L-ewwel paġni tal-gazzetti Taljani (9 ta’ Ġunju 2021)
Qed inwasslulkom l-ewwel paġni tal-gazzetti Taljani tal-isports tal-lum id-9 ta’ Ġunju 2021.
Jitkellem l-aġent ta’ Dragusin
Florin Manea, li hu l-aġent ta’ Dragusin, tkellem ma’ Tuttojuve dwar l-għidut li jikkonċerna trasferiment possibbli tad-difensur Rumen ma’ Cagliari jew Genoa. Manea stqarr dan li ġej: “Ma naf xejn dwar dan l-għidut. Ma kellna ebda kuntatt ma’ dal-klabbs u Juventus ma għarrfuna dwar xejn.”
Matthew Scerri
Kulusevski pożittiv għall-Covid-19
Dejan Kulusevski ttestja pożittiv għall-Covid-19 u għaldaqstant se jitlef xi partiti mat-tim nazzjonali fil-Euro2020. Il-kowċ tal-Iżvezja ħabbar li Kulusevski s ejibqa’ jifforma parti mit-tim u li mhux se jkun mgħajjat plejer ieħor minfloku. Jirriżulta li Kulusevski jinsab tajjeb u għandu sintomi ħfief li normalment nassoċjawhom mal-influwenza.
Matthew Scerri
Rovella jaf ikun il-pedina biex Juventus jiksbu lil Locatelli
Skont Sky Juventus qed jippruvaw jiksbu b’mod immedjat lil Nicolò Rovella mingħand Genoa anki jekk is-self tiegħu fadallu sena biex jasal fi tmiemu. Juventus talbu lil Genoa jagħtuhom lura lil Rovella sabiex ikunu jistgħu jpartuh (flimkien ma’ somma flus) ma’ Locatelli.
Matthew Scerri
L-ewwel paġni tal-gazzetti Taljani (8 ta’ Ġunju 2021)
Qed inwasslulkom l-ewwel paġni tal-gazzetti Taljani tal-isports tal-lum it-8 ta’ Ġunju 2021.
Donnarumma qrib li jiffirma ma’ PSG
Rapporti li ħarġu dal-lejl qed jagħtu bħala ċert it-trasferiment ta’ Gigio Donnarumma ma’ PSG. Il-klabb Franċiż qed joffri kuntratt ta’ ħames snin b’paga ta’ 12-il miljun fis-sena, eżatt kif kien qed jitlob Raiola. Jidher li PSG qed jorganizzaw kollox biex Donnarumma jagħmel it-testijiet mediċi fl-istrutturi qrib fejn bħalissa l-gowler Taljan jinsab impenjat mat-tim nazzjonali Taljan. L-idea ta’ PSG hu li Donnrumma jiffirma l-kuntratt qabel il-bidu tal-kampjonat Ewropew. Fi kliem ieħor l-iffirmar tal-kuntratt hu tassew imminenti.
Matthew Scerri
Super League. Il-Ministeru tal-Ġustizzja tal-Iżvizzera jwaqqaf lill-Uefa u lill-Fifa
Wara t-Tribunal Spanjol, issa anki l-Ministeru tal-Ġustizzja tal-Iżvizzera bagħat dokumentazzjoni uffiċjali li ma tippermettix lill-Uefa u lill-Fifa jieħdu passi dixxiplinari b’rabta mat-twaqqif tas-Super League. Idejn l-Uefa u l-FIFA, minkejja l-ħafna paroli bla sugu ta’ Ceferin, jidhru tassew marbutin.
Matthew Scerri
Szczesny: “Juventus se jżommuni 100%”
Wojciech Szczesny reġa’ tkellem dwar il-futur tiegħu. F’intervista mogħtija lil meczyki.pl, Szczesny stqarr: “Kelli kuntatt mal-klabb qabel u ntqalli li ħadd m’għandu dubji dwar il-pożizzjoni tiegħu bħala l-gowler numru wieħed. Ma nbidel xejn fuq dan l-argument. Il-klabb jemmen fija u 100% mhux se jbigħuni. Naħseb li Allegri japprezzani mhux biss bħala gowler imma anki bħala bniedem.”
Matthew Scerri
L-ewwel paġni tal-gazzetti Taljani (7 ta’ Ġunju 2021)
Qed inwasslulkom l-ewwel paġni tal-gazzetti Taljani tal-isports tal-lum is-7 ta’ Ġunju 2021.
Tottenham juru interess fi plejers Juventini
Fabio Paratici se jkun qed jaħdem għat-tim ta’ Tottenham. F’dawn is-sigħat mistennija tingħata l-aħbar uffiċjali tal-ħatra tiegħu. Hu probabbli ferm li Paratici se jkun qed jagħmel kuntatti ma’ Juventus bil-possibbiltà li l-klabbs jiftħu negozjati għal xi plejers. Qed jissemma li Paratici se jagħmel tentattiv biex jikseb lil Bonucci u lil Rabiot għal Tottenham. Issa naraw x’se jiġri verament. Li hu żgur hu li Juventus u Tottenham se jkun qed jaħdmu mill-qrib anki minħabba l-loġika tal-plusvalenze.
Matthew Scerri