollu Juventus iridu qabelxejn ibigħu lil Szczesny. Fl-aħħar sigħat kellna l-aħbar li Roma qed jitħajru jixtru lura lil Szczesny u allura Juventus ikunu jistgħu jiffirmaw lil Donnarumma. Probabbli, però, li l-aħbar uffiċjali tat-trasferiment tiegħu ma’ Juventus tingħata wara l-1 ta’ Lulju meta tibda sena finanzjarja ġdida.
Matthew Scerri
Qed inwasslulkom l-ewwel paġni tal-gazzetti Taljani tal-isports tal-lum il-5 ta’ Ġunju 2021.
Football Italia ħadu kumment mingħand Joao Santos, l-aġent ta’ Jorginho. Fi kliemu Jorginho se jibqa’ ma’ Chelsea peress li fadallu sentejn kuntratt u barra minn hekk Chelsea għandhom miri importanti ferm għall-istaġun li jmiss.
Matthew Scerri
Kulma jmur jidher li qed jikber iċ-ċans li naraw lil Miralem Pjanic lura ma’ Juventus. Allegri jħobbu ħafna u l-Bosniaku lest jirritorna ma’ Juventus bil-ġiri. Barcellona, min-naħa tagħhom, jidhru lesti li jisilfuh sabiex jeħilsu mill-paga għolja li għandu. Romeo Agresti qed isostni li Juventus qed jikkunsidraw serjament li jiksbu lura lil Pjanic b;self biex jinvestu l-flus fix-xiri ta’ midfielder ta’ statura internazzjonali. L-ismijiet li qed isiru huma dawk ta’ Milinkovic-Savic u Pogba.
Matthew Scerri
Stefano Sensi sofra injury muskolari u se jkollu jitlef il-partiti tal-Kampjonat Ewropew għan-Nazzjonijiet. Għaldaqstant Roberto Mancini qalgħu mil-lista ta’ 26 plejer għall-Euro2020 u minfloku daħħal lil Matteo Pessina.
Matthew Scerri
Qed inwasslulkom l-ewwel paġni tal-gazzetti Taljani tal-isports tal-lum l-4 ta’ Ġunju 2021.
