Fiorentina-Juventus 1-1

/in /by

Fiorentina-Juventus kienet qisha film li diġà rajna diversi drabi f’dan l-istaġun: l-Ewwel Taqsima kienet diżastru totali b’Pirlo li bidel is-sistema kompletament; filwaqt li t-Tieni Taqsima Juventus lagħbu ferm aħjar wara li Pirlo għamel il-bidliet meħtieġ biex it-tim jilgħab bl-istess sistema ta’ logħob li drajna fl-aħħar xhur. Minkejja li lagħbu aħjar fit-Tieni Taqsima, il-Bianconeri ma rnexxilhomx jirbħu. Il-Juventus ta’ dis-sena hi Juventus inkonsistenti ferm, kif ilna nafu, u l-impressjoni tagħna hi li spiss tkun żbaljata l-mentalità li biha t-tim jidħol fil-grawnd. Apparti l-kwalità baxxa ta’ nofs il-grawnd Juventin, fl-aħħar ġimgħat rajna spiss lil Ronaldo maqtugħ wisq mil-logħba, filwaqt li Szczesny li m’għadux jagħti kunfidenza lill-bqija tad-difiża. Jekk imbagħad inżidu anki l-ħmerija li jagħmlu ċertu plejers fil-grawnd (tipo l-penalty għalxejn li Rabiot ikkawża llum), faċli nifhmu għalfejn Juventus qed ibatu daqstant dis-sena. Kif dejjem għidna kellna kollox biex niġġieldu għar-rebħ tal-kampjonat sal-aħħar, biss ma tistax tkun kompetittiv jekk f’sena tikseb punti minn żewġ partiti kontra Benevento u punt ieħor fil-konfront doppju ma’ Fiorentina.

FIORENTINA-JUVENTUS 1-1

Skurjaw: Vlahovic (pen.) (F), Morata (J)

Fiorentina (3-5-2): Dragowski; Caceres, Milenkovic, Pezzella; Venuti (Martinez Quarta), Amrabat, Pulgar, Castrovilli (Eysseric), Igor (Biraghi); Vlahovic, Ribery (Kouame). Kowċ: Iachini.

Juventus (3-4-1-2): Szczesny, De Ligt, Bonucci (Kulusevski), Chiellini; Cuadrado, Bentancur, Rabiot, Alex Sandro; Ramsey (McKennie), Ronaldo, Dybala (Morata). Kowċ: Pirlo.

Referee: Massa.

Karti sofor: Igor (F), Caceres (F), De Ligt (J), Biraghi (F).

Matthew Scerri

Ceferin: “Se jkun hemm konsegwenzi għat-tnax li huma”

/in /by

Nhar il-Ġimgħa l-Eżekuttiv tal-Uefa ddeċieda li ma jittieħdu ebda passi fil-konfront tat-12-il tim fundatur tal-European Super League. Fl-istqarrija li ħarġet l-Uefa hemm miktub li l-Eżekuttiv għad irid jara x’se jiġri fil-futur dwar dil-kwistjoni. Illum Ceferin ta intervista lil Daily Mail. Fi kliemu se jkun hemm konsegwenzi għat-12-il tim. Kulħadd se jħallas t’għemilu eventwalment għax kulħadd hu responsabbli f’din l-istorja. Ceferin sostna li fl-opinjoni t-tnax-il tim iridu jinqasmu fi tliet gruppi: (i) il-klabbs Ingliżi li ħarġu mill-ewwel; (ii) Atletico Madrid, Inter u Milan li telqu wara; u (iii) Juventus, Real Madrid u Barcellona.

Matthew Scerri

Paratici jitkellem dwar Pirlo u Agnelli

/in /by

Qabel Fiorentina-Juventus, Fabio Paratici tkellem dwar diversi kwistjonijiet. Fost l-argumenti li tkellem dwarhom kien hemm anki l-futur ta’ Pirlo u ta’ Agnelli. Hu sostna li jekk Juventus jiġu mal-ewwel erbgħa fi tmiem il-kampjonat, Pirlo se jibqa’ jkun il-kowċ ta’ Juventus. Dwar Agnelli, Paratici sostna li qed jarah kalm u trankwill, u li qed jaħdem għall-futur tat-tim Juventin.

Matthew Scerri

11-il klabb tas-Serie A jitolbu passi kontra Juventus, Inter u Milan. L-Uefa tagħmel pressjoni wkoll

/in /by

Ħdax-il klabb tas-Serie A talbu uffiċjalment li jittieħdu passi fil-konfront ta’ Juventus, Inter u Milan talli waqqfu s-Super League. Il-klabbs li ressqu dit-talba huma: Roma, Torino, Bologna, Genoa, Sampdoria, Sassuolo, Spezia, Benevento, Crotone, Parma u Cagliari.

Intant qed ikun hemm allegazzjonijiet (li għaldaqstant mhumiex ikkonfermati) li l-Uefa qed titlob lill-FIGC li uffiċċjali ta’ Juventus, Milan u Inter ma jkunux iktar qed jiffurmaw parti mill-Kumitat Eżekuttiv tal-istess Federazzjoni. L-iktar wieħed li qed jirriskja bħalissa hu Marotta li hu membru fl-Eżekuttiv u li x’aktarx se jkun qed iċedi postu. Allegatament, l-Uefa mhix lesti tinnegozja xejn issa u fil-futur mal-FIGC jekk fl-istrutturi tagħhom ikun hemm rappreżentanti ta’ Juventus, Inter u Milan.

Matthew Scerri

Uffiċjali: Kif se jibdew Fiorentina u Juventus

/in /by

Fiorentina (3-5-2): Dragowski; Caceres, Milenkovic, Pezzella; Venuti, Amrabat, Pulgar, Castrovilli, Igor; Vlahovic, Ribery.

Juventus (3-4-1-2): Szczesny, De Ligt, Bonucci, Chiellini; Cuadrado, Bentancur, Rabiot, Alex Sandro; Ramsey, Ronaldo, Dybala.

Anniversarju: 25/4/1990 Juventus jirbħu l-Coppa Italia

/in /by

Wieħed u tletin sena ilu Juventus rebħu l-Coppa Italia għat-tmien darba fl-istorja tagħhom. Fil-finali huma kienu lagħbu kontra Milan u rebħu bl-iskor ta’ 1-0 bil-gowl tar-rebħa jkollu l-firma ta’ Roberto Galia. Dik il-ħabta l-Finali tal-Coppa Italia kienet tintlagħab fuq żewġ partiti. L-ewwel konfront, f’Turin, kien intemm fi draw ta’ 0-0. Imbagħad, kif għidna, fil-25 t’ April 1990 Juventus f’San Siro għelbu lil Milan u għollew it-trofew.

Matthew Scerri

L-ewwel paġni tal-gazzetti Taljani (25 ta’ April 2021)

/in /by

Qed inwasslulkom l-ewwel paġni tal-gazzetti Taljani tal-isports tal-lum il-25 ta’ April 2021.

Anniversarju: 25/4/1995 miet Andrea Fortunato

/in /by

Illum jaħbat is-26 anniversarju mill-mewt ta’ Andrea Fortunato. Kien proprju fil-25 t’April 1995 li Fortunato tilef il-ġlieda kontra l-marda kiefra tal-lukiemja. Kien deher li seta’ jirbaħ din il-ġlieda, imma xi kumplikazzjonijiet wasslu biex Fortunato ħalla din id-dinja fl-età ta’ 23 sena. Il-video t’hawn taħt ifakkarna ftit min kien Fortunato.

Matthew Scerri

Il-plejers Juventini mgħajta għall-partita kontra Fiorentina

/in /by

Il-plejers mgħajta minn Pirlo għall-partita kontra Fiorentina huma:

Gowlers: Szczesny, Pinsoglio, Buffon.

Difensuri: Chiellini, De Ligt, Alex Sandro, Danilo, Cuadrado, Bonucci, Frabotta.

Plejers ta’ nofs il-grawnd: Arthur, Ramsey, McKennie, Rabiot, Bentancur, Bernardeschi, Kulusevski.

Attakkanti: Ronaldo, Morata, Dybala, Felix Correia.

Matthew Scerri