Qed inwasslulkom ġabra ta’ ritratti tal-aqwa mumenti tal-Finali tal-Coppa Italia bejn Juventus u Atalanta. Din il-photogallery hi magħmula minn ritratti li ġew ippubblikati fil-websajt ta’ Juventus.
Sors: Juventus.com
Segwi dil-ħolqa biex tivvota għall-Aqwa Plejer ta’ Atalanta-Juventus:
https://app.ex.co/stories/item/011cdd07-2ec0-4d9e-9bdb-4ef9d214d81e
Juventus rebħu l-Coppa Italia għall-14-il darba fl-istorja tagħhom. Atalanta fl-Ewwel Taqsima wrew li huma għadma iebsa. Lagħbu aħjar fl-ewwel ħamsa u erbgħin minuta, imma biex inkunu għidna kollox kull tim li lagħab kontra Atalanta fl-aħħar sentejn bata. Juventus kienu intelliġenti biżżejjed biex għarfu jrażżnu l-qawwa ta’ Atalanta u marru fil-vantaġġ b’gowl mill-isbaħ ta’ Kulusevski. Atalanta komplew jippressaw sakemm kisbu d-draw ftit qabel l-intervall. Fit-Tieni Taqsima, imbagħad, Juventus ħadu f’idejhom il-partita u prattikament tfew lil Atalanta. Chiesa skurja l-gowl deċiżiv fir-rebħa mistħoqqha miksuba mill-Bianconeri.
ATALANTA-JUVENTUS 1-2
Skurjaw: Kulusevski (J), Malinovskyi (A), Chiesa (J)
Atalanta (3-4-1-2): Gollini; Toloi (Djimsiti), Romero, Palomino; Hateboer (Ilicic), De Roon, Freuler, Gosens (Miranchuk); Pessina (Pasalic); Malinovskyi (Muriel), Zapata. Kowċ: Gasperini.
Juventus (4-4-2): Buffon; Cuadrado, De Ligt, Chiellini, Danilo; McKennie, Bentancur, Rabiot, Chiesa (Dybala); Kulusevski (Bonucci), Ronaldo. Kowċ: Pirlo.
Referee: Massa.
Karti sofor: Chiellini (J), Malinovskyi (A). De Ligt (J), Romero (A), Freuler (A), De Roon (A), Ilicic (A)
Karta ħamra: Toloi (A).
Matthew Scerri
Juventus qed jirriskjaw li jitilfu lil Manuel Locatelli. Sassuolo għadhom jitolbu 40 miljun Ewro, somma li l-Bianconeri ma jridux iħallsu cash. Minflok qed jippreferu li joffru xi plejers u somma żgħira ta’ flus lil Sassuolo għal Locatelli. Fl-aħħar sigħat, allegatament Shakhtar offrew 35 miljun Ewro lil Sassuolo għal Locatelli. Shakhtar se jkolli lil De Zerbi bħala kowċ tagħhom fl-istaġun li ġej, l-istess De Zerbi li fl-aħħar sentejn ma’ Sassuolo għen lil Locatelli jistabilixxi ruħu bħala plejer.
Matthew Scerri
Sami Khedira se jkun qed jilgħab l-aħħar partita fil-karriera tiegħu nhar is-Sibt. Hu ddeċieda li jirtira mill-futbol u hekk se tasal fi tmiemha karriera tassew mill-aqwa. Khedira hu mingħajr dubju wieħed mill-aqwa midfielders li rajna fl-aħħar għoxrin sena u żgur li se jibqa’ fil-qlub tas-supporters tat-timijiet kollha fejn lagħab, fosthom anki Juventus.
Matthew Scerri
Sakemm ma jkunx hemm sorpriżi kbar, dik tal-lum hi l-aħħar partita ta’ Gigi Buffon ma’ Juventus. Did-darba nafu li Buffon se jitlaq lil Juventus darba għal dejjem. S’issa għadu mhuwiex magħruf jekk huwiex se jkompli jilgħab jew le. Għaldaqstant jista’ jkun ukoll li din tkun l-aħħar partita tal-karriera leġġendarja tiegħu.
Matthew Scerri
Atalanta (3-4-1-2): Gollini; Toloi, Romero, Palomino; Hateboer, De Roon, Freuler, Gosens; Pessina; Malinovskyi, Zapata.
Juventus (4-4-2): Buffon; Cuadrado, De Ligt, Chiellini, Danilo; McKennie, Bentancur, Rabiot, Chiesa; Kulusevski, Ronaldo.
Qed inwasslulkom l-ewwel paġni tal-gazzetti Taljani tal-isports tal-lum id-19 ta’ Mejju 2021.
Bħal-lum fl-1993 Juventus kienu rebħu t-Tazza Uefa għat-tielet darba fl-istorja wara li għelbu fil-Finali lil Borussia Dortmund.