L-ewwel paġni tal-gazzetti Taljani (17 ta’ April 2021)
Qed inwasslulkom l-ewwel paġni tal-gazzetti Taljani tal-isports tal-lum is-17 ta’ April 2021.
Il-partitarji se jitħallew jidħlu fl-istadium għall-Finali tal-Coppa Italia
Is-Segretarju Parlamentari għall-Ministeru tas-Saħħa, Andrea Costa kkonferma ma’ Sky l-Gvern Taljan qed jaħdem biex għall-Finali tal-Coppa Italia jitħallew jidħlu l-partitarji fil-grawnd. Il-pjan tal-Gvern hu li jitħallew jidħlu sa massimu ta’ 15% tas-seating capacity tal-grawnd. Hu ma kkonfermax l-aħbar li mill-1 ta’ Mejju l-istadiums Taljani kollha se jkunu jistgħu jilqgħu mill-ġdid elf partitarju għal kull partita.
Matthew Scerri
Bħal-lum fil-passat (17 ta’ April)
17 ta’ April 1960. Juventus iġibu fix-xejn lil Napoli f’partita li ntemmet bl-iskor ta’ 4-2. Dakinhar l-eroj Juventin kien Sivori li skorja hattrick. Il-gowl l-ieħor ġie skorjat minn Charles.
Ftit inqas minn 70 miljuni għal Juventus miċ-Champions League
Skont Calcio e Finanza dis-sena l-klabbs Taljani daħħlu komplessivament 192.2 miljun Ewro miċ-Champions League. L-iktar tim li kellu dħul mill-ogħla kompetizzjoni Ewropea kienu Juventus b’total ta’ 68.68 miljun Ewro. Diċ-ċifra hi ferm inferjuri għal dik li s-soltu Juventus idaħħlu miċ-Champions League.
Matthew Scerri
Chiellini: “Qatt ma tim ieħor fl-Italja jew fl-Ewropa”
Intervistat minn Sky, Giorgio Chiellini stqarr dan li ġej: “Waqt il-waqfa kien qisu t-tiġdid tal-kuntratti tiegħi u ta’ Buffon kienet problema, iżda mhuwiex hekk. Aħna la qatt konna u la qatt m’aħna se nkunu problema.” Chiellini eskluda l-possibbiltà li jmur jilgħab ma’ tim ieħor: “Bir-rispett kollu m’jien qatt se nilgħab għal tim ieħor fl-Italja jew fl-Ewropa. Hu biss fantamercato. Mhix kwistjoni attwali. Bħalissa moħħna kollha fuq Zapata, Muriel u Malinovskyi. Għandi ħafna ħsibijiet dwarhom. L-affarijiet l-oħra jiġu wara u huma ‘l bogħod ħafna minn dak li jien bħalissa kkunċentrat fuqu.”
Matthew Scerri
X’qed joffru Juventus u Inter lil Everton għal Kean
Ilna nisimgħu u naqraw li Juventus jinsabu interessati li jieħdu lura magħhom lil Moise Kean. Qed ikun irrapurtat li issa anki Inter tħajru għalih. Skont Tuttosport il-klabbs Taljani qed jipproponu tpartit lil Everton: Juventus lesti jibdlu lil Kean ma’ Rabiot, filwaqt li Inter qed joffrulhom lil Vecino. Ovvjament f’din l-istorja kollha ma rridux ninsew li PSG għandhom id-dritt li jixtru għal kollox lil Kean u peress li dis-sena mar tajjeb magħhom hu probabbli li PSG jbigħu plejers oħra fl-attakk (Icardi) biex hekk ikunu jistgħu jżommu lil Kean magħhom.
Matthew Scerri
Bħal-lum fil-passat (16 ta’ April)
Filmat tal-konfront bejn Juventus u Bologna (skor finali 2-1) li ntlagħab bħal-lum fl-1977.
Seba’ klabbs tas-Serie A jitolbu r-riżenja ta’ Dal Pino
Il Sole 24 Ore qed jiżvelaw b’mod esklussiv li seba’ klabbs tas-Serie A bagħtu żewġ ittri lil Dal Pino biex jitolbuh jirriżenja minn President tal-Lega Calcio. It-timijiet li ffirma l-ittra huma: Atalanta, Fiorentina, Inter, Juventus, Lazio, Napoli u Hellas Verona. Jidher li l-klabbs mhumiex sodisfatti bil-mod kif inbigħu t-tv rights. Barra minn hekk, allegatament, il-klabbs huma urtati għall-fatt li l-iStadio Olimpico se jiftaħ il-bibien tiegħu għas-supporters fl-okkażjoni tal-Euro2020, filwaqt li fil-kampjonat l-istadiums ilhom bil-bibien magħluqa sa minn Ottubru li għadda.
Matthew Scerri
Da Graca ġedded il-kuntratt ma’ Juventus
Tħabbar uffiċjalment li Marco Da Graca ffirma kuntratt ġdid ma’ Juventus sal-2024. Dis-sena Da Graca kien kemm-il darba mgħajjat mat-tim tal-kbar u anki lagħab fil-Coppa Italia kontra Spal.
Matthew Scerri
Ir-referees tal-partiti tal-31 Ġurnata tas-Serie A
Is-Sibt 17 ta’ April 2021, 3.00 p.m.
Crotone-Udinese: Massimi
Sampdoria-Verona: Dionisi
Is-Sibt 17 ta’ April 2021, 6.00 p.m.
Sassuolo-Fiorentina: Aureliano
Is-Sibt 17 ta’ April 2021, 8.45 p.m.
Cagliari-Parma: Valeri
Il-Ħadd 18 ta’ April 2021, 12.30 p.m.
Milan-Genoa: Calvarese
Il-Ħadd 18 ta’ April 2021, 3.00 p.m.
Atalanta-Juventus: Orsato
Bologna-Spezia: Piccinini
Lazio-Benevento: Ghersini
Il-Ħadd 18 ta’ April 2021, 6.00 p.m.
Torino-Roma: Massa
Il-Ħadd 18 ta’ April 2021, 8.45 p.m.
Napoli-Inter: Doveri
Matthew Scerri