Tinfetaħ il-kawża quddiem il-Qorti tal-Ġustizzja Ewropea

/in /by

Il-kwisjtoni Super League waslet quddiem il-Qorti tal-Ġustizzja Ewropea. Il-kawża nfetħet wara li Tribunal Spanjol irrefera l-każ quddiem il-Qorti tal-Ġustizzja Ewropea li trid tistabilixxi jekk l-Uefa u l-Fifa humiex jiksru l-prinċipji Ewropej ta’ konkorrenza libera. Il-Qorti trid tistabilixxi wkoll jekk l-Uefa u l-Fifa għandhom id-dritt li jostakolaw il-ħolqien ta’ tournaments oħra u jekk hemmx monopolju mill-Uefa u mill-Fifa fl-amministrazzjoni tat-tv rights.

Matthew Scerri

Arrivabene se jinħatar DĠ ta’ Juventus

/in /by

Maurizio Arrivabene mistenni jkun maħtur Direttur Ġenerali ta’ Juventus, kariga li ftit tas-snin ilu kien jokkupa Marotta. Arrivabene ilu mill-2012 fil-Bord tad-Diretturi ta’ Juventus. Bejn l-2014 u l-2019 kien serva anki bħala Direttur Ġenerali tat-tim tal-Ferrari li jtellaq fil-Formula 1.

Matthew Scerri

L-ewwel paġni tal-gazzetti Taljani (31 ta’ Mejju 2021)

/in /by

Qed inwasslulkom l-ewwel paġni tal-gazzetti Taljani tal-isports tal-lum il-31 ta’ Mejju 2021.

Euro2020. L-għażliet ta’ Mancini

/in /by

Tħabbret lista ta’ 28 plejer mgħajta minn Roberto Mancini għall-Kampjonat Ewropew tan-Nazzjonijiet. Minn din il-lista għad iridu jiġu esklużi żewġ plejers oħra. Il-lista definittiva ta’ 26 plejer li se jilagħbu għall-Italja fil-Euro2020 se titħabbar fl-1 ta’ Ġunju.

Il-plejers mgħajta s’issa:

Gowlers: Gianluigi Donnarumma (Milan), Alex Meret (Napoli), Salvatore Sirigu (Torino);

Difensuri: Francesco Acerbi (Lazio), Alessandro Bastoni (Inter), Leonardo Bonucci (Juventus), Giorgio Chiellini (Juventus), Giovanni Di Lorenzo (Napoli), Emerson Palmieri (Chelsea), Alessandro Florenzi (Paris Saint Germain), Gianluca Mancini (Roma), Leonardo Spinazzola (Roma), Rafael Toloi (Atalanta);

Plejers ta’ nofs il-grawnd: Nicolò Barella (Inter), Bryan Cristante (Roma), Frello Jorge Luiz Jorginho (Chelsea), Manuel Locatelli (Sassuolo), Lorenzo Pellegrini (Roma), Matteo Pessina (Atalanta), Stefano Sensi (Inter), Marco Verratti (Paris Saint Germain);

Attakkanti: Andrea Belotti (Torino), Domenico Berardi (Sassuolo), Federico Bernardeschi (Juventus), Federico Chiesa (Juventus), Ciro Immobile (Lazio), Lorenzo Insigne (Napoli), Matteo Politano (Napoli).

Matthew Scerri

Rabiot: “Ma narax għalfejn għandi nitlaq lil Juventus”

/in /by

“Ninsab tajjeb ma’ Juventus. Inħossni apprezzat minn kulħadd. Nara lili nnifsi fid-dna ta’ dal-klabb, fl-etika tax-xogħol u fil-kultura tar-rebħ. Ma narax għalfejn għandi nitlaq. Irrid nirbaħ mill-ġdid l-iscudetto. Għandna t-tim u l-kwalitajiet biex nagħmlu dan. Irrid tazzi nazzjonali, ibda biex is-Super Cup kontra Inter. U rrid nirbaħ iċ-Champions League li Juventus ilhom wisq ma’ jirbħu.” Hekk tkellem Adrien Rabiot dwar il-futur tiegħu f’intervista mogħtija lil La Gazzetta dello Sport. Dwar Allegri, Rabiot qal li jinsab kuntent li rritorna ma’ Juventus u sostna li sentejn ilu kien għażel li jingħaqad ma’ Juventus proprju minħabba fih. Hu kellu kliem ta’ tifħir anki għal Pirlo li, skontu, ħadem tajjeb u kien jeħtieġ iktar żmien biex juri l-ideat tiegħu.

Matthew Scerri

L-ewwel paġni tal-gazzetti Taljani (30 ta’ Mejju 2021)

/in /by

Qed inwasslulkom l-ewwel paġni tal-gazzetti Taljani tal-isports tal-lum it-30 ta’ Mejju 2021.

Nedved kellu laqgħa ma’ Raiola

/in /by

Fl-ewwel paġna ta’ Tuttosport tal-lum insibu l-aħbar li Pavel Nedved kellu laqgħa f’Monaco ma’ Mino Raiola. Skont il-gazzetta huma tkellmu dwa il-futur ta’ diversi plejers, fosthom Donnarumma, Pogba, Romagnoli u Bernardeschi. Bħal soltu, jidher li anki das-sajf Raiola se jkun protagonist tas-suq tat-trasferimenti Juventin.

Matthew Scerri

Atletico Madrid f’negozjati ma’ Udinese għal De Paul

/in /by

Rodrigo De Paul, li ssemma ħafna ma’ Juventus fl-aħħar xhur, jista’ jkun li jmur ikompli l-karriera tiegħu fi Spanja. Atletico Madrid jinsabu interessati ferm li jiksbu s-servizzi tiegħu u fetħu negozjati ma’ Udinese. Il-prezz li l-klabb qed jitlob għalih hu ta’ 40 miljun Ewro. Juventus u Milan ukoll iriduh biss f’dan l-istadju Atletico Madrid jidhru li huma l-favoriti li jiksbuh peress li jistgħu jissodisfaw it-talba ta’ Udinese.

Matthew Scerri

Imsemmi b’saħħa Calhanoglu

/in /by

Allegatament Juventus jinsabu f’kuntatti mal-aġenti ta’ Hakan Calhanoglu li attwalment hu free-agent. Milan offrewlu kuntratt ġdid b’paga ta’ 4 miljuni fis-sena, liema offerta ma tantx għoġbitu. Juventus, mill-banda tagħhom qed joffrulu 5 miljun u bonuses fis-sena. Jidher li Allegri hu favur dat-trasferiment u għaldaqstant il-kuntatti mal-aġenti se jkomplu għaddejjin bit-tama li Juventus jirnexxilhom jiksbu lil Calhanoglu.

Matthew Scerri

Bħal-lum fil-passat (30 ta’ Mejju)

/in /by

Immorru lura għas-sena 1954 meta proprju bħal-lum Juventus kienu għelbu lil Napoli fil-kampjonat bl-iskor ta’ 3-2. Il-gowls kellhom il-firma ta’ Ricagni, Boniperti u Hansen.